സുരേഷ് ഗോപിയുടെ സംഭാഷണം അശ്ലീല ഭാഷയിൽ എഡിറ്റ് ചെയ്ത് പ്രചരിപ്പിച്ച യുവാവ് അറസ്റ്റിൽ
തൃശ്ശൂർ: കേന്ദ്രമന്ത്രി സുരേഷ് ഗോപിയുടെ സംഭാഷണം അശ്ലീല ഭാഷയിൽ എഡിറ്റ് ചെയ്ത് പ്രചരിപ്പിച്ച യുവാവ് അറസ്റ്റിൽ. കാട്ടൂർ കിഴുപ്പുള്ളിക്കര കല്ലായിൽ ശ്യാം (23) ആണ് അറസ്റ്റിലായത്. തൃശ്ശൂർ കേരളവർമ കോളേജിൽ പി.ജി വിദ്യാർഥി കൂടിയാണ് അറസ്റ്റിലായ ശ്യാം.
പീച്ചിയിൽ സുരേഷ് ഗോപിക്ക് ബി.ജെ.പി നൽകിയ സ്വീകരണത്തിനിടെ വേദിയിൽ തൃശ്ശൂർ ജില്ലാ ജനറൽ സെക്രട്ടറി കെ.ആർ. ഹരിയോട് നടത്തിയ സ്വകാര്യ സംഭാഷണത്തിന്റെ വീഡിയോയാണ് അശ്ലീല ഭാഷയിൽ യുവാവ് എഡിറ്റ് ചെയ്തത്. ഈ വീഡിയോ ഇൻസ്റ്റഗ്രാം പേജിൽ പങ്കുവെക്കുകയും ചെയ്തു. കെ.ആർ. ഹരി ചേർപ്പ് പൊലീസിൽ നൽകിയ പരാതിയെത്തുടർന്നാണ് നടപടി.
