സംസ്ഥാനത്തെ ആദ്യത്തെ ഇ-സ്‌പോർട്സ് കേന്ദ്രം തലശ്ശേരിയിൽ
തലശ്ശേരി:സംസ്ഥാനത്തെ ആദ്യ ഇ-സ്‌പോർട്സ് കേന്ദ്രം തലശ്ശേരിയിലെ വി.ആർ.കൃഷ്ണയ്യർ മെമ്മോറിയൽ മുൻസിപ്പൽ സ്റ്റേഡിയത്തിൽ ആരംഭിക്കും. തലശ്ശേരി സ്റ്റേഡിയം കോംപ്ലക്സിൽ രണ്ടു മാസത്തിനകം അത്യാധുനിക സൗകര്യങ്ങളോടു കൂടിയ ജിംനേഷ്യം സെന്ററും സ്‌പോർട്സ് കേരള ഫൗണ്ടേഷന്റെ ആഭിമുഖ്യത്തിൽ ഹെൽത്തി കിഡ്സ് പ്രോഗ്രാമും ആരംഭിക്കും.
ഇതിനായി എം.എൽ.എ ഫണ്ടിൽനിന്നും 25 ലക്ഷം രൂപയാണ് വകയിരുത്തിയിരിക്കുന്നത്. ഈ മാസം13ന് സംസ്ഥാന സ്‌പോർട്സ് ഡയറക്ടർ ഉൾപ്പെടെയുള്ള വിദഗ്ദ്ധസംഘം സ്ഥലം സന്ദർശിച്ച് കാര്യങ്ങൾ വിലയിരുത്തും.നിയമസഭാ സ്പീക്കറുടെ ചേംബറിൽ സ്പീക്കർ വിളിച്ചു ചേർത്ത യോഗത്തിലാണ് തീരുമാനങ്ങൾ കൈക്കൊണ്ടത്. യോഗത്തിൽ സ്‌പോർട്സ് വകുപ്പുമന്ത്രി വി.അബ്ദുറഹ്മാൻ, കിഫ്ബി ജി.എം.ഷൈല, സ്‌പോർട്സ് ഡയറക്ടർ വിഷ്ണുരാജ് ,, എസ്.കെ.എഫ് സി ഇ.ഒ. അജയകുമാർ, സ്‌പോർട്സ് വകുപ്പുമന്ത്രിയുടെ പ്രൈവറ്റ് സെക്രട്ടറി സത്യപാലൻ, സ്പീക്കറുടെ പ്രൈവറ്റ് സെക്രട്ടറി ടി.മനോഹരൻ നായർ, അഡീഷണൽ പ്രൈവറ്റ് സെക്രട്ടറി അർജുൻ എസ്.കുമാർ പങ്കെടുത്തു.
