സൗത്ത് ഈസ്റ്റ് സെന്‍ട്രല്‍ റെയില്‍വേയില്‍ 733 അപ്രന്റിസ്
ഛത്തീസ്ഗഢിലെ ബിലാസ്പുര്‍ ആസ്ഥാനമായുള്ള സൗത്ത് ഈസ്റ്റ് സെന്‍ട്രല്‍ റെയില്‍വേയില്‍ അപ്രന്റിസ്ഷിപ്പിന് അപേക്ഷ ക്ഷണിച്ചു. വിവിധ ട്രേഡുകളിലായി 733 ഒഴിവുണ്ട്.
ട്രേഡുകളും ഒഴിവും: കാര്‍പെന്റര്‍ 38, കോപ്പാ 100, ഡ്രാഫ്റ്റ്സ്മാന്‍ (സിവില്‍) 10, ഇലക്ട്രീഷ്യന്‍ 137, ഇലക്ട്രിക്കല്‍ (മെക്കാനിക്) 5, ഫിറ്റര്‍ 187, മെഷീനിസ്റ്റ് 4, പെയിന്റര്‍ 42, പ്ലംബര്‍ 25, മെക്കാനിക്കല്‍ (ആര്‍ എ സി) 15, എസ് എം ഡബ്ല്യു 4, സ്റ്റെനോ (ഇംഗ്ലീഷ്) 27, സ്റ്റെനോ (ഹിന്ദി) 19, ഡീസല്‍ മെക്കാനിക് 12, ടര്‍ണര്‍ 4, വെല്‍ഡര്‍ 18, വയര്‍മാൻ 80, കെമിക്കല്‍ ലബോറട്ടറി അസിസ്റ്റന്റ് 4, ഫോട്ടോഗ്രാഫര്‍ 2.
യോഗ്യത: പത്താം ക്ലാസ് വിജയവും ബന്ധപ്പെട്ട ട്രേഡിലുള്ള ഐ.ടി.ഐ.യും. പ്രായം: 15-24 വയസ്സ്. അപേക്ഷ സ്വീകരിക്കുന്ന അവസാന തീയതി അടിസ്ഥാനമാക്കിയാണ് പ്രായം കണക്കാക്കുക. ഒരു വര്‍ഷമായിരിക്കും പരീശീലനം. തിരഞ്ഞെടുക്കപ്പെടുന്നവര്‍ക്ക് നിയമാനുസൃത സ്‌റ്റൈപെന്‍ഡ് ലഭിക്കും.
കൂടുതൽ വിവരങ്ങള്‍ക്ക് secr.indianrailways.gov.in എന്ന വെബ്സൈറ്റില്‍ ലഭിക്കും. അപേക്ഷ apprenticeshipindia.gov.in ഓണ്‍ലൈനായി സമര്‍പ്പിക്കണം. അവസാന തീയതി: ഏപ്രില്‍ 12.
