പ്രകൃതി വിരുദ്ധ പീഡനം ; മുഴക്കുന്ന് ചാക്കാട് സ്വദേശിക്കെതിരെ പോക്സോ കേസ്

കാക്കയങ്ങാട് :പ്രായപൂർത്തിയാകാത്ത ആൺകുട്ടിയെ പീഡിപ്പിക്കാൻ ശ്രമിച്ച മധ്യവയസ്കനെതിരെ പോക്സോ കേസ്. ചാക്കാട് ഹാജി റോഡിനു സമീപത്തെ രാമചന്ദ്രനെതിരെയാണ് (55) ആൺകുട്ടിയുടെ പരാതിയിൽ മുഴക്കുന്ന് പോലീസ് കേസെടുത്തത്.ഇക്കഴിഞ്ഞ 25ന് രാവിലെയാണ് സംഭവം. റോഡരികിൽ വെച്ച് 13- കാരനെയാണ് പ്രതി പീഡിപ്പിക്കാൻ ശ്രമിച്ചത്.കുട്ടി ബന്ധുക്കളോട് വിവരം പറയുകയും തുടർന്ന് പോലീസിൽ പരാതി നൽകുകയുമായിരുന്നു.പോക്സോ നിയമപ്രകാരം കേസെടുത്ത പോലീസ് അന്വേഷണം ഊർജിതമാക്കിയിട്ടുണ്ട്.സംഭവത്തിന് ശേഷം പ്രതി ഒളിവിലാണ്.