India
ഖത്തറില് തടവിലായിരുന്ന മലയാളിയടക്കം എട്ട് ഇന്ത്യക്കാരെയും വിട്ടയച്ചു
ദോഹ: ഖത്തറില് തടവിലായിരുന്ന മുന് നാവികസേന ഉദ്യോഗസ്ഥരെ വിട്ടയച്ചു. മലയാളിയായ രാഗേഷ് ഗോപകുമാര് അടക്കം എട്ട് പേരെയാണ് ഖത്തര് സ്വതന്ത്രരാക്കിയത്. ഇതില് ഏഴുപേര് ഇന്ത്യയില് തിരിച്ചെത്തിയതായി കേന്ദ്രസര്ക്കാര് അറിയിച്ചു. നേരത്തെ ഇവരുടെ വധശിക്ഷ റദ്ദാക്കി കോടതി തടവുശിക്ഷ ആക്കിയിരുന്നു.
ഇന്ത്യന് നാവിക സേനയിലെ ഉദ്യോഗസ്ഥരായിരുന്ന കമാന്ഡര് പൂര്ണേന്ദു തിവാരി, കമാന്ഡര് സുഗുണാകര് പകല, കമാന്ഡര് അമിത് നാഗ്പാല്, കമാന്ഡര് സഞ്ജീവ് ഗുപ്ത, ക്യാപ്റ്റന് നവതേജ് സിംഗ് ഗില്, ക്യാപ്റ്റന് ബീരേന്ദ്ര കുമാര് വര്മ, ക്യാപ്റ്റന് സൗരഭ് വസിഷ്ത്, നാവികന് രാഗേഷ് ഗോപകുമാര് എന്നിവരാണ് ഖത്തറിലെ ജയിലില് കഴിഞ്ഞിരുന്നത്. ഖത്തര് അമിര് എട്ട് പേരെയും വിട്ടയക്കാനുള്ള ഉത്തരവ് നല്കുകയായിരുന്നു. ഖത്തര് അമീറിന്റെ തീരുമാനത്തെ വിദേശകാര്യ മന്ത്രാലയം സ്വാഗതം ചെയ്തു.
‘ഖത്തറില് തടവിലാക്കപ്പെട്ട ദഹ്റ ഗ്ലോബല് കമ്പനിയില് ജോലി ചെയ്യുന്ന എട്ട് ഇന്ത്യക്കാരെ മോചിപ്പിച്ചതിനെ ഇന്ത്യന് സര്ക്കാര് സ്വാഗതം ചെയ്യുന്നു. ഇവരില് എട്ടുപേരില് ഏഴുപേരും ഇന്ത്യയില് തിരിച്ചെത്തി. ഈ പൗരന്മാരെ മോചിപ്പിക്കാനും നാട്ടിലേക്ക് മടങ്ങാനും അനുവദിച്ച ഖത്തര് സ്റ്റേറ്റ് അമീറിന്റെ തീരുമാനത്തെ അഭിനന്ദിക്കുന്നു,’- വിദേശകാര്യ മന്ത്രാലയം പറഞ്ഞു.
2023 ഒക്ടോബറിലാണ് ഖത്തറിലെ വിചാരണ കോടതി എട്ട് പേര്ക്ക് വധശിക്ഷ വിധിച്ചത്. ശിക്ഷിക്കപ്പെട്ട മുന് നാവികരുടെ കുടുംബം നല്കിയ അപ്പീല് പരിഗണിച്ച് ഡിസംബര് 28ന് അപ്പീല് കോടതി വധശിക്ഷ റദ്ദാക്കി. പകരം ഓരോത്തര്ക്കും വ്യത്യസ്ത കാലയളവിലുള്ള ജയില് ശിക്ഷയാണ് വിധിച്ചത്.
അല് ദഹ്റ എന്ന സ്വകാര്യ കമ്പനിയില് ജോലി ചെയ്തിരുന്ന എട്ട് പേര് കഴിഞ്ഞ വര്ഷം ഓഗസ്റ്റിലാണ് അറസ്റ്റിലായത്. ഇവര്ക്കെതിരെ ചുമത്തിയിരിക്കുന്ന കുറ്റങ്ങള് എന്തൊക്കെയാണെന്ന് ഖത്തര് അധികൃതരോ ഇന്ത്യന് അധികൃതരോ വെളിപ്പെടുത്തിയിട്ടില്ല. മാര്ച്ച് 25ന് ഇവര്ക്കെതിരെ കുറ്റപത്രം നല്കുകയും തുടര്ന്ന് ഒക്ടോബര് 26ന് പ്രാഥമിക കോടതി വിചാരണ പൂര്ത്തിയാക്കി വധശിക്ഷ വിധിക്കുകയുമായിരുന്നു.
India
രാജ്യത്ത് ഏറ്റവുമധികം പേർ കൊവിഡ് ബാധിച്ച് മരിച്ചത് കേരളത്തിൽ: കേന്ദ്ര ആരോഗ്യ മന്ത്രാലയം
ന്യൂഡൽഹി : ഇന്ത്യയിൽ ഏറ്റവും കൂടുതൽ കൊവിഡ് മരണങ്ങൾ ഉണ്ടായത് കേരളത്തിലാണെന്ന് കേന്ദ്രസർക്കാർ. കേരളത്തിൽ കഴിഞ്ഞ വർഷം രോഗം ബാധിച്ച് മരിച്ചത് 66 പേരാണ്.(Covid 19 deaths in Kerala ).ഇക്കാര്യം ലോക്സഭയിൽ പറഞ്ഞത് കേന്ദ്ര ആരോഗ്യമന്ത്രി ജെ പി നദ്ദയാണ്. കേരളത്തിൽ കഴിഞ്ഞ വർഷം 5597 പേര്ക്ക് രോഗം സ്ഥിരീകരിച്ചുവെന്നും, 2023ല് സംസ്ഥാനത്ത് 516 മരണമാണ് റിപ്പോർട്ട് ചെയ്തതെന്നും കേന്ദ്ര ആരോഗ്യ മന്ത്രാലയത്തിൻ്റെ കണക്കുകൾ വ്യക്തമാക്കുന്നു.അതേസമയം, ഏറ്റവും കൂടുതൽ കേസുകൾ റിപ്പോർട്ട് ചെയ്യപ്പെട്ടത് കർണാടകയിലാണ്. 2024ല് 7252 കേസുകളും, 39 മരണങ്ങളും ഇവിടെ റിപ്പോർട്ട് ചെയ്തു. ഇപ്പോൾ രാജ്യത്ത് നടക്കുന്നത് വളരെ പരിമിതമായ പരിശോധനകളാണ്.
India
ലോകത്തിലെ ഏറ്റവും മൂല്യമേറിയ കറൻസികൾ ഗൾഫ് രാജ്യങ്ങളിലേത്; വമ്പൻ മുന്നേറ്റം നടത്തി അറബ് നാടുകൾ
ദുബൈ: ലോകത്തിലെ ഏറ്റവും മൂല്യമേറിയ കറന്സികളില് ആദ്യ മൂന്ന് സ്ഥാനങ്ങളില് ഗള്ഫ് കറന്സികള്. കുവൈത്ത് ദിനാര്, ബഹ്റൈന് ദിനാര്, ഒമാന് റിയാല് എന്നിവയാണ് മൂല്യമേറിയ കറന്സികളുടെ പട്ടികയില് ഉള്പ്പെട്ടവ. ജോര്ദാനിയന് ദിനാര്, ഗിബ്രാൾട്ടർ പൗണ്ട്, ബ്രിട്ടീഷ് പൗണ്ട് എന്നിവയാണ് തൊട്ടടുത്തുള്ള സ്ഥാനങ്ങളില്.ഒരു കുവൈത്ത് ദിനാറിന് 280.72 രൂപയും ബഹ്റൈൻ ദിനാറിന് 229.78 രൂപയും ഒമാൻ റിയാൽ 224.98 രൂപയുമാണ് നിലവിലെ വിനിമയ നിരക്ക്. പ്രധാനമായും എണ്ണയെ ആശ്രയിച്ചാണ് കുവൈത്ത്, ബഹ്റൈന്, ഒമാന് എന്നീ രാജ്യങ്ങളിലെ സമ്പദ്വ്യവസ്ഥ മുമ്പോട്ട് പോകുന്നത്. ശക്തമായ സമ്പദ് വ്യവസ്ഥയാണ് കുവൈത്തിനുള്ളത്. ഏകദേശം രണ്ട് ശതമാനം മാത്രമാണ് തൊഴിലില്ലായ്മ നിരക്ക്.
India
ലോകത്തിലെ ഏറ്റവും തിരക്കേറിയ അന്താരാഷ്ട്ര വിമാനത്താവളമായി ദുബൈ എയർപോർട്ട്
ദുബൈ: 2024ൽ ലോകത്തിലെ ഏറ്റവും തിരക്കേറിയ അന്താരാഷ്ട്ര വിമാനത്താവളമായി വീണ്ടും ദുബൈ അന്താരാഷ്ട്ര വിമാനത്താവളം തെരഞ്ഞെടുക്കപ്പെട്ടു. 6.02 കോടി സീറ്റുകളുമായാണ് ദുബൈ അന്താരാഷ്ട്ര വിമാനത്താവളം മുന്നിര സ്ഥാനം നിലനിര്ത്തിയത്.2023നെ അപേക്ഷിച്ച് എയർലൈൻ ശേഷിയിൽ ഏഴു ശതമാനം വർധനവുണ്ടായിട്ടുണ്ടെന്നും 2019ലെ നിലവാരത്തിൽ നിന്ന് 12 ശതമാനം വർധനയാണ് രേഖപ്പെടുത്തിയതെന്നും ഏവിയേഷൻ അനലിറ്റിക്സ് കമ്പനിയായ ഒ.എ.ജി അറിയിച്ചു. ഏറ്റവും തിരക്കേറിയ അന്താരാഷ്ട്ര വിമാനത്താവളം, അന്താരാഷ്ട്ര എയർലൈൻ ശേഷി അനുസരിച്ചാണ് കണക്കാക്കുന്നത്.
അതേസമയം ഏറ്റവും തിരക്കേറിയ 10 ആഗോള വിമാനത്താവളങ്ങൾ ആകെ എയർലൈൻ ശേഷി (ആഭ്യന്തര, അന്തർദേശീയ വിമാനങ്ങൾ) അടിസ്ഥാനത്തിലാണ് കണക്കാക്കുന്നത്. 2024ല് ഏറ്റവും തിരക്കേറിയ ആഗോള വിമാനത്താവളങ്ങളില് ദുബൈയ്ക്ക് രണ്ടാം സ്ഥാനമുണ്ട്.106 രാജ്യങ്ങളിലായി 269 ലക്ഷ്യസ്ഥാനങ്ങളിലേക്ക് ദുബൈ അന്താരാഷ്ട്ര വിമാനത്താവളത്തിൽ നിന്ന് സർവിസുകളുണ്ട്. ആകെ 101 അന്താരാഷ്ട്ര എയർലൈനുകൾ സർവിസ് നടത്തുന്നു. ദുബൈയില് നിന്ന് കൂടുതല് വിമാനങ്ങളും പോകുന്നത് ഇന്ത്യ, സൗദി, യുകെ, പാകിസ്ഥാന് എന്നിവിടങ്ങളിലേക്കാണ്. അതേസമയം 2024 ആദ്യ പകുതിയില് 4.49 കോടി യാത്രക്കാരാണ് ദുബൈ എയര്പോര്ട്ടിലൂടെ യാത്ര ചെയ്തത്.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു