പേരാവൂർ : കണ്ണൂർ ജില്ലാ ചെസ്സ് ഓർഗനൈസിങ് കമ്മിറ്റി സംഘടിപ്പിക്കുന്ന ജില്ലാ സീനിയർ ഓപ്പൺ സെലക്ഷൻ ചെസ്സ് ചാമ്പ്യൻഷിപ്പ് ജൂലൈ ഏഴ് (ഞായറാഴ്ച) രാവിലെ 10 മുതൽ പേരാവൂർ റോബിൻസ് ഓഡിറ്റോറിയത്തിൽ നടക്കും. ജില്ലാ നിവാസികളായ എല്ലാവർക്കും പ്രായഭേദമന്യേ പങ്കെടുക്കാം. ആദ്യ നാല് സ്ഥാനം നേടുന്നവർ സംസ്ഥാന ചാമ്പ്യൻഷിപ്പിലേക്ക് യോഗ്യത നേടും. വിശദവിവരങ്ങൾക്ക് ഫോൺ : 9846879986, 9400712673, 9388775570.

പേരാവൂർ: ഹിന്ദു ഐക്യവേദി പേരാവൂർ താലൂക്ക് കമ്മിറ്റി രാഹുൽ ഗാന്ധിയുടെ കോലം കത്തിച്ച് പ്രതിഷേധിച്ചു. പ്രതിപക്ഷ നേതാവ് രാഹുൽ ഗാന്ധി പാർലമെന്റിൽ ഹൈന്ദവരെ അപമാനിച്ച് സംസാരിച്ചുവെന്നാരോപിച്ചാണ് ഹിന്ദു ഐക്യവേദി പ്രവർത്തകർ രാഹുലിന്റെ കോലം കത്തിച്ചത്. സി. ആദർശ്, കെ.കെ. രാജു, ടി. വൈശാഖ്, കെ.കെ. ശ്യാം, ഷമൽ വെള്ളർവള്ളി എന്നിവർ നേതൃത്വം നല്കി.

പേരാവൂർ : എം.പി.യു.പി സ്‌കൂൾ പി.ടി.എ പൊതുയോഗവും രക്ഷിതാക്കൾക്കുളള ബോധവത്കരണ ക്ലാസും നടന്നു. പി.ടി.എ പ്രസിഡന്റ് കെ.ടി. മുഹമ്മദ് മുസ്തഫ അധ്യക്ഷത അവഹിച്ചു. അക്കാദമി മാസ്റ്റർ പ്ലാൻ പ്രകാശനവും സമ്മാനദാനവും സ്‌കൂൾ മാനേജർ പ്രേമ നിർവഹിച്ചു.

പ്രഥമാധ്യാപിക യു.വി. സജിത, സ്‌കൂൾ മാനേജർ പ്രേമ, സി.കെ. അർഷാദ്, റിജി റെന്നി, ഇ.കെ. നിഷ, പി.കെ. സബ്‌ന, ടി.എം. അനഘ എന്നിവർ സംസാരിച്ചു. 2024-2025 വർഷത്തേക്കുള്ള പി.ടി.എ കമ്മിറ്റിയംഗങ്ങളെ തിരഞ്ഞെടുത്തു. 

ഭാരവാഹികൾ : കെ.ടി. മുഹമ്മദ് മുസ്തഫ (പ്രസി.), റിജി റെന്നി (മദർ പി.ടി.എ പ്രസി.), ഐ.കെ. പുഷ്പരാജ്, കെ. ഹഷ്‌റ (വൈസ്.പ്രസി.).