കൊയിലാണ്ടി കോളജിലെ സംഘർഷം; നാല് വിദ്യാർഥികൾക്ക് സസ്പെൻഷൻ
കൊയിലാണ്ടി: ഗുരുദേവ കോളജിൽ പ്രിൻസിപ്പലും എസ്എഫ്ഐ പ്രവർ‌ത്തകരും തമ്മിലുണ്ടായ സംഘർഷത്തെ തുടർന്ന് നാല് വിദ്യാർഥികളെ സസ്പെൻഡ് ചെയ്തു.
രണ്ടാം വർഷ ബി.ബി.എ വിദ്യാർഥി എം.കെ. തേജു സുനിൽ, മൂന്നാം വർഷ ബിബിഎ വിദ്യാർഥി ടി.കെ. തേജുലക്ഷ്മി, രണ്ടാം വർഷ ബികോം വിദ്യാർഥി ആർ.പി. അമൽരാജ്, രണ്ടാം വർഷ സൈക്കോളജി വിദ്യാർഥി അഭിഷേക് എസ്. സന്തോഷ് എന്നിവരെയാണു സസ്പെൻഡ് ചെയ്തത്.
ഗുരുദേവ കോളജിൽ എസ്എഫ്ഐ ഹെൽപ് ഡെസ്ക് സ്ഥാപിക്കുന്നതുമായി ബന്ധപ്പെട്ടാണ് സംഘർഷം. തുടർന്ന് എസ്എഫ്ഐ പ്രവർത്തകർ പ്രിൻസിപ്പലിനെയും അധ്യാപകനെയും കൈയേറ്റം ചെയ്യുകയുണ്ടായി.
പ്രിൻസിപ്പൽ ഡോ. സുനിൽ ഭാസ്കർ, അധ്യാപകൻ കെ.പി. രമേശൻ എന്നിവർക്ക് പരിക്കേറ്റിരുന്നു.
