വിദ്യാർഥികൾ കുറയുന്നു: ഹയർ സെക്കൻഡറിയിലും തസ്തിക നിർണയം വരും
വിദ്യാർഥികളുടെ എണ്ണം കുറഞ്ഞ് വരുന്ന സാഹചര്യത്തിൽ ഹയർ സെക്കൻഡറി വിഭാഗത്തിൽ തസ്തിക നിർണയത്തിന് ഒരുങ്ങി സംസ്ഥാന പൊതു വിദ്യാഭ്യാസ വകുപ്പ്.
ഹയർ സെക്കൻഡറി സ്‌കൂളുകളിൽ തസ്തിക നിർണയം നടത്തുന്നതിനായി പൊതു വിദ്യാഭ്യാസ വകുപ്പ് വിവരശേഖരണം തുടങ്ങി.
ഹയർ സെക്കൻഡറി വിഭാഗമുള്ള ഗവ. എയ്‌ഡഡ് സ്‌കൂളുകളിലാണ് ഇതിനുള്ള നടപടി ആരംഭിച്ചത്. നിലവിൽ അധികമുള്ള അധ്യാപകരെ പുനർ വിന്യസിക്കുന്നതിൻ്റെ കൂടെ പിഎസ്‌സി വഴിയുള്ള പുതിയ നിയമനങ്ങൾ പരമാവധി കുറക്കുകയും ആണ് ലക്ഷ്യം.
