സിവിൽ സർവീസ് പരിശീലന ക്ലാസിന് അപേക്ഷ ക്ഷണിച്ചു
കേരള സംസ്ഥാന സിവിൽ സർവീസ് അക്കാദമി നടത്തുന്ന സിവിൽ സർവീസസ് പരീക്ഷയുടെ പരിശീലന ക്ലാസിന്റെ തിരുവനന്തപുരം, ആലുവ എന്നീ കേന്ദ്രങ്ങളിലേക്കുള്ള അപേക്ഷ ക്ഷണിച്ചു. പ്രിലിംസ് കം മെയിൻസ് സെപ്റ്റംബർ ബാച്ചിലേക്ക് ഏതെങ്കിലും വിഷയത്തിൽ ബിരുദം കഴിഞ്ഞവരും 2024-ൽ ബിരുദം പൂർത്തിയാക്കുന്നവർക്കും അപേക്ഷിക്കാം. പ്രിലിംസ്, മെയിൻസ് പരീക്ഷയ്ക്കുള്ള ഒരുവർഷത്തെ പരിശീലന ക്ലാസുകളാണ് നടത്തുന്നത്. സെപ്റ്റംബർ രണ്ടുമുതൽ ക്ലാസുകളാരംഭിക്കും. കൂടാതെ അക്കാദമി ആരംഭിക്കുന്ന റിപ്പീറ്റേഴ്സ് ബാച്ചായ റീകിന്റിലിലേക്ക് മുൻ വർഷങ്ങളിൽ പഠിച്ച വിദ്യാർഥികൾക്കും മറ്റും അപേക്ഷിക്കാം. വിവരങ്ങൾക്ക്: kscsa.org | 0471-2311654, 2313065, 8281098864.
