അടക്കാത്തോട് ടൗണിൽ അനധികൃത മദ്യവിൽപ്പന; മേമല സ്വദേശിക്കെതിരെ കേസ്
പേരാവൂർ : അടക്കാത്തോട് ടൗൺ കേന്ദ്രീകരിച്ച് അനധികൃത മദ്യവില്പന നടത്തുന്ന മേമല താന്നിവേലിൽ വീട്ടിൽ സണ്ണി തോമസിനെതിരെ (55) പേരാവൂർ എക്സൈസ് കേസെടുത്തു.ഇയാൾ വില്പനയ്ക്കായി കരുതിയ എട്ടു ലിറ്റർ ഇന്ത്യൻ നിർമിത വിദേശ മദ്യവും എക്സൈസ് പിടിച്ചെടുത്തു. എക്സൈസ് സംഘത്തെ കണ്ട് ഇയാൾ മദ്യമുപേക്ഷിച്ച് ഓടിരക്ഷപ്പെടുകയായിരുന്നു.
തോമസ് മുൻപും അനധികൃത മദ്യവിൽപ്പന നടത്തിയതിന് വിചാരണ നേരിടുന്നയാളാണ്.എക്സൈസ് ഇൻസ്പെക്ടർ കെ.ശശിയുടെ നേതൃത്വത്തിൽ അസി. എക്സൈസ് ഇൻസ്പെക്ടർ (ഗ്രേഡ്) എം. പി.സജീവൻ, ഗ്രേഡ് പ്രിവന്റിവ്‌ ഓഫീസർ കെ. കെ. ബിജു,സിവിൽ എക്സൈസ് ഓഫീസർ സി.സുരേഷ്, കാവ്യാ വാസു എന്നിവർ പരിശോധനയിൽ പങ്കെടുത്തു.
