ജിയോ സിനിമ ഒടുവില്‍ പരസ്യങ്ങളില്ലാത്ത സബ്‌സ്‌ക്രിപ്ഷന്‍ ഓപ്ഷന്‍ അവതരിപ്പിക്കാനൊരുങ്ങുന്നു. പുതിയ പ്ലാനുമായി ബന്ധപ്പെട്ട ഒരു ടീസര്‍ പോസ്റ്റ് ജിയോ സിനിമ സോഷ്യല്‍ മീഡിയയില്‍ പങ്കുവെച്ചു. ഏപ്രില്‍ 25 നാണ് പുതിയ പ്ലാന്‍ അവതരിപ്പിക്കുക. പ്ലാനുമായി ബന്ധപ്പെട്ട കൂടുതല്‍ വിവരങ്ങളൊന്നും കമ്പനി പുറത്തുവിട്ടിട്ടില്ല.

നിലവില്‍ പ്രതിമാസസം 99 രൂപ നിരക്കിലുള്ള പ്രീമിയം പ്ലാന്‍ മാത്രമാണ് ജിയോയ്ക്കുള്ളത്. എന്നാല്‍ ഈ പ്ലാനില്‍ പരസ്യങ്ങളും കാണേണ്ടി വരും. നിലവിലുള്ള പ്രീമിയം പ്ലാനില്‍ എച്ച്ബിഒ, പീക്കോക്ക് പോലുള്ള വന്‍കിട പ്രൊഡക്ഷന്‍ കമ്പനികളുടെ സിനിമകളും സീരിസുകളും കാണാനാവും. 4 ഡിവൈസുകളില്‍ ലോഗിന്‍ ചെയ്യാനും ഉയര്‍ന്ന നിലവാരത്തിലുള്ള വീഡിയോ ആസ്വദിക്കാനും സാധിക്കും.

അതേസമയം, സബ്‌സ്‌ക്രിപ്ഷന്‍ ഇല്ലാതെ തന്നെ തത്സമയ ഐപിഎല്‍ ആസ്വദിക്കാനും, പ്രാദേശിക സിനിമകള്‍ കാണാനും ജിയോ സിനിമ അനുവദിക്കും. പ്രീമിയത്തില്‍ മാത്രമേ അന്തര്‍ദേശീയ ഉള്ളടക്കങ്ങള്‍ ലഭിക്കുകയുള്ളൂ.

ഹോട്ട് സ്റ്റാര്‍ ആണ് നിലവില്‍ പരസ്യങ്ങളോടുകൂടിയ സബ്‌സ്‌ക്രിപ്ഷന്‍ പ്ലാനുകള്‍ നല്‍കുന്നത്. നെറ്റ്ഫ്‌ളിക്‌സ്, പ്രൈം വീഡിയോ തുടങ്ങിയ പ്ലാറ്റ്‌ഫോമുകള്‍ ഇതുവരെ പരസ്യങ്ങള്‍ പ്രദര്‍ശിപ്പിച്ചിട്ടില്ല.

ലോസ് ഏഞ്ചൽസ് : അമേരിക്കൻ നടൻ കാൾ വെതേഴ്‌സ് (76) അന്തരിച്ചു. കുടുംബമാണ് മരണവിവരം പുറത്തുവിട്ടത്. റോക്കി ഫ്രാഞ്ചൈസിയിൽ അപ്പോളോ ക്രീഡായി വേഷമിട്ട് ശ്രദ്ധിക്കപ്പെട്ട നടനാണ്. 50 വർഷം നീണ്ട സിനിമ ജീവിതത്തിൽ 75 ചിത്രങ്ങളിൽ വേഷമിട്ടു.

1948ൽ ന്യൂഓർലിയൻസിലാണ് വെതേഴ്സ് ജനിച്ചത്. ഫുട്ബോൾ രം​ഗത്ത് നിന്നുമാണ് സിനിമയിലെത്തുന്നത്. 1987ൽ അർനോൾഡിനൊപ്പം വേഷമിട്ട പ്രഡേറ്ററും ഏറെ ശ്രദ്ധിക്കപ്പെട്ടു. ഹാപ്പി ഗിൽമോർ, ദ മണ്ഡലോറിയൻ എന്നിവയാണ് മറ്റു പ്രശസ്ത ചിത്രങ്ങൾ. 2021ൽ എമ്മി പുരസ്കാരത്തിനായി നാമനിർദേശം ചെയ്യപ്പെട്ടു.