Kannur
കേരളത്തില് നിന്നുള്ള ട്രെയിനുകളുടെ സമയം മാറി; പുതിയ സമയക്രമം ഇങ്ങനെ

കണ്ണൂർ : മംഗളൂരു റെയില്വേ റീജിയന് കീഴിലുള്ള വിവിധ ട്രെയിനുകളുടെ സമയം മാറി. കാലവര്ഷം ശക്തി പ്രാപിക്കുന്നതിനെ തുടര്ന്ന് കൊങ്കണ് വഴിയുള്ള ട്രെയിനുകളുടെ സമയക്രമമാണ് മാറിയത്. വിവിധ സ്റ്റേഷനുകളില് എത്തുന്നതും പുറപ്പെടുന്നതുമായ ട്രെയിനുകളുടെ സമയത്തില് മാറ്റമുണ്ട്. ഒക്ടോബര് 31 വരെയാണ് പുതിയ സമയ ക്രമം. മണ്സൂണ് സമയക്രമം നിലവില് വരും മുൻപ് ടിക്കറ്റ് ബുക്ക് ചെയ്തിട്ടുള്ള യാത്രക്കാര് പുതിയ സമയക്രമം നോക്കണമെന്ന് റെയില്വേ അറിയിച്ചു.
പ്രധാന ട്രെയിനുകളുടെ സമയമാറ്റം ഇങ്ങനെ
- എറണാകുളം ജംഗ്ഷന്-ഹസ്രത്ത് നിസാമുദ്ദീന് മംഗള ലക്ഷദ്വീപ് എക്സ്പ്രസ് (12617) രാവിലെ 10.30ന് പുറപ്പെട്ട് മംഗളൂരു ജംഗ്ഷനില് വൈകിട്ട് 6.55ന് എത്തിച്ചേരും. രാവിലെ 10.40നുള്ള എറണാകുളം-മഡ്ഗോവ സൂപ്പര്ഫാസ്റ്റ് (10216) ഉച്ചയ്ക്ക് 1.25നാകും യാത്ര തുടങ്ങുക.
- രാവിലെ 5.15ന് പുറപ്പെടുന്ന എറണാകുളം ജംഗ്ഷന്-പൂനെ ജംഗ്ഷന് സൂപ്പര്ഫാസ്റ്റ് (22149), എറണാകുളം ജംഗ്ഷന്-ഹസ്രത്ത് നിസാമുദ്ദീന് സൂപ്പര്ഫാസ്റ്റ് (22655) എന്നീ ട്രെയിനുകള് പുലര്ച്ചെ 2.15നാകും സര്വീസ് ആരംഭിക്കുക.
കൊച്ചുവേളി വഴിയുള്ളവ
- കൊച്ചുവേളി-യോഗ് നഗരി ഋഷികേശ് സൂപ്പര്ഫാസ്റ്റ് (22659), കൊച്ചുവേളി-ചണ്ഡിഗഡ് കേരള സമ്പര്ക്ക് ക്രാന്തി (12217), കൊച്ചുവേളി-അമൃത്സർ സൂപ്പര് ഫാസ്റ്റ് (12483) എന്നിവ രാവിലെ 9.10ന് പകരം പുലര്ച്ചെ 4.50ന് പുറപ്പെടും.
- കൊച്ചുവേളി-ലോകമാന്യതിലക് ഗരീബ് രഥ് എക്സ്പ്രസ് (12202) 9.10ന് പകരം 7.45ന് പുറപ്പെടും.
- എട്ട് മണിക്ക് പുറപ്പെട്ടിരുന്ന തിരുനെല്വേലി ഹാപ്പ എക്സ്പ്രസ്(19577), തിരുനെല്വേലി ഗാന്ധിധാം ഹസഫര് എക്സ്പ്രസ് (20923) എന്നിവ 5.15നായിരിക്കും പുറപ്പെടുക.
- രാവില 11.15ന് പുറപ്പെട്ടിരുന്ന കൊച്ചുവേളി-ഇന്ഡോര് (20931), കൊച്ചുവേളി-പോര്ബന്ദര് (20909) എന്നിവ 9.10നും ഉച്ചയ്ക്ക് 1.25നുള്ള എറണാകുളം-ഹസ്രത്ത് നിസാമുദ്ദീന് മംഗള ലക്ഷദ്വീപ് എക്സ്പ്രസ് (12617) രാവിലെ 10.30നും പുറപ്പെടും.
- രാവിലെ 10.40നുള്ള എറണാകുളം-മഡ്ഗോവ സൂപ്പര്ഫാസ്റ്റ് (10216) ഉച്ചയ്ക്ക് 1.25നാകും സര്വീസ് തുടങ്ങുക.
- തിരുവനന്തപുരം-ഹസ്രത്ത് നിസാമുദ്ദീന് രാജധാനി എക്സ്പ്രസ് (12431) വൈകിട്ട് 7.15ന് പകരം ഉച്ചയക്ക് 2.40ന് പുറപ്പെടും.
- രാത്രി 8.25നുള്ള എറണാകുളം-അജ്മീര് മരുസാഗര് എക്സ്പ്രസ് (12977) വൈകിട്ട് 6.50നും വൈകിട്ട് 7.30ന് ആരംഭിക്കുന്ന മഡ്ഗോവ-എറണാകുളം എക്സ്പ്രസ് (10215) രാത്രി ഒൻപത് മണിക്കുമാകും സര്വീസ് ആരംഭിക്കുക.
- പുലര്ച്ചെ 12.50ന് പുറപ്പെടുന്ന തിരുവനന്തപുരം സെന്ട്രല്- ഹസ്രത്ത് നിസാമുദ്ദീന് (22653) സൂപ്പര്ഫാസ്റ്റ് രാത്രി പത്തിന് സര്വീസ് ആരംഭിക്കും.
മംഗളൂരൂ ട്രെയിനുകള്
- മുംബൈ എല്.ടി.ടി നേത്രാവതി എക്സ്പ്രസ് മംഗളൂരു ജംഗ്ഷനില് 9.30ന് എത്തും. മുംബൈ എല്.ടി.ടി-തിരുവനന്തപുരം സെന്ട്രല് നേത്രാവതി എക്സ്പ്രസ് മംഗളൂരു ജംഗ്ഷനില് പുലര്ച്ചെ 5.50ന് എത്തിച്ചേരും.
- മംഗളൂരു സെന്ട്രല്-മുംബൈ എല്.ടി.ടി മത്സ്യഗന്ധ എക്സ്പ്രസ് (1260) മംഗളൂരു സെന്ട്രലില് നിന്ന് ഉച്ചയ്ക്ക് 12.45നായിരിക്കും ജൂണ് 10 മുതല് പുറപ്പെടുക. നിലവില് ഉച്ചയ്ക്ക് 2.20നാണ് ട്രെയിന് പുറപ്പെടുന്നത്. രാവിലെ 7.40ന് മംഗളൂരു സെന്ട്രലില് എത്തിയിരുന്ന ട്രെയിന് ഇനി രാവിലെ 10.10നായിരിക്കും എത്തുകയെന്നും ദക്ഷിണ റെയില്വേയ്ക്ക് കീഴിലുള്ള പാലക്കാട് ഡിവിഷന് അറിയിച്ചു.
- മുംബൈ സി.എസ്.ടി (12134) മംഗളൂരു ജംഗ്ഷനില് നിന്ന് വൈകിട്ട് 4.35നാണ് സര്വീസ് തുടങ്ങുക. നിലവില് ഉച്ചയ്ക്ക് രണ്ട് മണിക്കാണ് സര്വീസ്.
- മംഗളൂരു സെന്ട്രല്-മഡ്ഗോവ പ്രതിവാര എക്സ്പ്രസ് സ്പെഷ്യല് പുറപ്പെടുന്ന സമയത്തില് മാറ്റമില്ല. മഡ്ഗോവയില് ഒരു മണിക്കൂര് മുന്പായി 2.25ന് എത്തിച്ചേരും. ട്രെയിന് നമ്പര് 06601 മഡ്ഗോവയില് നിന്ന് ഉച്ചയ്ക്ക് 50 മിനിറ്റ് വൈകി മൂന്ന് മണിക്കാകും പുറപ്പെടുക. മാംഗളൂരു സെന്ട്രലില് 11.55ന് എത്തിച്ചേരും.
- മഡ്ഗോവയില് നിന്ന് 4 മണിക്ക് സര്വീസ് നടത്തിയിരുന്ന മഡ്ഗോവ-മംഗളൂരു സെന്ട്രല് മെമു(10107) വെളുപ്പിന് 4.40നായിരിക്കും. മംഗളൂരു സെന്ട്രലില് 12.30ന് എത്തും. ട്രെയിന് നമ്ബര്- 10108 മംഗളൂരു സെന്ട്രലില് നിന്ന് ഉച്ചയ്ക്ക് 3.30ന് പുറപ്പെട്ട് 11 മണിക്ക് മഡ്ഗോവയിലെത്തും.
- മറ്റു ട്രെയിനുകളുടെ പുതിയ സമയക്രമം അറിയാന് നാഷണല് ട്രെയിന് എന്ക്വയറി സിസ്റ്റം (NTES) പരിശോധിക്കുക.
Kannur
മുഴപ്പിലങ്ങാട് ബീച്ച് ഫെസ്റ്റ് തുടങ്ങി


മുഴപ്പിലങ്ങാട്: മുഴപ്പിലങ്ങാട് ബീച്ച് ഫെസ്റ്റിന് തുടക്കം. മുഴപ്പിലങ്ങാട് ബീച്ച് സെൻട്രൽ പാർക്കിൽ സംഘടിപ്പിച്ച ചടങ്ങിൽ കെ വി സുമേഷ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ടി സജിത അധ്യക്ഷയായി. ജില്ലാ പഞ്ചായത്തംഗം കെ വി ബിജു, കെ രത്നബാബു, ടി കെ മനോജ് എന്നിവർ സംസാരിച്ചു. സംഘാടക സമിതി ചെയർമാൻ കെ ശോഭ സ്വാഗതം പറഞ്ഞു. ഏഷ്യാനെറ്റ് മൈലാഞ്ചി വിന്നർ ആസിഫ് കാപ്പാട് അവതരിപ്പിച്ച ഇശൽനൈറ്റ് അരങ്ങേറി. ചൊവ്വ വൈകിട്ട് ഏഴിന് സാംസ്കാരിക സായാഹ്നം ജില്ലാ പഞ്ചായത്തംഗം എ മുഹമ്മദ് അഫ്സൽ ഉദ്ഘാടനം ചെയ്യും. തുടർന്ന് ‘എയ് ബനാന’ ഫെയിം അഫ്സൽ അക്കുവിന്റെ ഗാനമേള അരങ്ങേറും.
Kannur
പാപ്പിനിശ്ശേരിയിൽ എംബുരാൻ സിനിമയുടെ വ്യാജ പതിപ്പ് പിടികൂടി


പാപ്പിനിശ്ശേരി: പാപ്പിനിശ്ശേരിയിൽ നിന്ന് എംബുരാൻ സിനിമയുടെ വ്യാജ പതിപ്പ് പിടികൂടി. തമ്പുരു കമ്മ്യൂണിക്കേഷൻസ് എന്ന സ്ഥാപനത്തിന്റെ കമ്പ്യൂട്ടർ വളപട്ടണം പോലീസ് പിടിച്ചെടുത്തു. സിറ്റി പോലീസ് കമ്മീഷണർ പി. നിധിൻ രാജിന് ലഭിച്ച രഹസ്യ വിവരത്തെ തുടർന്നാണ് പോലീസ് പരിശോധന നടത്തിയത്. സ്ഥാപനത്തിൽ പെൻഡ്രൈവുമായി എത്തിയവർക്ക് സിനിമ കോപ്പി ചെയ്തു നൽകിയതായി പോലീസ് അറിയിച്ചു. വളപട്ടണം എസ് എച്ച് ഒ ബി. കാർത്തിക്, ഇൻസ്പെക്ടർ ടി പി സുമേഷ് എന്നിവരുടെ നേതൃത്വത്തിലാണ് സിനിമയുടെ വ്യാജ പതിപ്പ് പിടികൂടിയത്.
Kannur
പെട്രോള് പമ്പ് തൊഴിലാളികളുടെ ബോണസ് വിതരണം അഞ്ചിന്


ജില്ലയിലെ പെട്രോള് പമ്പ് മേഖലകളില് ജോലി ചെയ്യുന്ന തൊഴിലാളികളുടെ 2024-25 വര്ഷത്തെ ബോണസ് ഏപ്രില് അഞ്ചിന് വിതരണം ചെയ്യും. ജില്ലാ ലേബര് ഓഫീസര് എം സിനിയുടെ മധ്യസ്ഥതയില് നടന്ന ചര്ച്ചയിലാണ് തീരുമാനം. തൊഴിലാളികള്ക്ക് 7000 രൂപ സീലിംഗ് നിശ്ചയിച്ച് ആയതിന്റെ ഒരു വര്ഷത്തെ മൊത്തം തുകയുടെ 17 ശതമാനം ബോണസാണ് നല്കുക. ടി.വി.ജയദേവന്, എം.അനില്, എ.പ്രേമരാജന്, എ.ടി.നിഷാത്ത് പ്രസന്നന്, തൊഴിലുടമകള്, തൊഴിലാളി യൂണിയന് പ്രതിനിധികള് തുടങ്ങിയവര് യോഗത്തില് പങ്കെടുത്തു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്