ഒമാനിൽ ബോട്ടപകടം; കോഴിക്കോട് സ്വദേശികളായ രണ്ട് കുട്ടികൾ മരിച്ചു
ഒമാനിലെ കസബിൽ വെച്ചുണ്ടായ ബോട്ടപകടത്തിൽ കോഴിക്കോട് നരിക്കുനി സ്വദേശികളായ രണ്ട് കുട്ടികൾ മരിച്ചു. പുല്ലാളൂർ തച്ചൂർ ലുക്മാനുൽ ഹകീം– മുഹ്സിന ദമ്പതികളുടെ മക്കൾ ഹൈസം (7), ഹാമിസ് (4) എന്നിവരാണ് മരിച്ചത്. ശനി ഉച്ചയോടെയായിരുന്നു അപകടം. കുടുംബം സഞ്ചരിച്ച സ്‌പീഡ് ബോട്ട് എൻജിൻ തകരാർ കാരണം നിയന്ത്രണം നഷ്ടപ്പെട്ട് മറിയുകയായിരുന്നുവെന്നാണ് ലഭിക്കുന്ന സൂചന. മാതാപിതാക്കൾ ചെറിയ പരിക്കുകളോടെ രക്ഷപ്പെട്ടു.
