Kerala
കേന്ദ്രസര്വീസില് 827 മെഡിക്കല് ഓഫീസര് ഒഴിവുകള്

കേന്ദ്രഗവണ്മെന്റ് സര്വീസിലെ മെഡിക്കല് ഓഫീസര് നിയമനത്തിനായി നടത്തുന്ന കമ്പൈന്ഡ് മെഡിക്കല് സര്വീസസ് പരീക്ഷയ്ക്ക് യൂണിയന് പബ്ലിക് സര്വീസ് കമ്മിഷന് (യു.പി.എസ്.സി.) അപേക്ഷ ക്ഷണിച്ചു. വിവിധ തസ്തികകളിലായി ആകെ 827 ഒഴിവുണ്ട്. എം.ബി.ബി.എസ്. യോഗ്യതയുള്ളവര്ക്കാണ് അവസരം. ജൂലായ് 14-നാണ് പരീക്ഷ. കേരളത്തില് കൊച്ചിയും തിരുവനന്തപുരവുമാണ് കേന്ദ്രം.
തസ്തികകളും ഒഴിവും: ജനറല് ഡ്യൂട്ടി മെഡിക്കല് ഓഫീസര് (സെന്ട്രല് ഹെല്ത്ത് സര്വീസ്)-163, അസിസ്റ്റന്റ് ഡിവിഷണല് മെഡിക്കല് ഓഫീസര് (റെയില്വേ)-450, ജനറല് ഡ്യൂട്ടി മെഡിക്കല് ഓഫീസര് (ന്യൂഡല്ഹി മുനിസിപ്പല് കൗണ്സില്)-14, ജനറല് ഡ്യൂട്ടി മെഡിക്കല് ഓഫീസര് ഗ്രേഡ്-കക (ഡല്ഹി മുനിസിപ്പല് കോര്പ്പറേഷന്)-200
യോഗ്യത: എം.ബി.ബിഎസ് ഫൈനല് എഴുത്ത്, പ്രാക്ടിക്കല് പരീക്ഷകള് വിജയിച്ചിരിക്കണം. പരീക്ഷ എഴുതാനുള്ളവര്ക്കും എഴുതി കഴിഞ്ഞവര്ക്കും അപേക്ഷിക്കാം (ഇവര് നിര്ദ്ദിഷ്ടസമയത്തിനകം വിജയിച്ചതിന്റെ സര്ട്ടിഫിക്കറ്റ് ഹാജരാക്കണം). ശമ്പള സ്കെയില്: ലെവല് 10
പ്രായം: ജനറല് ഡ്യൂട്ടി മെഡിക്കല് ഓഫീസര് (സെന്ട്രല് ഹെല്ത്ത് സര്വീസ്) തസ്തികയില് 35 വയസ്സും മറ്റ് തസ്തികകളില് 32 വയസ്സുമാണ് ഉയര്ന്ന പ്രായപരിധി. (സംവരണ വിഭാഗങ്ങള്ക്ക് നിയമാനുസൃത ഇളവുണ്ട്). 2024 ഓഗസ്റ്റ് 1 അടിസ്ഥാനമാക്കിയാണ് പ്രായം കണക്കാക്കുക.
അപേക്ഷാഫീസ്: വനിതകള്ക്കും എസ്.സി./എസ്.ടി./പി.ഡബ്ല്യു.ഡി. വിഭാഗക്കാര്ക്കും ഫീസില്ല. മറ്റുള്ളവര് 200 രൂപ ഓണ്ലൈനായി അടയ്ക്കണം.
പരീക്ഷ: 500 മാര്ക്കിന്റെ എഴുത്തുപരീക്ഷയുടെയും 100 മാര്ക്കിന്റെ പേഴ്സണാലിറ്റി ടെസ്റ്റിന്റെയും അടിസ്ഥാനത്തിലാണ് തിരഞ്ഞെടുപ്പ്. എഴുത്തുപരീക്ഷയ്ക്ക് 250 മാര്ക്ക് വീതമുള്ള രണ്ട് പേപ്പറാണുണ്ടാവുക. ഒന്നാംപേപ്പര് ജനറല് മെഡിസിന് ആന്ഡ് പീഡിയാട്രിക്സ് എന്നിവയുമായി ബന്ധപ്പെട്ടതും രണ്ടാംപേപ്പര് സര്ജറി, ഗൈനക്കോളജി ആന്ഡ് ഒബ്സ്ട്രക്ടിസ്, പ്രിവന്റീവ് ആന്ഡ് സോഷ്യല് മെഡിസിന് എന്നിവയില്നിന്നുമായിരിക്കും. മള്ട്ടിപ്പിള് ചോയ്സ് മാതൃകയിലാണ് പരീക്ഷ. (വിശദമായ സിലബസ് യു.പി.എസ്.സി. വിജ്ഞാപനത്തിനോടൊപ്പം പ്രസിദ്ധീകരിച്ചിട്ടുണ്ട്).
അപേക്ഷ: upsconline.nic.in എന്ന വെബ്സൈറ്റ് വഴി വണ്ടൈം രജിസ്ട്രേഷന് പൂര്ത്തിയാക്കിയതിന് ശേഷം അപേക്ഷിക്കണം. അവസാന തീയതി: ഏപ്രില് 30 (6PM). വിശദവിവരങ്ങള് www.upsc.gov.in എന്ന വെബ്സൈറ്റില് ലഭിക്കും.
Kerala
യുട്യൂബിലെ വിനോദ ഉള്ളടക്കങ്ങൾ ഒഴിവാക്കാൻ ജിയോസ്റ്റാർ


മുംബൈ: യുട്യൂബ് ഉൾപ്പെടെയുള്ള സൗജന്യ വീഡിയോ സ്ട്രീമിങ് പ്ലാറ്റ്ഫോമുകളിൽനിന്ന് വിനോദപരിപാടികളുടെ ഉള്ളടക്കങ്ങൾ പൂർണമായി ഒഴിവാക്കുന്നത് പരിഗണിച്ച് റിലയൻസ് ഇൻഡസ്ട്രീസിന്റെ മാധ്യമവിഭാഗമായ ജിയോസ്റ്റാർ. ജിയോ ഹോട്ട്സ്റ്റാർ പ്ലാറ്റ്ഫോമിനുകീഴിൽ പണംനൽകി വരിക്കാരാകുന്നവർക്കുമാത്രം ഇത്തരം വിനോദപരിപാടികൾ ലഭ്യമാക്കിയാൽമതിയെന്നാണ് തീരുമാനം. നേരത്തേ പ്രീമിയം ഉള്ളടക്കങ്ങളും ക്രിക്കറ്റ് ഉൾപ്പെടെ കായികമത്സരങ്ങളുടെ തത്സമയ സംപ്രേഷണവും ജിയോഹോട്ട്സ്റ്റാർവഴി വരിക്കാർക്കുമാത്രമാക്കി മാറ്റിയിരുന്നു. ഇതിനുപിന്നാലെയാണ് വിനോദപരിപാടികളുടെ വീഡിയോകൾ സൗജന്യമാക്കേണ്ടെന്ന തീരുമാനംകൂടി വരുന്നത്. ഇക്കാര്യത്തിൽ അന്തിമ തീരുമാനമായിട്ടില്ലെങ്കിലും മേയ് ഒന്നുമുതൽ ഇത് നടപ്പാക്കാനുള്ള സാധ്യതയാണ് പുറത്തുവരുന്നത്.
വിനോദപരിപാടികൾ യുട്യൂബ് പോലുള്ള വീഡിയോ സ്ട്രീമിങ് പ്ലാറ്റ്ഫോമുകളിൽ സൗജന്യമായി ലഭിക്കുന്നതിനാൽ ടെലിവിഷനിലും ഒടിടി പ്ലാറ്റ്ഫോമുകളിലും പണംനൽകിയുള്ള വരിക്കാർ കൊഴിഞ്ഞുപോകുന്നതായാണ് വിലയിരുത്തുന്നത്. പേ ടിവി വിതരണ പ്ലാറ്റ്ഫോമുകളായ (ഡിടിഎച്ച് സേവന കമ്പനികൾ) ടാറ്റാ പ്ലേ, എയർടെൽ ഡിജിറ്റൽ ടിവി, ജിടിപിഎൽ ഹാത്ത് വേ, തുടങ്ങിയവ ജിയോസ്റ്റാർ, സീ എന്റർടെയ്ൻമെന്റ്, സോണി പിക്ചേഴ്സ് നെറ്റ് വർക്സ് തുടങ്ങിയ കമ്പനികളോട് പരസ്യങ്ങളുടെ പിന്തുണയോടെ വിവിധ സ്ട്രീമിങ് പ്ലാറ്റ്ഫോമുകളിലെ സൗജന്യ ഉള്ളടക്കങ്ങൾ ലഭ്യമാക്കുന്നത് ഒഴിവാക്കാൻ ആവശ്യപ്പെട്ടുവരികയായിരുന്നു. ടാറ്റാ പ്ലേ ഉൾപ്പെടെയുള്ള പ്ലാറ്റ്ഫോമുകളുടെ മേധാവികളുമായി ജിയോസ്റ്റാർ അടുത്തിടെ ചർച്ചകൾ നടത്തിയിരുന്നു.
Kerala
ലഹരി ഇടപാടിലെ പ്രധാനി ആഷിഖ്; കളമശേരി പോളിടെക്നിക് ഹോസ്റ്റല് വില്പ്പനയുടെ പ്രധാനകേന്ദ്രം


കൊച്ചി: കളമശേരി പോളിടെക്നിക് ഹോസ്റ്റല് പ്രധാന ലഹരി വിപണനകേന്ദ്രമെന്ന് പോലീസ്. അറസ്റ്റിലായ പൂര്വ്വവിദ്യാര്ത്ഥി മുഹമ്മദ് ആഷിഖാണ് പ്രധാന ലഹരി ഇടപാടുകാരനെന്നും പോലീസ് പറഞ്ഞു.കളമശ്ശേരി പോളിടെക്നിക്കിലെ മെന്സ് ഹോസ്റ്റലില് നിന്ന് കഞ്ചാവ് പിടിച്ച കഴിഞ്ഞ ദിവസമാണ് രണ്ട് പൂര്വ്വ വിദ്യാര്ഥികളായ മുഹമ്മദ് ആഷിഖും കെ.എസ്. ഷാലിഖും പോലീസിന്റെ പിടിയിലായത്. ആലുവയിലെ ഇവരുടെ വീടുകളില്നിന്ന് ശനിയാഴ്ച പുലര്ച്ചെ കളമശ്ശേരി പോലീസ് അറസ്റ്റ് ചെയ്തത്. കാംപസിലെ പഠനകാലത്ത് കെ.എസ്.യു. പ്രവര്ത്തകനായിരുന്നു ഷാലിഖ്.പിടിക്കപ്പെടില്ല എന്ന വിശ്വാസത്തില് പലപ്പോഴായി ലഹരി എത്തിച്ചത്. ഹോസ്റ്റലില് റെയ്ഡ് നടന്ന സമയത്ത് രണ്ടുപേരും ഓടിരക്ഷപ്പെടുകയായിരുന്നു.
വ്യാഴാഴ്ച രാത്രി പോലീസ് നടത്തിയ റെയ്ഡിലാണ് ആണ്കുട്ടികളുടെ ഹോസ്റ്റളില് നിന്ന് രണ്ടുകിലോ കഞ്ചാവ് പിടികൂടിയത്.കളമശ്ശേരി പോലീസിനും ഡാന്സാഫിനും ലഭിച്ച രഹസ്യവിവരത്തെത്തുടര്ന്നായിരുന്നു റെയ്ഡ്.കുളത്തൂപ്പുഴ സ്വദേശിയായ ആകാശിന്റെ മുറിയില്നിന്ന് 1.9 കിലോ ഗ്രാം കഞ്ചാവാണ് പിടിച്ചെടുത്തത്. കരുനാഗപ്പള്ളി സ്വദേശി ആര്. അഭിരാജ്, ഹരിപ്പാട് സ്വദേശി ആദിത്യന് എന്നിവരുടെ മുറിയില് നിന്നും ഒമ്പതുഗ്രാം കഞ്ചാവും പിടികൂടി. ഹോസ്റ്റല് മുറിയിലെ ഷെല്ഫില് പോളീത്തീന് ബാഗില് സൂക്ഷിച്ചിരുന്ന നിലയിലായിരുന്നു കഞ്ചാവ് കണ്ടെത്തിയത്. പത്തുഗ്രാമിന്റെ ചെറിയ പാക്കറ്റുകളാക്കിയാണ് വില്പ്പന നടത്തിയിരുന്നത്. പാക്ക് ചെയ്യുന്നതിനുള്ള കവറുകളും കഞ്ചാവ് അളക്കാനുള്ള ത്രാസും പോലീസ് കണ്ടെത്തി.അഭിരാജ് എസ്എഫ്ഐ നേതാവും യൂണിയന് ജനറല് സെക്രട്ടറിയുമായിരുന്നു. അഭിരാജിന് എസ്എഫ്ഐ അംഗത്വമില്ലെന്നും വെള്ളിയാഴ്ച നടന്ന യൂണിറ്റ് സമ്മേളനത്തില് അഭിരാജിനെ പുറത്താക്കിയതാണെന്നും എസ്എഫ്ഐ സംസ്ഥാന സെക്രട്ടറി പി.എസ് സഞ്ജീവ് പറഞ്ഞു.
Kerala
പഠിക്കാന് ആളില്ല, ഐ.ടി.ഐകളില് 749 ട്രേഡുകള് ഒഴിവാക്കുന്നു


സംസ്ഥാനത്തെ സര്ക്കാര്-സ്വകാര്യ ഐ.ടി.ഐകളിലായി ആറുവര്ഷത്തിലേറെയായി പഠിക്കാനാളില്ലാത്ത 749 ട്രേഡുകള് ഒഴിവാക്കുന്നു. ഇവയുടെ വിവരങ്ങള് ഉള്പ്പെടുത്തി ട്രെയ്നിങ് ഡയറക്ടര് വിജ്ഞാപനം പുറത്തിറക്കി.കോഴ്സുകള് ഒഴിവാകുന്നതുമൂലം അധികമാകുന്ന സ്ഥിരം ട്രെയ്നര്മാരെ യോഗ്യതയ്ക്കനുസരിച്ച് പുനര്വിന്യസിക്കാനും ധാരണയായി. നാല്പ്പതോളം അധിക തസ്തികകളിലുള്ളവരെയാണ് പുനര് വിന്യസിക്കേണ്ടി വരിക.2018 മുതല് തുടര്ച്ചയായി ആറുവര്ഷം ഒരു വിദ്യാര്ഥിപോലും പ്രവേശനംനേടാത്ത കോഴ്സുകളാണ് ഒഴിവാക്കുന്നത്. കേന്ദ്ര നൈപുണിവികസന-സംരംഭക മന്ത്രാലയത്തിനു കീഴിലുള്ള ട്രെയ്നിങ് ഡയറക്ടര് ജനറല് നടത്തിയ പരിശോധനയില് രാജ്യത്തെ 415 ഐടിഐകളിലായി 21,609 ട്രേഡുകളാണ് ഒഴിഞ്ഞുകിടക്കുന്നവയായി കണ്ടെത്തിയത്. ഇതില് 749 എണ്ണമാണ് സംസ്ഥാനത്തുള്ളത്. ഇതില് 109 എണ്ണം തിരുവനന്തപുരം, പാലക്കാട്, കാസര്കോട്, കൊല്ലം, എറണാകുളം, തൃശ്ശൂര്, ഇടുക്കി, കോഴിക്കോട് എന്നിവിടങ്ങളിലെ സര്ക്കാര് ഐടിഐകളിലാണ്. ബാക്കി 640 ട്രേഡുകള് സ്വകാര്യ സ്ഥാപനങ്ങളിലും.
തിരുവനന്തപുരം കഴക്കൂട്ടത്തെ നാഷണല് സ്കില് ട്രെയ്നിങ് ഇന്സ്റ്റിറ്റ്യൂട്ടില് മാത്രം 16 കോഴ്സുകളാണ് ഇല്ലാതാവുക. ആര്ക്കിടെക്ചറല് ഡ്രാഫ്റ്റ്സ്മാന്, കംപ്യൂട്ടര് ഓപ്പറേറ്റര് ആന്ഡ് പ്രോഗ്രാമിങ് അസിസ്റ്റന്റ്, കോസ്മറ്റോളജി, ഡെസ്ക്ടോപ് പബ്ലിഷിങ് ഓപ്പറേറ്റര്, െഡ്രസ് മേക്കിങ്, ഇലക്ട്രോണിക്സ് മെക്കാനിക്, സെക്രട്ടേറിയല് പ്രാക്ടീസ് തുടങ്ങിയവയാണ് ഇതില് പ്രധാനം. മലമ്പുഴ ഗവ. ഐടിഐയില് ഡ്രാഫ്റ്റ്സ്മാന് (സിവില്), ഫൗണ്ടറിമാന്, മെക്കാനിക് ഇന് ഇന്ഡസ്ട്രിയല് ഇലക്ട്രോണിക്സ് എന്നീ ട്രേഡുകളാണ് പട്ടികയിലുള്ളത്. ഓരോ കോഴ്സിലും പരമാവധി 24 സീറ്റുകളാണുണ്ടായിരുന്നത്. ഇതുസംബന്ധിച്ച് സ്ഥാപനങ്ങള്ക്കുള്ള പരാതികള് എത്രയുംവേഗം നിമി ഗ്രീവന്സ് പോര്ട്ടലില് അപ്ലോഡ് ചെയ്യണമെന്ന് ട്രെയ്നിങ് ഡയറക്ടര് അറിയിച്ചു. പരാതിയുടെ സ്ക്രീന്ഷോട്ട് അടക്കമുള്ള അപേക്ഷ ട്രെയ്നിങ് ഡയറക്ടര്ക്കും കൈമാറണം.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News12 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്