സംസ്ഥാന കായികമേള ഇനി സ്‌കൂള്‍ ഒളിമ്പിക്‌സ്, നാലു വര്‍ഷത്തിലൊരിക്കല്‍ നടത്തും
സ്‌കൂള്‍ കായികമേളയില്‍ വലിയ രീതിയുള്ള പരിഷ്‌കരണങ്ങള്‍ നടത്തുന്നു. സംസ്ഥാന കായികമേള ഇനി മുതല്‍ സ്‌കൂള്‍ ഒളിമ്പിക്‌സ് എന്ന് പേരില്‍ അറിയപ്പെടും. നാലു വര്‍ഷത്തില്‍ ഒരിക്കല്‍ നടത്തുന്ന വിപുലമായ പരിപാടിയാക്കി മാറ്റാനാണ് തീരുമാനം, വിദ്യാഭ്യാസ മന്ത്രി വി.ശിവന്‍ കുട്ടി നടത്തിയ വാര്‍ത്ത സമ്മേളനത്തിലായിരുന്നു ഇക്കാര്യങ്ങള്‍ വ്യക്തമാക്കിയത് ഈ വര്‍ഷത്തെ സ്‌കൂള്‍ കലോത്സവം ഡിസംബറില്‍ തിരുവനന്തപുരത്ത് വെച്ച് നടക്കും. കലോത്സവത്തിന്റെ പുതുക്കിയ മാന്വല്‍ പ്രകാരമായിരിക്കും നടത്തുന്നത്. ഇത്തവണ തദ്ദേശിയ ജനതയുടെ(ഗോത്ര ജനത) കലകളും മത്സര ഇനമാവും.
