Connect with us

MALOOR

മാലൂർ കുണ്ടേരിപ്പൊയിൽ പാലം ഉദ്ഘാടനം ഇന്ന്

Published

on

Share our post

മാലൂർ : ജനങ്ങളുടെ വർഷങ്ങളായുള്ള കാത്തിരിപ്പിന് പരിഹാരമായി കുണ്ടേരിപ്പൊയിൽ പുഴയിൽ കോട്ടയിൽ നിർമിച്ച പാലം മന്ത്രി മുഹമ്മദ് റിയാസ് ചൊവ്വാഴ്ച രാവിലെ 10.30-ന് ഉദ്ഘാടനം ചെയ്യും.

കെ.കെ. ശൈലജ എം.എൽ.എ. അധ്യക്ഷയാകും. 4.94 കോടി രൂപ ചെലവിട്ട പാലം 60 മീറ്റർ നീളവും 10 മീറ്റർ വീതിയും, ഉണ്ട്. ഒന്നര മീറ്റർ നടപ്പാതയുമുണ്ട്.

പാലം വന്നതോടെ ചിറ്റാരിപ്പറമ്പിൽനിന്ന് മട്ടന്നൂർ വിമാനത്താവളത്തിലേക്കും മാലൂർ, ശിവപുരം, തില്ലങ്കേരി ഭാഗത്തേക്കും എളുപ്പത്തിൽ എത്തിച്ചേരാനാകും.

മട്ടന്നൂർ പഴശ്ശിരാജ കോളേജ്, ഇരിട്ടി എം.ജി. കോളേജ് എന്നിവിടങ്ങളിലേക്ക് വിദ്യാർഥികൾക്ക് എത്തിച്ചേരാനും സൗകര്യമാണ്.

എം.പി.മാരായ കെ. സുധാകരൻ, വി. ശിവദാസൻ, പി. സന്തോഷ് കുമാർ എന്നിവർ ചടങ്ങിൽ വിശിഷ്ടാതിഥികളാകും.


Share our post

MALOOR

മാലൂർ ഗുഡ് എർത്ത് സാരംഗിൽ പച്ചക്കുതിര സഹവാസ ക്യാമ്പ് നടന്നു

Published

on

Share our post

മാലൂർ: ഗുഡ് എർത്ത് സാരംഗിൽ പച്ചക്കുതിര സഹവാസ ക്യാമ്പ് നടന്നു. മാറി വരുന്ന പാരിസ്ഥിതിക സാഹചര്യങ്ങളിൽ കുട്ടികളെ പ്രകൃതി പാഠങ്ങൾ പഠിപ്പിക്കുക, നാടൻ പാട്ടുകൾ,നാടൻ കളികൾ പഠിപ്പിക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിച്ചത്. പ്രകൃതിയിൽ നിന്നുള്ള നിറങ്ങൾ കൂട്ടിച്ചേർത്ത് മുഖത്തെഴുത്ത്, തീയേറ്റർ സെഷൻ, പുഴയറിവ്, ക്യാമ്പ് ഫയർ, പക്ഷി നിരീക്ഷണം എന്നിവ നടന്നു. ഡോ.ജിസ് സെബാസ്റ്റ്യൻ, ശിവദർശന നമ്പ്യാർ, ജിതിൻ ജോയ്, വിസ്മയ, യതുമോൻ എന്നിവർ വിവിധ ക്ലാസുകൾ കൈകാര്യം ചെയ്തു. കേരളത്തിൽ നിന്നും അന്യ സംസ്ഥാനങ്ങളിൽ നിന്നുമുള്ള കുട്ടികൾ ക്യാമ്പിൽ പങ്കെടുത്തു.


Share our post
Continue Reading

MALOOR

മാലൂർ ഗുഡ് എർത്ത് സാരംഗിൽ കുട്ടികൾക്ക് അവധിക്കാല ക്യാമ്പ്

Published

on

Share our post

മാലൂർ: പരിസ്ഥിതിയെ നിരീക്ഷിക്കാനും പഠിക്കാനും കുട്ടികളിലെ സർഗാത്മകതയെ ഉണർത്താനും ‘പച്ചക്കുതിര’ എന്ന പേരിൽ ഗുഡ് എർത്ത് ബാംഗ്ലൂർ ഏകദിന പ്രകൃതി സഹവാസ ക്യാമ്പ് സംഘടിപ്പിക്കുന്നു. മാലൂർ ഗുഡ് എർത്ത് സാരംഗ് ഫുഡ് ഫോറസ്റ്റിലാണ് ക്യാമ്പ്. ശനിയാഴ്ച രാവിലെ എട്ട് മുതൽ വൈകിട്ട് അഞ്ച് വരെയാണ് ക്യാമ്പ്. ആറു മുതൽ 12 വയസ്സ് വരെയുള്ള കുട്ടികൾക്കാണ് പങ്കെടുക്കാൻ അവസരം. ഡോ. ജിസ് സെബാസ്റ്റ്യൻ, മരിയ ജോർജ്, ശിവദർശന, ബിജു തേൻകുടി എന്നിവർ നേതൃത്വം നൽകും. കൃഷി നടത്തം, ജൈവ വൈവിധ്യ ക്ലാസുകൾ, നാച്ചുറൽ പെയിൻ്റിംഗ്, മാമ്പഴ രുചിക്കൂട്ടുകൾ തുടങ്ങിയവ ക്ലാസ്സുകളുടെ ഭാഗമാകും. വ്യാഴാഴ്ച വരെ പേർ രജിസ്റ്റർ ചെയ്യാം. ഫോൺ :7306340635.


Share our post
Continue Reading

MALOOR

സ്‌കൂള്‍ ഗ്രൗണ്ടില്‍ അപകടകരമായ രീതിയില്‍ വിദ്യാര്‍ഥികളുടെ കാറോട്ടം; വാഹനങ്ങൾ കസ്റ്റഡിയിൽ

Published

on

Share our post

മാലൂർ : സ്‌​കൂ​ള്‍ ഗ്രൗ​ണ്ടി​ല്‍ അ​പ​ക​ട​ക​ര​മാ​യ രീ​തി​യി​ല്‍ വി​ദ്യാ​ര്‍ഥി​ക​ള്‍ കാ​റു​ക​ള്‍ ഓ​ടി​ച്ചു. മൊ​ബൈ​ലി​ല്‍ പ​ക​ര്‍ത്തി സ​മൂ​ഹ മാ​ധ്യ​മ​ങ്ങ​ളി​ല്‍ പോ​സ്റ്റ് ചെ​യ്തു. ഒ​ടു​വി​ല്‍ വി​ദ്യാ​ർ​ഥി​ക​ളും കാ​റു​ക​ളും കു​ടു​ങ്ങി. ഇ​ക്ക​ഴി​ഞ്ഞ ഒ​ന്നാം തീ​യ​തി മാ​ലൂ​ര്‍ ഹ​യ​ര്‍ സെ​ക്ക​ന്‍ഡ​റി സ്‌​കൂ​ളി​ലെ വി​ദ്യാ​ര്‍ഥി​ക​ളാ​ണ് സ്കൂ​ൾ ​​ഗ്രൗ​ണ്ടി​ൽ ര​ണ്ട് ഇ​ന്നോ​വ കാ​റു​ക​ളി​ല്‍ അ​ഭ്യാ​സ​പ്ര​ക​ട​നം ന​ട​ത്തി​യ​ത്.പൊ​ടി​മ​ണ്ണ് പാ​റി ര​ണ്ടു വാ​ഹ​ന​ങ്ങ​ളും കാ​ണാ​ത്ത വി​ധ​ത്തി​ലാ​യി​രു​ന്നു അ​ഭ്യാ​സ​പ്ര​ക​ട​നം. ദൃ​ശ്യം വി​ദ്യാ​ര്‍ഥി​ക​ള്‍ ത​ന്നെ മൊ​ബൈ​ല്‍ കാ​മ​റ​യി​ല്‍ പ​ക​ര്‍ത്തി സ​മൂ​ഹ മാ​ധ്യ​മ​ങ്ങ​ളി​ല്‍ പോ​സ്റ്റ് ചെ​യ്യു​ക​യാ​യി​രു​ന്നു. ദൃ​ശ്യം വ്യാ​പ​ക​മാ​യി പ്ര​ച​രി​ച്ച​തോ​ടെ മോ​ട്ടോ​ര്‍ വാ​ഹ​ന വ​കു​പ്പി​നും മാ​ലൂ​ര്‍ പൊ​ലീ​സി​നും ല​ഭി​ച്ചു.ര​ണ്ട് വാ​ഹ​ന​ങ്ങ​ളും മാ​ലൂ​ര്‍ എ​സ്.​ഐ ശ​ശി​ധ​ര​ന്റെ നേ​തൃ​ത്വ​ത്തി​ല്‍ ക​സ്റ്റ​ഡി​യി​ലെ​ടു​ത്തു. വാ​ഹ​നം ഓ​ടി​ച്ച​വ​രു​ടെ പേ​രി​ലും ആ​ര്‍.​സി ഉ​ട​മ​ക​ളു​ടെ പേ​രി​ലും കേ​സെ​ടു​ക്കു​മെ​ന്നും സം​ഭ​വ​വു​മാ​യി ബ​ന്ധ​പ്പെ​ട്ട് അ​ന്വേ​ഷ​ണം ന​ട​ത്തി​വ​രു​ക​യാ​ണെ​ന്നും മാ​ലൂ​ര്‍ ഇ​ൻ​സ്​​പെ​ക്ട​ർ എം. ​സ​ജി​ത്ത് അ​റി​യി​ച്ചു.


Share our post
Continue Reading

Trending

error: Content is protected !!