പേരാവൂരിൽ ചീട്ടുകളി സംഘം 92,000 രൂപയുമായി പിടിയിൽ
പേരാവൂർ: തൊണ്ടിയിൽ മുല്ലപ്പള്ളി പാലത്തിനു സമീപത്തെ വാഴത്തോട്ടത്തിൽ പണം വെച്ച് ചീട്ടുകളിക്കുകയായിരുന്ന ആറുപേരെ പേരാവൂർ പോലീസ് അറസ്റ്റ് ചെയ്തു. മുടക്കോഴി വിനീഷ് നിവാസിൽകെ.വിനീഷ്(36), കൊട്ടംചുരം വയൽപീടികയിൽ വി.പി.അലി (49), എടയാർ ശങ്കർ നിവാസിൽ ഒ.ഷാജി((49), തെറ്റുവഴി പയ്യമ്പള്ളിയിൽ ഷിൽട്ടൺ ജോസ്(46), മേലെ തൊണ്ടിയിൽ പുതിയവീട്ടിൽ ദാസൻ(64), മടപ്പുരച്ചാലിലെ ഓരത്തേൽ കുര്യാക്കോസ്(59) എന്നിവരെയാണ് വെള്ളിയാഴ്ച ഉച്ചയോടെ അറസ്റ്റ് ചെയ്തത്.
ഇവരിൽ നിന്ന് 92,000 രൂപയും കസ്റ്റഡിയിലെടുത്തു.സബ് ഇൻസ്‌പെക്ടർ ആർ.സി.ബിജുവിന്റെ നേതൃത്വത്തിൽ സി.പി.ഒമാരായ വിനീത്, വിബീഷ്, ഷിജിത്ത്, നിഖിൽ എന്നിവരാണ് ചീട്ടുകളി സംഘത്തെ പിടികൂടിയത്.
