പേരാവൂർ : വയനാട് ജനതയെ കേന്ദ്ര – സംസ്ഥാന സർക്കാറുകൾ വഞ്ചിച്ചുവെന്നാരോപിച്ച് കോൺഗ്രസ് പേരാവൂർ മണ്ഡലം കമ്മിറ്റി പ്രതിഷേധ പ്രകടനം നടത്തി. മണ്ഡലം പ്രസിഡന്റ് അഡ്വ.ഷഫീർ ചെക്യാട്ട്, ജൂബിലി ചാക്കോ, സുധീപ് ജെയിംസ്, പൊയിൽ മുഹമ്മദ്‌, സുരേഷ് ചാലാറത്ത്, സി.ഹരിദാസ്, കെ.സുഭാഷ് , ബാബു തുരുത്തി പള്ളിയിൽ, അജിനാസ് പടിക്കലക്കണ്ടി, ശരത് ചന്ദ്രൻ, കെ.സാജിർ, നൂറുദ്ധീൻ മുള്ളേരിക്കൽ എന്നിവർ സംസാരിച്ചു.

പേരാവൂർ: വയനാട് ദുരന്തത്തിന്റെ സാഹചര്യത്തിൽ പേരാവൂർ മഹല്ല് നബിദിന റാലിയിൽ ആഘോഷങ്ങൾ പൂർണമായും ഒഴിവാക്കി. പ്രചരണ വാഹനമോ ദഫ് മുട്ടോ മറ്റു കലാപരിപാടികളോ റാലിയിൽ ഉണ്ടായിരുന്നില്ല.മഹല്ല് ഖത്തീബ് മൂസ മൗലവി, പ്രസിഡന്റ് യു.വി.റഹീം, കെ.പി.അബ്ദുൾ റഷീദ്, പൂക്കോത്ത് അബൂബക്കർ, വി.കെ.സാദിഖ്, സി.പി.എച്ച്.മജീദ്, എ.കെ.ഇബ്രാഹിം,ഐഡിയൽ അബ്ദുള്ള, പൊയിൽ ഉമ്മർ എന്നിവർ നേതൃത്വം നല്കി.

പേരാവൂർ: മുരിങ്ങോടി ടൗണിനു സമീപം സ്‌കൂട്ടർ ടിപ്പർ ലോറിയിലിടിച്ച് അമ്മക്കും മകൾക്കും പരിക്കേറ്റു. നമ്പിയോടിലെ തുന്നൻ വീട്ടിൽ നിഷ്ണ (24) മകൾ അനൈഖ (5) എന്നിവർക്കാണ് സാരമായി പരിക്കേറ്റത്. ഇരുവരെയും കണ്ണൂരിലെ സ്വകാര്യാസ്പത്രിയിൽ പ്രവെശിപ്പിച്ചു. തിങ്കളാഴ്ച ഉച്ചയോടെയായിരുന്നു അപകടം.