ഇരിട്ടി : ആറളം ഫാം ഗവ.ഹൈസ്‌കൂളില്‍ ഈ അധ്യയന വര്‍ഷം ഒന്ന് മുതല്‍ പ്ലസ്ടു വരെയുള്ള ക്ലാസ്സുകളില്‍ പഠിക്കുന്ന വിദ്യാര്‍ഥികള്‍ക്ക് പ്രഭാതഭക്ഷണം നല്‍കുന്നതിന് പട്ടികവര്‍ഗ്ഗ സ്ത്രീകള്‍ അംഗങ്ങളായിട്ടുള്ള കുടുംബശ്രീ യൂണിറ്റുകളില്‍ നിന്നും ക്വട്ടേഷന്‍ ക്ഷണിച്ചു. ജൂലൈ രണ്ടിന് ഉച്ചക്ക് രണ്ട് മണി വരെ ക്വട്ടേഷന്‍ സ്വീകരിക്കും ഫോണ്‍: 0497 2700357.

ഇരിട്ടി: സബ് റീജീണ്യൽ ട്രാന്‍സ്‌പോര്‍ട്ട് ഓഫീസില്‍ ജൂണ്‍ 22ന് നടത്താന്‍ നിശ്ചയിച്ചിരുന്ന ഡ്രൈവിങ് ടെസ്റ്റ് 26ലേക്ക് മാറ്റിയതായി ഇരിട്ടി ജോയിന്റ് ആര്‍.ടി.ഒ അറിയിച്ചു. ഫോണ്‍: 0490 2490001.

ഇരിട്ടി : 60 കിലോ കഞ്ചാവുമായി വാഹന സഹിതം ഒരാളെ ഇരിട്ടിയിൽ എക്സൈസ് സംഘം പിടികൂടി. ചൊക്ലി മേനപ്രം കൈതോൽ പീടികയിൽ കെ.പി. ഹക്കീം (46) എന്നയാളെയാണ് എക്‌സൈസ് ഇൻസ്‌പെക്ടർ പ്രജീഷ് കുന്നുമ്മലിന്റെ നേതൃത്വത്തിൽ ഇരിട്ടി ടൗണിൽ വെച്ച് അറസ്റ്റ് ചെയ്തത്.

പാർട്ടിയിൽ അസിസ്റ്റന്റ് എക്‌സൈസ് ഇൻസ്‌പെക്ടർമാരായ ടി.കെ. വിനോദൻ, കെ.പി. പ്രമോദ്, കെ.വി.സുരേഷ്, പ്രിവെന്റീവ് ഓഫീസർ (ഗ്രേഡ്) ഷൈബി കുര്യൻ, വി.കെ. അനിൽകുമാർ, സിവിൽ എക്‌സൈസ് ഓഫീസർമാരായ വി. ശ്രീനിവാസൻ, കെ.രമീഷ്‌, സന്ദീപ് ഗണപതിയാടൻ, വി. ശരണ്യ എന്നിവരും ഉണ്ടായിരുന്നു.