Kannur
ഷാജിയുടെ ‘ഈറ്റില്ല’ത്തില്‍ വിരിഞ്ഞിറങ്ങി.. രാജവെമ്പാലയുടെ 16 കുഞ്ഞുങ്ങള്‍
കണ്ണൂര്‍: കുളിരുറങ്ങുന്ന ഉള്‍ക്കാടുകളില്‍ മാത്രം നടക്കുന്ന പിറവിക്ക് സാക്ഷ്യംവഹിച്ച സന്തോഷത്തിലാണ് തളിപ്പറമ്പ് ബക്കളം മീത്തല്‍ വീട്. പാമ്പുകളിലെ രാജാവായ രാജവെമ്പാലയുടെ 16 കുഞ്ഞുങ്ങളാണ് വീട്ടിലൊരുക്കിയ കൃത്രിമ ഈറ്റില്ലത്തില്‍ വിരിഞ്ഞിറങ്ങിയത്. വനംവകുപ്പ് വാച്ചറും വന്യജീവി സംരക്ഷണ സംഘടനയായ മാര്‍ക്കിന്റെ സജീവ അംഗവും അംഗീകൃത പാമ്പ് സംരക്ഷകനുമായ മീത്തല്‍ ഷാജിയാണ് വീട്ടില്‍ രാജവെമ്പാലയുടെ മുട്ടകള്‍ വിരിയിച്ചത്.
ഒരുപക്ഷേ, നശിച്ചുപോകുമായിരുന്ന മുട്ടകളിലെ ജീവന്റെ തുടിപ്പ് പ്രകൃതിക്ക് തിരിച്ചുനല്‍കിയതിന്റെ സന്തോഷത്തിലാണ് ഷാജി. കുടിയാന്‍മല കനകക്കുന്നിലെ ലോനപ്പന്റെ കൊക്കോ തോട്ടത്തില്‍നിന്ന് കിട്ടിയ മുപ്പത് മുട്ടകള്‍ വനം വകുപ്പ് അധികാരികളുടെ നിര്‍ദേശാനുസരണം ഷാജി വീട്ടിലെത്തിച്ച് സൂക്ഷിക്കുകയായിരുന്നു. കരുവന്‍ചാല്‍ സെക്ഷന്‍ ഫോറസ്റ്റര്‍ കെ. മധുവിന്റെ നിര്‍ദേശാനുസരണം ഏപ്രില്‍ 20-ന് തോട്ടത്തിലെത്തിയതായിരുന്നു ഷാജി.
ആളുകളെകണ്ട് രാജവെമ്പാല മറഞ്ഞു. പാമ്പ് കിടന്ന ഇലക്കൂന പരിശോധിച്ചപ്പോഴാണ് മുട്ടകള്‍ കിട്ടിയത്. മുട്ടകള്‍ അവിടെ സൂക്ഷിക്കാന്‍ ശ്രമിച്ചെങ്കിലും നാട്ടുകാരും സ്ഥലമുടമയും എതിര്‍പ്പുയര്‍ത്തി. അതോടെയാണ് അവ സുരക്ഷിതമായി വിരിയിച്ചെടുക്കാനുള്ള ഉത്തരവാദിത്വം ഷാജിയിലെത്തിയത്. 90 മുതല്‍ 110 ദിവസംവരെ എടുത്താണ് പാമ്പിന്‍മുട്ടകള്‍ വിരിയുക. ഷാജിയുടെ വീട്ടിലെത്തിച്ച് എണ്‍പതാം ദിവസമാണ് മുട്ടകള്‍ വിരിഞ്ഞത്.
വിരിഞ്ഞിറങ്ങിയ കുഞ്ഞുങ്ങളെ പഴയ അക്വേറിയത്തിന്റെ ചില്ലുകൂട്ടിലേക്ക് മാറ്റി. മുട്ടകള്‍ വിരിയുമെന്ന് പ്രതീക്ഷ ഇല്ലായിരുന്നുവെന്ന് ഷാജി പറഞ്ഞു. അവ കിടന്ന സ്ഥലത്തെ ഇലകളും കൂടിനു താഴെ ഐസ് വെച്ച് തണുപ്പിച്ചതുകൊണ്ടുമാകാം പകുതിയെങ്കിലും വിരിഞ്ഞതെന്നും അദ്ദേഹം പറഞ്ഞു. 24 മുതല്‍ 28 ഡിഗ്രി സെല്‍ഷ്യസ് വരെയുള്ള അന്തരീക്ഷ താപനിലയും 55 ശതമാനം മുതല്‍ 90 ശതമാനം വരെയുള്ള ഈര്‍പ്പവുമാണിത് വിരിയാന്‍ വേണ്ടത്.
പാമ്പുകളുമായുള്ള 13 വര്‍ഷത്തെ സഹവാസത്തിനിടയില്‍ അപൂര്‍വമായ പിറവിക്ക് തണലൊരുക്കാനായതിന്റെ സന്തോഷം അദ്ദേഹവും കുടുംബവും മറച്ചുവെക്കുന്നില്ല. നേരത്തേയും മുട്ടകള്‍ അതാതിടത്ത് സംരക്ഷിച്ച് വനം വകുപ്പ് വിരിയിച്ചിട്ടുണ്ടെങ്കിലും ആദ്യമായാണ് വീട്ടില്‍ വിരിയിക്കുന്നതെന്ന് തളിപ്പറമ്പ് റെയ്ഞ്ച് ഓഫീസര്‍ പി. രതീശന്‍ പറഞ്ഞു. കുഞ്ഞ് രാജവെമ്പാലകള്‍ക്കും വലിയവയുടെ അത്രതന്നെ വിഷമുള്ളവയാണെന്ന് വന്യജീവി ഗവേഷകന്‍ ഡോ. റോഷ്നാഥ് രമേഷ് പറഞ്ഞു. ഒരാഴ്ചയ്ക്കുശേഷം പാമ്പിന്‍കുഞ്ഞുങ്ങളെ ഉള്‍ക്കാട്ടില്‍ വിടാനാണ് അധികൃതരുടെ പദ്ധതി.
കണ്ണൂർ: സംസ്ഥാനത്ത് മനുഷ്യ-വന്യജീവി സംഘർഷം കൂടുതലായി റിപ്പോർട്ട് ചെയ്യുന്ന സാഹചര്യത്തിൽ മനുഷ്യ-വന്യജീവി സംഘർഷങ്ങൾ സംസ്ഥാന ദുരന്തമായി പ്രഖ്യാപിച്ച് സംഘർഷ ലഘൂകരണ പ്രവർത്തനങ്ങളുടെ ഫലപ്രദമായ ഏകോപനത്തിനായി കണ്ണൂർ ജില്ലയിൽ രണ്ട് ഡിവിഷനൽ ഫോറസ്റ്റ് എമർജൻസി ഓപ്പറേഷൻ സെൻ്ററുകൾ (ഡിഎഫ്ഇഒസി) സ്ഥാപിച്ചു. കണ്ണൂർ ഡിഎഫ്ഇഒസി ഫോൺ നമ്പർ 9188407547, ആറളം ഡിഎഫ്ഇഒസി ഫോൺ നമ്പർ 9188407546.ഇത് കൂടാതെ വനം വകുപ്പ് ആസ്ഥാനത്ത് സ്‌റ്റേറ്റ് ഫോറസ്റ്റ് എമർജൻസി ഓപ്പറേഷൻ സെൻ്ററും ഫോറസ്റ്റ് കൺട്രോൾ റൂമും പ്രവർത്തനം ആരംഭിച്ചു. കൺട്രോൾ റൂം തിരുവനന്തപുരം-ടോൾ ഫ്രീ നമ്പർ 1800425473. സ്‌റ്റേറ്റ് ഫോറസ്റ്റ് എമർജൻസി ഓപ്പറേഷൻ സെൻ്റർ: 9188407510, 9188407511.
കണ്ണൂർ: ആരോഗ്യം ആനന്ദം, അകറ്റാം അര്‍ബുദം കാന്‍സര്‍ പ്രതിരോധ ജനകീയ ക്യാമ്പയിനിന്റെ ഭാഗമായി സ്ത്രീകളിലെ കാന്‍സര്‍ സ്‌ക്രീനിംഗ് പരിപാടിയുടെ ജില്ലാതല മെഗാക്യാമ്പ് ഫെബ്രുവരി 27ന് രാവിലെ പത്ത് മുതല്‍ കലക്ടറേറ്റ് ഓഡിറ്റോറിയത്തില്‍ നടത്തും. കുടുംബകോടതി ജഡ്ജിയും താലൂക്ക് ലീഗല്‍ സര്‍വീസസ് കമ്മിറ്റി ചെയര്‍മാനുമായ ആര്‍.എല്‍ ബൈജു ഉദ്ഘാടനം ചെയ്യും.
ജില്ലാ കലക്ടര്‍ അരുണ്‍ കെ. വിജയന്‍, സിറ്റി പോലീസ് കമ്മിഷണര്‍ പി നിധിന്‍ രാജ് എന്നിവര്‍ വിശിഷ്ടാതിഥികളാകും. ഡി.എം.ഒ ഡോ. പിയൂഷ് എം. നമ്പൂതിരിപ്പാട് അധ്യക്ഷത വഹിക്കും. 30 വയസിന് മുകളിലുള്ള കലക്ടറേറ്റിലെ വിവിധ വകുപ്പുകളിലെ വനിതാ ജീവനക്കാര്‍ക്കും വനിതാ പോലീസിനും കണ്ണൂര്‍ കോടതി സമുച്ചയത്തിലെ വനിതാ അഡ്വക്കേറ്റ്‌സ്, സ്റ്റാഫ് എന്നിവര്‍ക്കും വേണ്ടിയുള്ള മെഗാ കാന്‍സര്‍ സ്‌ക്രീനിംഗ് ക്യാമ്പും ബോധവത്കരണവുമാണ് നടത്തുന്നത്.
ജില്ലയില്‍ വിദ്യാഭ്യാസ വകുപ്പില്‍ എല്‍.പി സ്‌കൂള്‍ ടീച്ചര്‍ (മലയാളം മീഡിയം) (കാറ്റഗറി നമ്പര്‍-709/2023) തസ്തികയുടെ തെരഞ്ഞെടുപ്പിനായി പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട് ഒറ്റത്തവണ വെരിഫിക്കേഷന്‍ പൂര്‍ത്തിയാക്കിയ ഉദ്യോഗാര്‍ഥികളുടെ അവസാന ഘട്ട അഭിമുഖം പി.എസ്.സി കണ്ണൂര്‍ ജില്ലാ ഓഫീസില്‍ മാര്‍ച്ച് അഞ്ച്, ആറ്, ഏഴ്, 12, 13, 14, 19, 20, 21, 26, 27 (11 ദിവസം) തീയതികളില്‍ നടത്തും. അവസാന ഘട്ടത്തിലുള്‍പ്പെട്ട ഉദ്യോഗാര്‍ഥികള്‍ക്ക് പ്രൊഫൈല്‍ മെസേജ്, എസ്.എം.എസ് എന്നിവ അയച്ചിട്ടുണ്ട്. ഇന്റര്‍വ്യൂ മെമ്മോ, ബയോഡാറ്റാ പെര്‍ഫോമ എന്നിവ പ്രൊഫൈലില്‍ ലഭിക്കും. ഉദ്യോഗാര്‍ഥികള്‍ കമ്മീഷന്‍ അംഗീകരിച്ച അസല്‍ തിരിച്ചറിയല്‍ രേഖ, അസല്‍ പ്രമാണങ്ങള്‍, ഡൗണ്‍ലോഡ് ചെയ്തെടുത്ത ഇന്റര്‍വ്യൂ മെമ്മോ, ബയോഡാറ്റാ പെര്‍ഫോമ, ഒ.ടി.വി സര്‍ട്ടിഫിക്കറ്റ് എന്നിവ സഹിതം ഇന്റര്‍വ്യൂ ദിവസം നിശ്ചിത സമയത്ത് നേരിട്ട് ഹാജരാകണം.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News11 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
