Kannur
അഴിമതിക്കാരായ ഉദ്യോഗസ്ഥർ വിജിലൻസ് നിരീക്ഷണത്തിലെന്ന് മുഖ്യമന്ത്രി

കണ്ണൂർ : സിവിൽ സർവീസ് അഴിമതി മുക്തമാകണമെന്നു മുഖ്യമന്ത്രി പിണറായി വിജയൻ. ഈ സർക്കാരിന്റെ കാലയളവിൽ 427 ഉദ്യോഗസ്ഥർക്കെതിരെയാണ് അഴിമതിക്കേസ് വന്നത്. ഇതിൽ 40 ശതമാനം പേരും റവന്യു, തദ്ദേശ വകുപ്പുകളിൽ നിന്നുള്ളവരാണ്. റവന്യു ദിനത്തിന്റെയും റവന്യു അവാർഡ് വിതരണത്തിന്റെയും ഉദ്ഘാടനം നിർവഹിക്കുകയായിരുന്നു അദ്ദേഹം. അഴിമതിക്കാരായ പലരും ചിന്തിക്കുന്നതു തങ്ങൾ ചെയ്യുന്നത് ആരും കാണുന്നില്ല എന്നാണ്. അത്തരക്കാർ വിജിലൻസിന്റെ നിരീക്ഷണത്തിലാണെന്നു മുഖ്യമന്ത്രി ഓർമിപ്പിച്ചു.
മന്ത്രി കെ.രാജൻ അധ്യക്ഷത വഹിച്ചു. റജിസ്ട്രേഷൻ, റവന്യു, സർവേ വകുപ്പിന്റെ പോർട്ടലുകൾ ചേർന്നുള്ള എന്റെ ഭൂമി ഇന്റഗ്രേറ്റഡ് പോർട്ടൽ ജൂൺ മാസത്തോടെ യാഥാർഥ്യമാകുമെന്നു മന്ത്രി പറഞ്ഞു.
മന്ത്രി രാമചന്ദ്രൻ കടന്നപ്പള്ളി, മേയർ മുസ്ലിഹ് മഠത്തിൽ, കെ.വി.സുമേഷ് എം.എൽ.എ, എം.വിജിൻ എം.എൽ.എ, ജില്ലാ പഞ്ചായത്ത് പ്രസിഡന്റ് പി.പി.ദിവ്യ, ഡപ്യൂട്ടി മേയർ കെ.ഇന്ദിര, റവന്യു പ്രിൻസിപ്പൽ സെക്രട്ടറി ടിങ്കു ബിസ്വാൾ, ലാൻഡ് റവന്യു കമ്മിഷണർ ഡോ. എ.കൗശിഗൻ, സർവേ ഡയറക്ടർ സീറാം സാംബശിവ റാവു, കലക്ടർ അരുൺ കെ.വിജയൻ, അസി. കലക്ടർ അനൂപ് ഗാർഗ് എന്നിവർ പ്രസംഗിച്ചു.
മികച്ച കലക്ടർക്കുള്ള പുരസ്കാരം തിരുവനന്തപുരത്തെ ജെറോമിക് ജോർജും സബ് കലക്ടർക്കുള്ള പുരസ്കാരം തലശ്ശേരിയിലെ സന്ദീപ് കുമാറും മികച്ച ആർ.ഡി.ഒ പുരസ്കാരം പാലക്കാട്ടെ ഡി.അമൃതവല്ലിയും ഏറ്റുവാങ്ങി. മികച്ച കലക്ടറേറ്റിനുള്ള അവാർഡ് തിരുവനന്തപുരവും മികച്ച റവന്യു ഡിവിഷനൽ ഓഫിസിനുള്ള പുരസ്കാരം പാലക്കാടും സ്വീകരിച്ചു.
ഡപ്യൂട്ടി കലക്ടർമാർക്കുള്ള പുരസ്കാരം ആലപ്പുഴയിലെ എസ്.സന്തോഷ് കുമാർ, കോഴിക്കോട്ടെ പി.എൻ.പുരുഷോത്തമൻ, പാലക്കാട്ടെ സച്ചിൻ കൃഷ്ണൻ, എറണാകുളത്തെ ഉഷ ബിന്ദുമോൾ, തിരുവനന്തപുരത്തെ ജേക്കബ് സഞ്ജയ് ജോൺ, യു.ഷീജ ബീഗം എന്നിവർക്ക് ലഭിച്ചു. വിവിധ വിഭാഗം തഹസിൽദാർമാർക്കും സർവേ, ഭൂരേഖ വകുപ്പിലെ ഓഫിസുകൾക്കും ജീവനക്കാർക്കുമുള്ള അവാർഡുകളും ഇതോടൊപ്പം വിതരണം ചെയ്തു.
Kannur
ചന്ദന കടത്ത്: പാവന്നൂരിൽ രണ്ടു പേർ പിടിയിൽ


കണ്ണൂർ: ചന്ദനം സ്കൂട്ടിയില് കടത്താൻ ശ്രമിക്കുന്നതിനിടെ രണ്ടു പേർ പിടിയിലായി.13 കിലോ ഗ്രാം ചന്ദനമുട്ടികള്, 6.5 കിലോഗ്രാം ചെത്ത് പൂളുകള് എന്നിവ സ്കൂട്ടിയില് കടത്താൻ ശ്രമിക്കുന്നതിനിടെ പാവന്നൂർ കടവ് ഭാഗത്തു നിന്നാണ് എക്സൈസ് ഇവരെ പിടികൂടിയത്.പാവന്നൂർ കടവ് സ്വദേശികളായ എം.പി. അബൂബക്കർ, സി.കെ അബ്ദുൽ നാസർ എന്നിവരെയാണ് ശ്രീകണ്ഠപുരം സെക്ഷൻ ഫോറസ്റ്റ് ഓഫീസർ എ.കെ ബാലൻ്റെ നേതൃത്വത്തിൽ പിടികൂടിയത്.
Kannur
ജില്ലയില് ആരോഗ്യ വകുപ്പിന് കീഴിലുള്ള സ്ഥാപനങ്ങളില് ഡോക്ടർമാരുടെ താല്ക്കാലിക ഒഴിവ്


ജില്ലയില് ആരോഗ്യ വകുപ്പിന് കീഴിലുള്ള സ്ഥാപനങ്ങളില് നിലവിലുള്ള ഡോക്ടര്മാരുടെ ഒഴിവുകളില് താല്ക്കാലിക നിയമനം നടത്തുന്നു.താല്പര്യമുള്ള എം.ബി.ബി.എസ് ബിരുദധാരികള് ടി.സി.എം.സി/കെ.എം.സി രജിസ്ട്രേഷന് അടക്കമുള്ള സര്ട്ടിഫിക്കറ്റുകളുടെ അസ്സലുകളുമായി പ്രവൃത്തി ദിവസങ്ങളില് രാവിലെ പത്തിനും ഉച്ചയ്ക്ക് ഒന്നിനും ഇടയ്ക്ക് ജില്ലാ മെഡിക്കല് ഓഫീസില് നേരിട്ട് ഹാജരാകണം. സര്ട്ടിഫിക്കറ്റുകള് പരിശോധിച്ച് സാധൂകരണം നടത്തിയ ശേഷം വാക് ഇന് ഇന്റര്വ്യൂവിലൂടെയായിരിക്കും നിലവില് ഉള്ള ഒഴിവുകളില് നിയമിക്കുക. മാര്ച്ച് ഒന്ന് മുതല് അപേക്ഷകൾ സ്വീകരിക്കും. ഫോണ് : 0497 2700709
Kannur
ഫര്മസിസ്റ്റ്, ആംബുലന്സ് ഡ്രൈവര് ഒഴിവ്


പിണറായി കമ്മ്യൂണിറ്റി സെന്ററില് തലശ്ശേരി ബ്ലോക്ക് പഞ്ചായത്തിന് കീഴില് എല്.എസ്.ജി.ഡി പ്രോജക്ടിനു വേണ്ടി ഫര്മസിസ്റ്റ്, ആംബുലന്സ് ഡ്രൈവര് എന്നീ തസ്തികകളിലേക്ക് താൽക്കാലിക നിയമനം നടത്തുന്നു. ഏപ്രില് ഒന്ന് മുതല് 2026 മാര്ച്ച് 31 വരെ ഒരു വര്ഷത്തേക്കാണ് നിയമനം. ഫാർമസിസ്റ്റിന്റെ രണ്ട് ഒഴിവുകളും ആംബുലൻസ് ഡ്രൈവറുടെ ഒരു ഒഴിവുമാണ് ഉള്ളത്. ഫെബ്രുവരി 28 ന് രാവിലെ 11ന് ഫാർമസിസ്റ്റ് തസ്തികയിലേക്കും ഉച്ചയ്ക്ക് 2.30ന് ആംബുലന്സ് ഡ്രൈവര് തസ്തികയിലേക്കും സി.എച്ച്.സിയിൽ വാക് ഇൻ ഇന്റർവ്യൂ നടത്തും. പി.എസ്.സി അംഗീകൃത യോഗ്യതകളുള്ളവർക്ക് അപേക്ഷിക്കാം. പ്രവൃത്തി പരിചയം അഭികാമ്യം. ഫോണ് : 0490 2342710
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News11 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്