മാലിന്യം തള്ളുന്നത് ക്യാമറയിൽ പതിഞ്ഞു; പിഴ അര ലക്ഷം
കണ്ണൂർ: കല്യാശ്ശേരി പഞ്ചായത്തിൻ്റെ പരിധിയിൽ ഇരിണാവ് പുഴയിൽ അറവുമാലിന്യം തള്ളിയതിന് കല്യാശ്ശേരി പഞ്ചായത്ത് അധികൃതർ പിഴയിട്ടു. ഇരിണാവ് ഡാമിന് സമീപത്തെ എം. അബ്ദുൾ റഹിമാന് എതിരെയാണ് നടപടി.
തിങ്കളാഴ്ച്‌ച രാവിലെ അറവുമാലിന്യം നിറച്ച ബക്കറ്റുകളുമായി അബ്ദുൾ റഹിമാൻ ഇരിണാവ് പുഴയുടെ പഴയ ഡാം പാലത്തിലെത്തി മാലിന്യം പുഴയിലേക്ക് തള്ളുന്ന ദൃശ്യം പാലത്തിന് സമീപം സ്ഥാപിച്ച സി.സി.ടി.വി.യിൽ പതിഞ്ഞിരുന്നു. തുടർന്നാണ് കല്യാശ്ശേരി പഞ്ചായത്ത് നടപടി സ്വീകരിച്ചത്. 50,000 രൂപ പിഴ ചുമത്തി.
