സർക്കാർ/സ്വാശ്രയ കോളേജുകളിൽ എം.സി.എ പ്രവേശനം
കേരളത്തിലെ സർക്കാർ/സ്വാശ്രയ കോളേജുകളിലേക്ക് 2024-25 അധ്യയനവർഷത്തെ മാസ്റ്റർ ഓഫ് കംപ്യൂട്ടർ ആപ്ലിക്കേഷൻ റഗുലർ പ്രവേശനത്തിന് അപേക്ഷിക്കാം. ഏതെങ്കിലും വിഷയത്തിൽ ബിരുദം. മാത്തമാറ്റിക്സ് ഒരു വിഷയമായി പ്ലസ് ടൂ തലത്തിലോ ബിരുദ തലത്തിലോ പഠിച്ചിട്ടുള്ളത് അഭികാമ്യം. മാത്തമാറ്റിക്സ് /കംപ്യൂട്ടർ പഠിക്കാത്തവർ യൂണിവേഴ്‌സിറ്റി /കോളേജ് തലത്തിൽ നിർദേശിക്കുന്ന ഒരു ബ്രിഡ്ജ് കോഴ്‌സിൽ യോഗ്യത നേടേണ്ടതായി വരും.
പ്രവേശന പരീക്ഷയുണ്ട്. പ്രവേശന പരീക്ഷക്ക് ലഭിക്കുന്ന റാങ്ക്‌ ലിസ്റ്റിന്റെ അടിസ്ഥാനത്തിലാണ് ഈ കോഴ്‌സിലേക്കുള്ള പ്രവേശനം നടത്തുന്നത്. lbscentre.kerala.gov.in വഴി ജൂൺ മൂന്ന് വരെ അപേക്ഷിക്കാം. വിവരങ്ങൾക്ക്: 0471 2324396, 2560327, 2560363, 2560364
