പേരാവൂർ പഞ്ചായത്ത് മുൻ പ്രസിഡൻറ് മുംതാസ് ബീഗം സി.പി.എം വിട്ട് കോൺഗ്രസിൽ ചേർന്നു
പേരാവൂർ: പേരാവൂർ പഞ്ചായത്ത് മുൻ പ്രസിഡൻറും മുൻ കണ്ണൂർ ജില്ലാ പഞ്ചായത്തംഗവുമായിരുന്ന എം. മുംതാസ് ബീഗം സി. പി .എം വിട്ട് കോൺഗ്രസിൽ ചേർന്നു.
പേരാവുരിൽ നിന്ന് സ്ഥലം മാറി പോയ മുംതാസ് ബീഗം നിലവിൽ ആലപ്പുഴ ജില്ലയിലെ പാലമേൽ പഞ്ചായത്തിൽ ആദിക്കാട്ടു കുളങ്ങരയാണ് താമസം. കോൺഗ്രസ് നേതാവ് രമേശ്‌ ചെന്നിത്തല മുംതാസ് ബീഗത്തെ അംഗത്വം നല്കി പാർട്ടിയിലേക്ക് സ്വീകരിച്ചു.ആലപ്പുഴ ഡി.സി.സി പ്രസിഡന്റിന്റെയും നിരവധി നേതാക്കളുടെയും സാന്നിധ്യത്തിലാണ് മുംതാസ് ബീഗം കോൺഗ്രസ്സ് അംഗത്വം സ്വീകരിച്ചത്.
2000-2005 കാലയളിൽ ജില്ലാ പഞ്ചായത്തംഗവും 2005-2010 കാലയളവിൽ പേരാവൂർ പഞ്ചായത്ത് പ്രസിഡൻറുമായിരുന്നു മുംതാസ് ബീഗം.പേരാവൂർ മുള്ളേരിക്കൽ വാർഡംഗം ആയിരുന്ന മുംതാസ് ബീഗം സി.പി.എം പേരാവൂർ ലോക്കൽ കമ്മിറ്റി അംഗം, മുള്ളേരിക്കൽ ബ്രാഞ്ചംഗം, ജനാധിപത്യ മഹിളാ അസോസിയേഷൻ പേരാവൂർ ഏരിയാ കമിറ്റിയംഗം, വനിതാ സഹകരണ സംഘം പ്രസിഡൻറ് എന്നീ നിലകളിലും പ്രവർത്തിച്ചിട്ടുണ്ട്.
