നാട്ടില്‍ ഉപയോഗിച്ചുകൊണ്ടിരിക്കുന്ന ബി.എസ്.എന്‍.എല്‍. സിം കാര്‍ഡ്, പ്രത്യേക റീചാര്‍ജ് മാത്രം ചെയ്ത് യു.എ.ഇ.യിലും ഉപയോഗിക്കാവുന്ന സംവിധാനം നിലവില്‍ വന്നു.പോകുംമുമ്പ് നാട്ടിലെ കസ്റ്റമര്‍ കെയര്‍ സെന്ററില്‍നിന്ന് ഇന്റര്‍നാഷണല്‍ സിം കാര്‍ഡിലേക്ക് മാറേണ്ടിവരുന്ന സ്ഥിതിയാണ് ഒഴിവായത്. 90 ദിവസത്തേക്ക് 167 രൂപയും 30 ദിവസത്തേക്ക് 57 രൂപയും നിരക്കുള്ള പ്രത്യേക റീചാര്‍ജ് ചെയ്താല്‍ നാട്ടിലെ സിം കാര്‍ഡ് ഇന്റര്‍നാഷണലായി മാറും. പ്രത്യേക റീചാര്‍ജ് കാര്‍ഡിന്റെ സാധുതയ്ക്കുവേണ്ടിമാത്രമാണ്. കോള്‍ ചെയ്യാനും ഡേറ്റയ്ക്കും വേറെ റീചാര്‍ജ് ചെയ്യണം.രാജ്യത്ത് ആദ്യമായി കേരള സര്‍ക്കിളിലാണ് ഇത്തരമൊരു പദ്ധതി ബി.എസ്.എന്‍.എല്‍. നടപ്പാക്കുന്നത്.മലയാളികള്‍ ഏറെയുള്ള രാജ്യമെന്നനിലയിലാണ് യു.എ.ഇ.യ്ക്ക് പരിഗണന കിട്ടിയത്. ഭാവിയില്‍ മറ്റുരാജ്യങ്ങളിലും ഈ സംവിധാനം ഏര്‍പ്പെടുത്താനാണ് ബി.എസ്.എന്‍.എല്‍. ഉദ്ദേശിക്കുന്നത്.

പത്തനംത്തിട്ട : ശബരിമലയില്‍ തിരുമുറ്റത്തും സോപാനത്തും ഫോട്ടോ, റീൽസ് ചിത്രീകരണം ഉൾപ്പടെയുള്ളവയ്ക്ക് നിരോധനം ഏർപ്പെടുത്തിയതായി ദേവസ്വം ബോർഡ് പ്രസിഡൻ്റ് അഡ്വ.പി.എസ്. പ്രശാന്ത് അറിയിച്ചു. സോപാനത്ത് ദ്യശ്യ ങ്ങൾ ചിത്രീകരി ക്കുന്നത് ആചാര വിരുദ്ധമാണ്.ശ്രീ കോവിലിനുള്ളിലെ ദൃശ്യങ്ങൾ വരെ ചി ത്രീകരിക്കുന്നത് ശ്രദ്ധയിൽ പെട്ടിട്ടുണ്ട്.കൂടാതെ ഇവി ടെ നിന്നുള്ള ദ്യശ്യ ങ്ങളും ഫോട്ടോ യും സെൽഫി ചി ത്രങ്ങളുമുപയോ ഗിച്ച് റീൽസ് ഉണ്ടാ ക്കി സാമൂഹിക മാ ധ്യമങ്ങളിൽ പ്രചരി പ്പിക്കുന്നുണ്ട്.ഇതിൽ ശ്രീകോവിലിനു ള്ളിലെ ദൃശ്യങ്ങളും ഉണ്ട്. ഇത് അനുവ ദിക്കാൻ പാടില്ല.

തീർത്ഥാടകർക്കും ദേവസ്വം ബോർഡ് ജീവനക്കാർ, പോലീസ് ,മറ്റ് വിവിധ വ കുപ്പ് ജീവനക്കാർ എല്ലാവർക്കും ഈ നിരോധനം ബാധ കമാണ്. മൊബൈ ൽഫോണിൽ ദ്യശ്യ ങ്ങ ൾ ചിത്രീകരി ച്ചാൽ അത് പിടിച്ചെടുത്ത് മേൽ നടപടി സ്വീകരി ക്കും. അടുത്തിടെ പതിനെട്ടാം പടി യിൽ കയറി നിര ന്ന് നിന്നുള്ള പോലീസുകാരുടെ ഫോട്ടൊ ഷൂട്ട് വി വാദമായിരുന്നു.

മണ്ണാര്‍ക്കാട്: വിനോദയാത്രകള്‍ക്ക് പുതിയ അവസരമൊരുക്കുന്ന കെ.എസ്.ആര്‍.ടി.സി. ബജറ്റ് ടൂറിസം സെല്ലിന്റെ ഭാഗമായി മണ്ണാര്‍ക്കാട് ഡിപ്പോയില്‍നിന്നും സര്‍വീസുകള്‍ തുടങ്ങുന്നു. ഡിസംബറിലെ ശനി, ഞായര്‍ ദിവസങ്ങളിലാണ് വിനോദസഞ്ചാര കേന്ദ്രങ്ങളിലേക്കുള്ള സര്‍വീസുകള്‍ നടത്തുക. നെല്ലിയാമ്പതി, ആലപ്പുഴ, മലക്കപ്പാറ, മറയൂര്‍ എന്നിവിടങ്ങളിലേക്ക് ചുരുങ്ങിയചെലവിലുള്ള യാത്രയ്ക്കാണ് ഇതോടെ അവസരമൊരുങ്ങുന്നത്.

കാടും മലയും പുഴകളും കായലുമെല്ലാം ഈ യാത്രയില്‍ ആസ്വദിക്കാം. ഒന്ന്, രണ്ട് ദിവസങ്ങളിലൊതുങ്ങുന്ന യാത്രകളാണ് ആസൂത്രണം ചെയ്തിട്ടുള്ളത്. ഇതിന്റെ ഭാഗമായുള്ള ‘ടൂര്‍ ഡയറി’ പുറത്തിറക്കി. ഡിസംബര്‍ ഒന്ന്, എട്ട്, 14, 22, 28 തുടങ്ങിയ ദിവസങ്ങളിലാണ് ഇവിടെനിന്നും യാത്രകളുണ്ടായിരിക്കുക.

ഒന്ന്, എട്ട് തീയതികളില്‍ നെല്ലിയാമ്പതിയിലേക്കാണ് യാത്ര. രാവിലെ ആറിന് ഡിപ്പോയില്‍നിന്ന് പുറപ്പെടും. സീതാര്‍കുണ്ട്, കേശവന്‍പാറ, വരട്ടുമല, പോത്തുണ്ടി ഡാം എന്നിവിടങ്ങള്‍ സന്ദര്‍ശിച്ച് രാത്രി എട്ടിന് മണ്ണാര്‍ക്കാട്ട് തിരിച്ചെത്തും. ഒരാള്‍ക്ക് 590 രൂപയാണ് വരുന്നത്. 14-നാണ് ആലപ്പുഴയാത്ര. വേഗ ഹൗസ് ബോട്ട് സവാരിയുള്‍പ്പെടെ ആസ്വദിക്കാം. 1,040 രൂപയാണ് വരുന്നത്. പുലര്‍ച്ചെ നാലിന് ബസ് പുറപ്പെടും. രാത്രി 10-ന് തിരിച്ചെത്തും.

22-നാണ് മലക്കപ്പാറ യാത്ര. അതിരപ്പള്ളി, വാഴച്ചാല്‍, ഷോളയാര്‍ ഡാം എന്നിവിടങ്ങള്‍ സന്ദര്‍ശിക്കാം. 970 രൂപയാണ് ഈടാക്കുന്നത്. പുലര്‍ച്ചെ അഞ്ചിന് പുറപ്പെടും. രാത്രി 10-ന് തിരിച്ചെത്തും.

മറയൂരിലേക്ക് രണ്ടുദിവസത്തെ യാത്രയാണ് ക്രമീകരിച്ചിരിക്കുന്നത്. 28-ന് രാത്രി 10-ന് പുറപ്പെട്ട് 29-ന് രാത്രി മടങ്ങിയെത്തും. 1,880 രൂപയാണ് വേണ്ടത്. ജീപ്പ് സഫാരിയും ഉച്ചഭക്ഷണവും ഇതിലുള്‍പ്പെടുമെന്ന് ടൂറിസം സെല്‍ അധികൃതര്‍ അറിയിച്ചു. അഞ്ചുവയസ്സിന് താഴെയുള്ള കുട്ടികള്‍ക്ക് ടിക്കറ്റെടുക്കേണ്ടതില്ല. 40 സീറ്റുള്ള ഓര്‍ഡിനറിയും 50 സീറ്റുകളുള്ള ഫാസ്റ്റ് പാസഞ്ചര്‍ ബസുകളാണ് ഉപയോഗിക്കുക.

വരുമാനംകുറഞ്ഞ ബസുകള്‍ ടൂറിസത്തിന്

അതേസമയം, ഡിപ്പോയില്‍ ആവശ്യത്തിന് ബസുകളില്ലാത്ത പ്രതിസന്ധികൂടി തരണം ചെയ്യേണ്ടതുണ്ടെന്നും അധികൃതര്‍ പറഞ്ഞു. ജെല്ലിപ്പാറ-മൂലഗംഗലിലേക്കുള്ള ഓര്‍ഡിനറി സര്‍വീസ് ഞായറാഴ്ച റദ്ദാക്കിയാണ് നെല്ലിയാമ്പതിയിലേക്ക് പോകാന്‍ ഉപയോഗിക്കുക. മറ്റ് ഡിപ്പോകളില്‍നിന്ന് ഫാസ്റ്റ് പാസഞ്ചര്‍ ബസ് ലഭ്യമായില്ലെങ്കില്‍ ഡിപ്പോയിലെ വരുമാനംകുറഞ്ഞ, ഞായറാഴ്ചകളിലെ മറ്റ് ഫാസ്റ്റ് പാസഞ്ചര്‍ സര്‍വീസ് റദ്ദാക്കി ദീര്‍ഘദൂര വിനോദയാത്ര നടത്തുമെന്നും അധികൃതര്‍ പറഞ്ഞു. ശിരുവാണി, ഊട്ടിയടക്കം കൂടുതല്‍ ടൂര്‍പാക്കേജുകള്‍ തുടങ്ങാനും പദ്ധതിയുണ്ട്. ഫോണ്‍: 9446353081, 8075347381, 04924 225150.