എ​ല്ലാ​വ​രും ഏ​റെ ആ​ഗ്ര​ഹ​ത്തോ​ടെ​യാ​ണ് വാ​ഹ​നം ഓ​ടി​ക്കാ​ൻ പ​ഠി​ക്കു​ന്ന​ത്. ഗി​യ​റു​ള്ള വാ​ഹ​ന​ങ്ങ​ൾ പ​ഠി​ച്ച​വ​ർ​ക്ക് ഓ​ർ​മ​യു​ണ്ടാ​കും, വാ​ഹ​ന​ത്തി​ന്റെ ഓ​രോ ഗി​യ​റും എ​ണ്ണി​യ​തും ഇ​നി​യെ​ത്ര ഗി​യ​ർ ഇ​ടാ​നു​ണ്ടെ​ന്ന് ആ​കു​ല​പ്പെ​ട്ട​തും ടോ​പ് ഗി​യ​റി​ലി​ട്ട് ആ​ദ്യ​മാ​യി​ട്ട് ഓ​ടി​ച്ച​പ്പോ​ഴു​ള്ള സ​ന്തോ​ഷ​വും ഒ​ക്കെ. ഇ​ന്ന​ത്തെ പു​ത്ത​ൻ ത​ല​മു​റ വാ​ഹ​ന​ങ്ങ​ളെ​ല്ലാം ഗി​യ​ർ പൊ​സി​ഷ​ൻ ഇ​ൻ​ഡി​ക്കേ​റ്റ​ർ സ​ഹി​ത​മാ​ണ് വ​രു​ന്ന​ത്. അ​തു​കൊ​ണ്ടുത​ന്നെ വാ​ഹ​ന​മി​പ്പോൾ ഏ​ത് ഗി​യ​റി​ലാ​ണ് ഓ​ടു​ന്ന​തെ​ന്ന​റി​യാ​ൻ മു​മ്പി​ലെ ഇ​ൻ​സ്ട്ര​ുമെ​ന്റ് ക്ല​സ്റ്റ​റി​ലൊ​ന്ന് ക​ണ്ണോ​ടി​ച്ചാ​ൽ മ​തി.വാ​ഹ​ന​മോ​ടിക്കാ​ൻ പ​ഠി​ച്ച സ​മ​യ​ത്ത് വി​ന​യ​ത്തോ​ടെ ജാ​ഗ്ര​ത​യോ​ടെ ര​ണ്ടു​കൈ​യും സ്റ്റി​യ​റി​ങ്ങി​ലും ഹാ​ൻ​ഡ്ലി​ലും പി​ടി​ച്ച് കു​റ​ഞ്ഞ വേ​ഗ​ത​യി​ൽ പോ​യി​ക്കൊ​ണ്ടി​രു​ന്ന​വ​ർ കൈ ​തെ​ളി​ഞ്ഞ​ശേ​ഷം ഒ​രു കൈ ​മാ​ത്രം ഉ​പ​യോ​ഗി​ച്ച്, ചി​ല​പ്പോ​ൾ ര​ണ്ട് കൈ​യും​വി​ട്ട് വ​രെ വാ​ഹ​നം ഓ​ടി​ക്കു​ന്ന​ത്ര ‘വി​ദ​ഗ്ധ’​രാ​യി മാ​റു​ന്നു.

‘L’ ബോ​ഡ് വെ​ച്ച വാ​ഹ​ന​മൊ​ക്കെ പി​ന്നീ​ട് കാ​ണു​മ്പോ​ൾ എ​ന്തൊ​രു പു​ച്ഛ​മാ​കും! ഡി​ഫ​ൻ​സ് ഡ്രൈ​വി​ങ്ങാ​ണ് നി​ര​ത്തി​ൽ ഏ​റ്റ​വും വി​വേ​ക​ശാ​ലി​യാ​യ ഡ്രൈ​വ​ർ പാ​ലി​ക്കേ​ണ്ട മ​ര്യാ​ദ​ക​ളി​ൽ പ്ര​ധാ​നം. ഒ​രു വാ​ഹ​നം നി​ർ​ത്തു​മ്പോ​ൾ ആ​ദ്യം ക്ല​ച്ചാ​ണോ ഗി​യ​റാ​ണോ അ​മ​ർ​ത്തേ​ണ്ട​തെ​ന്നുപോ​ലും അ​റി​യാ​ത്ത​വ​രാ​യി​രു​ന്നു ന​മ്മ​ളൊ​ക്കെ​യും. അ​തു​പോ​ലെത​ന്നെ​യാ​ണ് വാ​ഹ​നസം​ബ​ന്ധി​യാ​യ അ​റി​വു​ക​ൾ സം​ബ​ന്ധി​ച്ച് ‘താ​ൻ മാ​ത്രം എ​ല്ലാം തി​ക​ഞ്ഞ​യാ​ളാ​ണെ​ന്ന’ ധാ​ര​ണ​യും. രാ​ത്രി​കാ​ല​ങ്ങ​ളി​ൽ ഡിം ലൈ​റ്റ് മോ​ഡ് ഫ​ല​പ്ര​ദ​മാ​യി എ​ങ്ങ​നെ​യാ​ണ് ഉ​പ​യോ​ഗി​ക്കേ​ണ്ട​തെ​ന്ന് അ​റി​യാ​ത്ത​വ​രു​ണ്ട്, ത​ന്റേ​ത് വി​ല​കൂ​ടി​യ വാ​ഹ​ന​മാ​ണെ​ന്ന് ക​രു​തി എ​തി​രെ വ​രു​ന്ന വാ​ഹ​ന​ങ്ങ​ൾ​ക്കൊ​ന്നും ഡിം ​ലൈ​റ്റ് അ​ടി​ച്ചുകൊ​ടു​ത്ത് ചെ​റു​താ​കി​ല്ല, താ​നാ​ണ് വ​ലി​യ​വ​ൻ എ​ന്ന മ​ട്ടി​ൽ അ​ല​സ​മാ​യി ഡ്രൈ​വ് ചെ​യ്യു​ന്ന​വ​രു​മു​ണ്ട്. റോ​ഡി​ൽ വി​കാ​ര​മ​ല്ല, ന​മ്മെ നി​യ​ന്ത്രി​ക്കേ​ണ്ട​ത് വി​വേ​ക​മാ​ണ്. ചെ​റി​യ വാ​ഹ​ന​മാ​യാ​ലും വ​ലി​യ വാ​ഹ​ന​മാ​യാ​ലും ബ്രൈ​റ്റ് ലൈ​റ്റ് മോ​ഡി​ലെ ക​ണ്ണ​ടി​ച്ചുപോ​കു​ന്ന വെ​ളി​ച്ച​മൊ​ന്ന് ഡിം ​മോ​ഡി​ലാ​ക്കി കൊ​ടു​ത്താ​ൽ നി​ങ്ങ​ളൊ​രി​ക്ക​ലും ചെ​റു​താ​യി പോ​കി​ല്ല.

കു​റേ നാ​ളാ​യി നി​ർ​ത്തി​യി​ട്ട വാ​ഹ​നം ഓ​ടി​ക്കു​ന്ന​തി​ന് മു​മ്പ് ബോ​ണ​റ്റ് ഉ​യ​ർ​ത്തി ഏ​തെ​ങ്കി​ലും വ​യ​റി​ങ് ഭാ​ഗം എ​വി​ടെ​യെ​ങ്കി​ലും ക​ട്ടാ​യി പോ​യി​ട്ടു​ണ്ടോ, എ​ൻ​ജി​ൻ ഓ​യി​ൽ, കൂ​ള​ന്റ്, ബ്രേ​ക്ക് ഫ്ലൂ​യി​ഡ് ലെ​വ​ലൊ​ക്കെ കൃ​ത്യ​മാ​ണോ​യെ​ന്നും ട​യ​ർ പ്ര​ഷ​ർ, ബ്രേ​ക്കി​ങ് ഉ​ൾ​പ്പെ​ടെ കാ​ര്യ​ക്ഷ​മ​മ​ല്ലേ​യെ​ന്നും ഒ​ന്ന് നോ​ക്കു​ന്ന​ത് കൊ​ണ്ട് എ​ന്തുപ​റ്റാ​നാ​ണ്? ഡാ​ഷ് ബോ​ർ​ഡ് പോ​ളി​ഷ് ചെ​യ്യു​മ്പോ​ൾ അ​ധി​കം ഓ​യി​ലി ആ​യ​ത് ഉ​പ​യോ​ഗി​ക്കാ​തി​രി​ക്കു​ന്ന​താ​ണ് ന​ല്ല​ത്. കാ​ര​ണം ന​ല്ല വെ​യി​ല​ത്തു കൂ​ടി ഓ​ട​വേ പോ​ളി​ഷ് ചെ​യ്ത് ഗ്ലോ​സി​യാ​യ ഭാ​ഗ​ത്തി​ന്റെ റി​ഫ്ല​ക്ഷ​ൻ വി​ൻ​ഡ് സ്ക്രീ​നി​ല​ടി​ച്ച് വി​സി​ബി​ലി​റ്റി കു​റ​ഞ്ഞേ​ക്കാം. ചി​ല നു​റു​ങ്ങ് അ​റി​വു​ക​ൾ പ​ക​ർ​ന്നുന​ൽ​കു​ന്ന​തി​ന് മു​ന്നോ​ടി​യാ​യ ബി​ൽ​ഡ​പ്പി​നു വേ​ണ്ടി മാ​ത്രം പ​റ​ഞ്ഞ​ത​ല്ല മു​ക​ളി​ൽ പ​റ​ഞ്ഞ കാ​ര്യ​ങ്ങ​ൾ. ഓ​ർ​ക്കു​ക ഒ​ര​റി​വും നി​സ്സാ​ര​മ​ല്ല എ​ന്ന​ത്.

ഡീലിമിറ്റേഷൻ കമ്മീഷൻ തദ്ദേശ സ്വയം ഭരണ സ്ഥാപനങ്ങളുടെ വാർഡ് പുനർവിഭജനവുമായി ബന്ധപ്പെട്ട് ലഭിച്ച പരാതിയിന്മേൽ ഫെബ്രുവരി 12ന് രാവിലെ ഒമ്പത് മുതൽ കണ്ണൂർ കളക്ടറേറ്റ് ഓഡിറ്റോറിയത്തിൽ ഹിയറിംഗ് നടത്തും. കരട് വാർഡ്/നിയോജകമണ്ഡല വിഭജന നിർദ്ദേശങ്ങളിന്മേൽ നിശ്ചിത സമയ പരിധിക്ക് മുമ്പായി ആക്ഷേപങ്ങൾ/അഭിപ്രായങ്ങൾ സമർപ്പിച്ചവരെ മാത്രമേ ഹിയറിംഗിൽ പങ്കെടുക്കാൻ അനുവദിക്കൂ. മാസ് പെറ്റീഷൻ നൽകിയിട്ടുള്ളവരിൽ നിന്നും ഒരു പ്രതിനിധിയെ മാത്രമേ ഹിയറിംഗിൽ പങ്കെടുക്കാൻ അനുവദിക്കൂ.പയ്യന്നൂർ, തളിപ്പറമ്പ്, പേരാവൂർ ബ്ലോക്കുകളിലെ ഗ്രാമപഞ്ചായത്തുകൾ, പയ്യന്നൂർ, തളിപ്പറമ്പ്, ആന്തൂർ നഗരസഭകൾ എന്നീ തദ്ദേശ സ്ഥാപനങ്ങൾക്ക് രാവിലെ ഒൻപത് മണിക്കും,
കല്ല്യാശ്ശേരി, പാനൂർ, ഇരിക്കൂർ, കണ്ണൂർ, കൂത്തുപറമ്പ്, ബ്ലോക്കുകളിലെ ഗ്രാമപഞ്ചായത്തുകൾ, കണ്ണൂർ കോർപ്പറേഷൻ, കൂത്തൂപറമ്പ് നഗരസഭ എന്നീ തദ്ദേശ സ്ഥാപനങ്ങൾക്ക് രാവിലെ 11 മണിക്കും,എടക്കാട്, തലശ്ശേരി, ഇരിട്ടി ബ്ലോക്കിലെ ഗ്രാമ പഞ്ചായത്തുകൾ, തലശ്ശേരി, ഇരിട്ടി മുനിസിപ്പാലിറ്റികൾ എന്നീ തദ്ദേശ സ്ഥാപനങ്ങൾക്ക് ഉച്ചയ്ക്ക് രണ്ട് മണിക്കുമാണ് ഹിയറിംഗ് നടക്കുക.

ഉപയോഗിച്ച വാഹനങ്ങള്‍ വാങ്ങിവില്‍ക്കുന്ന യൂസ്ഡ് കാര്‍ ഷോറൂമുകള്‍ക്ക് ഓതറൈസേഷന്‍ സര്‍ട്ടിഫിക്കറ്റ് നിര്‍ബന്ധമാക്കി മോട്ടോര്‍ വാഹനവകുപ്പ്. മാര്‍ച്ച് 31 മുതല്‍ ഇത്തരത്തിലുള്ള സ്ഥാപനങ്ങള്‍ക്ക് സര്‍ട്ടിഫിക്കറ്റില്ലാതെ സംസ്ഥാനത്ത് പ്രവര്‍ത്തിക്കാന്‍ സാധിക്കില്ല. സര്‍ട്ടിഫിക്കറ്റില്ലാതെ പ്രവര്‍ത്തിക്കുന്ന സ്ഥാപനങ്ങള്‍ക്കെതിരേ നിയമനടപടി സ്വീകരിക്കുന്നതിനോടൊപ്പം വാഹനങ്ങളെ കരിമ്പട്ടികയില്‍പ്പെടുത്തുമെന്നും മോട്ടോര്‍വാഹനവകുപ്പ് അധികൃതര്‍ അറിയിച്ചു.കേന്ദ്രസര്‍ക്കാര്‍ 2023 ഏപ്രില്‍മുതല്‍ യൂസ്ഡ് കാര്‍ ഷോറൂമുകള്‍ക്ക് ഓതറൈസേഷന്‍ സര്‍ട്ടിഫിക്കറ്റ് പ്രാബല്യത്തില്‍ വരുത്തിയിരുന്നെങ്കിലും സംസ്ഥാന മോട്ടോര്‍വാഹനവകുപ്പ് കര്‍ശനമാക്കിയിരുന്നില്ല. എന്നാല്‍, സെക്കന്‍ഡ് ഹാന്‍ഡ് വാഹനങ്ങളുടെ വില്‍പ്പനയുമായി ബന്ധപ്പെട്ട് പരാതികള്‍ കൂടുന്നതിന്റെ അടിസ്ഥാനത്തിലാണ് ഇപ്പോഴിത് കര്‍ശനമാക്കുന്നത്.

അഞ്ചുവര്‍ഷത്തെ കാലാവധിയാണ് സര്‍ട്ടിഫിക്കറ്റിനുണ്ടാകുക. 25,000 രൂപയാണ് അപേക്ഷാഫീസ്. സര്‍ട്ടിഫിക്കറ്റ് ലഭ്യമാക്കുന്നതിനായി കേന്ദ്രസര്‍ക്കാരിന്റെ പരിവാഹന്‍ വെബ്‌സൈറ്റ് മുഖേന അപേക്ഷിക്കാം. ഇത്തരം സ്ഥാപനങ്ങള്‍ക്ക് സര്‍ട്ടിഫിക്കറ്റുകള്‍ നല്‍കുന്നതിനും മാനദണ്ഡമുണ്ട്. വാഹനങ്ങള്‍ നിര്‍ത്തിയിടാന്‍ മതിയായസ്ഥലം ഉണ്ടാകുകയും റോഡിന്റെ വശങ്ങളില്‍ നിര്‍ത്തിയിടില്ലെന്ന് ഉറപ്പുവരുത്തുകയും വേണം. സ്ഥാപനങ്ങള്‍ക്ക് ലഭിച്ചിട്ടുള്ള ഓതറൈസേഷന്‍ സര്‍ട്ടിഫിക്കറ്റ് പെതുജനങ്ങള്‍ക്ക് വ്യക്തമായി കാണാന്‍ സാധിക്കുന്നതരത്തില്‍ പ്രദര്‍ശിപ്പിക്കണം. സര്‍ട്ടിഫിക്കറ്റ് ലഭിച്ച ഡീലര്‍മാര്‍ക്ക് രജിസ്‌ട്രേഷന്‍, ഫിറ്റ്‌നസ് പുതുക്കുക, എന്‍.ഒ.സി. എന്നിവയ്ക്ക് അപേക്ഷ സമര്‍പ്പിക്കുക, വാഹനത്തിന്റെ ഉടമസ്ഥാവകാശം മാറ്റുക, പുകപരിശോധനാ സര്‍ട്ടിഫിക്കറ്റ് എടുക്കുക എന്നിവയ്ക്ക് അര്‍ഹതയും ഉണ്ടാകും.വാഹനം വാങ്ങാന്‍ ഉദ്ദേശിക്കുന്ന ആളുകള്‍ക്ക് ടെസ്റ്റ് ഡ്രൈവ് നടത്തുക, റിപ്പയര്‍ ചെയ്യുന്നതിനോ പെയിന്റ് ചെയ്യുന്നതിനോ കൊണ്ടുപോകുക, പുകപരിശോധനാ സര്‍ട്ടിഫിക്കറ്റ് എടുക്കുക തുടങ്ങിയ ആവശ്യങ്ങള്‍ക്ക് മാത്രമേ വില്‍പ്പനയ്ക്കായി എത്തിച്ച വാഹനങ്ങള്‍ പുറത്തേക്കിറക്കാന്‍ പാടുള്ളൂവെന്നും ഡീലര്‍മാര്‍ക്ക് നിബന്ധനയുണ്ട്. പുറത്തേക്കിറക്കുമ്പോള്‍ സ്ഥാപനത്തിന്റെ ഓതറൈസേഷന്‍ സര്‍ട്ടിഫിക്കറ്റ് വാഹനത്തില്‍ പ്രദര്‍ശിപ്പിക്കണമെന്നും ട്രാന്‍സ്‌പോര്‍ട്ട് കമ്മിഷണര്‍ ഇറക്കിയ ഉത്തരവില്‍ പറയുന്നുണ്ട്.