Social
ആപ്പിളിന്റെ ഫോൾഡബിൾ ഫോൺ, അണിയറയിൽ ഒരുങ്ങുന്ന അത്ഭുതം എന്ത് ?
മുന്‍നിര സ്മാര്‍ട്‌ഫോണ്‍ ബ്രാന്‍ഡുകളില്‍ നിന്നുള്ള ഫോള്‍ഡബിള്‍ സ്മാര്‍ട്‌ഫോണുകള്‍ ഇതിനകം വിപണിയില്‍ ഇറങ്ങിക്കഴിഞ്ഞു. സാധാരണ പല മുന്‍നിര സാങ്കേതിക വിദ്യകളും ആദ്യം അവതരിപ്പിക്കാനുള്ള ശ്രമം നടത്തുന്ന ആപ്പിള്‍ ഇക്കാര്യത്തില്‍ പക്ഷെ യാതൊരു വിധ ധൃതിയും കാണിക്കുന്നില്ലെന്ന് മാത്രമല്ല അത്തരം ഒരു പദ്ധതിയുമായി ബന്ധപ്പെട്ട ഔദ്യോഗികമായി യാതൊരു സൂചനയും തരുന്നില്ല. എന്നാല്‍ ഫോള്‍ഡബിള്‍ ഐഫോണിന് വേണ്ടിയുള്ള പദ്ധതികള്‍ ആപ്പിളിനുള്ളില്‍ നടക്കുന്നുണ്ടെന്നാണ് ചോര്‍ന്നുകിട്ടിയ വിവരങ്ങളെ ഉദ്ധരിച്ച് പല മാധ്യമ റിപ്പോര്‍ട്ടുകളും പറയുന്നത്.
സാംസങ്, മൊട്ടോറോള, ഗൂഗിള്‍, ഓപ്പോ, വിവോ, വണ്‍ പ്ലസ് തുടങ്ങി ഒട്ടേറെ കമ്പനികള്‍ ഇതിനകം ഫോള്‍ഡബിള്‍ രംഗത്തേക്ക് കടന്നു വന്നിട്ടുണ്ട്. എന്താണ് ഈ രംഗത്ത് ആപ്പിളിന്റെ പദ്ധതി ? ആപ്പിള്‍ ഫോള്‍ഡബിള്‍ ഡിവൈസ് അവതരിപ്പിക്കുമോ? അങ്ങനെയെങ്കില്‍ എങ്ങനെയായിരിക്കും അത്?
അത് ഒരു ഫോള്‍ഡബിള്‍ ഐപാഡ് ആയിരിക്കുമെന്നും അതല്ല ക്ലാംഷെല്‍ മാതൃകയിലുള്ള ഫോള്‍ഡബിള്‍ ഐഫോണ്‍ ആയിരിക്കുമെന്നുമുള്ള പ്രവചനങ്ങളുണ്ട്.
ആപ്പിളുമായി ബന്ധപ്പെട്ട് പല സുപ്രധാന വിവരങ്ങള്‍ നേരത്തെ തന്നെ പുറത്തുവിടുകയും ആപ്പിളിന്റെ പദ്ധതികള്‍ മുന്‍കൂട്ടി പ്രവചിക്കാറുമുള്ള മിങ് ചി കുവോ, മാര്‍ക്ക് ഗുര്‍മന്‍ എന്നിവര്‍ ഈ വിഷയത്തിലും തങ്ങളുടെ നിരീക്ഷണങ്ങള്‍ പങ്കുവെക്കുന്നുണ്ട്.
2022 മിങ് ചി കുവോ പറഞ്ഞത് ആപ്പിള്‍ പുറത്തിറക്കുക, ഒന്നുകില്‍ ഒരു ഫോള്‍ഡബിള്‍ ഐപാഡോ അല്ലെങ്കില്‍, ഐപാഡും ഐഫോണും സംയോജിപ്പിച്ചുകൊണ്ടുള്ള ഹൈബ്രിഡ് മോഡലോ ആയിരിക്കും എന്നാണ്. 2021 ല്‍ മാര്‍ക്ക് ഗുര്‍മന്‍ പറഞ്ഞത് രണ്ടോ മൂന്നോ വര്‍ഷത്തിനുള്ളില്‍ ആപ്പിളിന്റെ ഫോള്‍ഡബിള്‍ ഫോണ്‍ അവതരിപ്പിക്കപ്പെടും എന്നാണ്.
എന്നാല്‍ പുറത്തുവരുന്ന പുതിയ വിവരങ്ങള്‍ അനുസരിച്ച്, ഐപാഡ് മിനിയ്ക്ക് പകരമാവുന്ന ഒരു ഡിവൈസ് ആയിരിക്കും ആപ്പിളിന്റെ ഫോള്‍ഡബിള്‍ ഡിവൈസ്. എന്നാല്‍ ഫോള്‍ഡബിള്‍ ഐപാഡ് പുറത്തിറക്കാനുള്ള പദ്ധതിയുടെ പ്രാരംഭ ഘട്ടത്തിലാണ് ആപ്പിള്‍ ഇപ്പോഴെന്നാണ് കൊറിയന്‍ ഇലക്ട്രോണിക്‌സ് ഇന്‍ഡസ്ട്രി മാധ്യമമായ ദി ഇലക് ( The Elec) പറയുന്നത്. 2026 ലോ 2027 ലോ ആയിരിക്കും അത് പുറത്തിറങ്ങാന്‍ സാധ്യതയെന്നും ദി ഇലക് പറയുന്നു. നിലവിലെ 8.3 ഇഞ്ച് ഐപാഡ് മിനിയ്ക്ക് പകരമാവുന്ന 7 ഇഞ്ച് അല്ലെങ്കില്‍ 8 ഇഞ്ച് വലിപ്പമുള്ള ഫോള്‍ഡബിള്‍ സ്‌ക്രീന്‍ ആയിരിക്കും ഇതിനെന്നും വെബ്‌സൈറ്റ് പറയുന്നു.
ആപ്പിളിന് വേണ്ടി ഫോള്‍ഡബിള്‍ ഫോണ്‍ രൂപകല്‍പന ചെയ്യുന്നതിന് മുന്‍നിര ഡിസ്‌പ്ലേ സ്‌ക്രീന്‍ നിര്‍മാതാക്കളായ എല്‍ജിയും സാംസങും ആപ്പിളുമായി സഹകരിക്കുന്നുണ്ട്.
അതേസമയം ദി ഇന്‍ഫര്‍മേഷന്‍ നല്‍കുന്ന റിപ്പോര്‍ട്ടില്‍ പറയുന്നത് ആപ്പിള്‍ രണ്ട് വലിപ്പത്തിലുള്ള ഫോള്‍ഡബിള്‍ ഐഫോണുകള്‍ അവതരിപ്പിക്കുമെന്നാണ്. അവ ഹൊറിസോണ്ടലായി മടക്കുന്ന ക്ലാംഷെല്‍ രീതിയിലുള്ളവയായിരിക്കുമെന്നും റിപ്പോര്‍ട്ടില്‍ പറയുന്നു. ഗാലക്‌സി സെഡ് ഫ്‌ളിപ്പ്, മോട്ടോ റേസര്‍ പ്ലസ് എന്നിവയ്ക്ക് സമാനമായിരിക്കും ഇത്. എന്നാല്‍ ഈ വര്‍ഷമോ 2025 ലോ ആപ്പിള്‍ ഫോള്‍ഡബിള്‍ ഐഫോണുകള്‍ ഉല്പാദിപ്പിക്കാനിടയില്ലെന്നും റിപ്പോര്‍ട്ടില്‍ പറയുന്നു.
എന്തായാലും പ്രീമിയം സ്മാര്‍ട്‌ഫോണുകളില്‍ ശ്രദ്ധേയരായ ആപ്പിള്‍ പുറത്തിറക്കുന്ന ഫോള്‍ഡബിള്‍ ഫോണും പ്രീമിയം പ്രൈസ് ടാഗില്‍ ആയിരിക്കും എന്നതില്‍ സംശയം വേണ്ട. റിപ്പോര്‍ട്ടുകളനുസരിച്ച് ഗാലക്‌സി സെഡ് ഫോള്‍ഡ് 5, പിക്‌സല്‍ ഫോള്‍ഡ് എന്നിവയുമായി മത്സരിക്കും വിധം 2000 ഡോളറില്‍ താഴെ വിലയിലായിരിക്കും ആപ്പിളിന്റെ ഫോള്‍ഡബിള്‍ പുറത്തിറക്കാന്‍ സാധ്യത.
Social
വാട്‌സാപ്പില്‍ തന്നെ ഡോക്യുമെന്റ് സ്‌കാന്‍ ചെയ്ത് അയക്കാം- ഉപകാരപ്രദമായ പുതിയ ഫീച്ചര്‍ പരിചയപ്പെടാം
ആഗോള തലത്തില്‍ 200 കോടിയിലേറെ ഉപഭോക്താക്കളുള്ള മെസേജിഭ് ആപ്ലിക്കേഷനാണ് വാട്സാപ്പ്. മെറ്റയുടെ ഉടമസ്ഥതയിലുള്ള ഈ മെസേജിങ് ആപ്പില്‍ നിരന്തരം പുതിയ ഫീച്ചറുകള്‍ അവതരിപ്പിക്കപ്പെടാറുണ്ട്. ഇപ്പോഴിതാ ഉപഭോക്താക്കള്‍ക്കായി പുതിയൊരു സൗകര്യം അവതരിപ്പിച്ചിരിക്കുകയാണ് കമ്പനി.ഐഫോണ്‍ ഉപഭോക്താക്കള്‍ക്ക് ഇനി വാട്‌സാപ്പിലെ ക്യാമറ ഉപയോഗിച്ച് ഡോക്യുമെന്റുകള്‍ സ്‌കാന്‍ ചെയ്യാനാവും. നേരത്തെ ഇതിനായി മറ്റ് ആപ്പുകളെ ആശ്രയിക്കേണ്ടിയിരുന്നു. പ്രിന്റ് ചെയ്തതോ എഴുതിയതോ ആയ ഒരു പേപ്പര്‍ സ്‌കാന്‍ ചെയ്ത് പിഡിഎഫ് രൂപത്തില്‍ മറ്റൊരാള്‍ക്ക് അയച്ചുകൊടുക്കുന്നതിനും ഈ സൗകര്യം സഹായിക്കും.
വാട്‌സാപ്പില്‍ എങ്ങനെ ഡോക്യുമെന്റുകള്‍ സ്‌കാന്‍ ചെയ്യാം?
വാട്‌സാപ്പില്‍ ഒരു ചാറ്റ് വിന്‍ഡോ തുറക്കുക
ഇടത് ഭാഗത്ത് താഴെ ആയുള്ള + ബട്ടണ്‍ ടാപ്പ് ചെയ്യുക
ഡോക്യുമെന്റില്‍ ടാപ്പ് ചെയ്യുക
അപ്പോള്‍ സ്‌കാന്‍ ഡോക്യുമെന്റ് ഓപ്ഷന്‍ കാണാം
അതില്‍ ടാപ്പ് ചെയ്താല്‍ ക്യാമറ തുറക്കും.
ഏത് ഡോക്യുമെന്റാണോ പകര്‍ത്തേണ്ടത് അതിന് നേരെ ക്യാമറ പിടിച്ചതിന് ശേഷം ക്ലിക്ക് ചെയ്യുക.
മുഴുവന്‍ പേജുകളും ഈ രീതിയില്‍ പകര്‍ത്തി ക്കഴിഞ്ഞാല്‍ Save ബട്ടണ്‍ ടാപ്പ് ചെയ്യുക.
നിങ്ങള്‍ സ്‌കാന്‍ ചെയ്ത പേജുകള്‍ പിഡിഎഫ് രൂപത്തില്‍ അയക്കാനുള്ള ഓപ്ഷന്‍ കാണാം.
സെന്റ് ബട്ടണ്‍ ടാപ്പ് ചെയ്താല്‍ ഈ ഡോക്യുമെന്റ് മറുവശത്തുള്ളയാള്‍ക്ക് ലഭിക്കും.
Social
‘വാട്‌സ്ആപ്പ് കേശവൻ മാമന്മാരുടെ പണികൾ ഇനി നടക്കില്ല’; റിവേഴ്‌സ് ഇമേജ് സെർച്ച് ഓപ്ഷനുമായി പുതിയ അപ്ഡേറ്റ്
വാട്‌സ്ആപ്പ് ഉപയോഗിക്കുന്നവർ നേരിടുന്ന പ്രധാന പ്രശ്‌നങ്ങളിൽ ഒന്നാണ് വ്യാജ ചിത്രങ്ങളും വ്യാജ വിവരങ്ങളും വാട്‌സ്ആപ്പിലൂടെ പ്രചരിപ്പിക്കുന്നത്. പലപ്പോഴും ഉറവിട കേന്ദ്രം ഏതാണെന്ന് പോലും ഉറപ്പിക്കാതെ പലതരം ചിത്രങ്ങൾ വാട്‌സ്ആപ്പിലൂടെ പ്രചരിക്കാറുണ്ട്.ഇപ്പോഴിതാ ഇത്തരം തലവേദനകൾ അവസാനിപ്പിക്കാനായി പുതിയ ഫീച്ചറുമായി എത്തുകയാണ് വാട്‌സ്ആപ്പ്. വാട്‌സ്ആപ്പിൽ എത്തുന്ന ചിത്രങ്ങൾ നേരിട്ട് ഗൂഗിളിൽ റിവേഴ്‌സ് ഇമേജ് സെർച്ചിന് ഉപയോഗിക്കാൻ സാധിക്കുന്ന ഫീച്ചറാണ് പുതിയതായി തുടങ്ങുന്നത്.വാട്‌സ്ആപ്പ് വെബിലാണ് പുതിയ ഫീച്ചർ ആരംഭിച്ചിരിക്കുന്നത്. ഇതിലൂടെ വാട്‌സ്ആപ്പിൽ എത്തുന്ന ഇമേജുകളുടെ ആധികാരികത വളരെ എളുപ്പത്തിൽ പരിശോധിക്കാനും കണ്ടെത്താനും സാധിക്കും. വാട്ട്സ്ആപ്പ് വെബ് ബീറ്റ വേർഷനാണ് പുതിയ അപ്ഡേറ്റ് നൽകിയിരിക്കുന്നതെന്ന് വാട്ട്സ്ആപ്പ് ട്രാക്ക് ചെയ്യുന്ന വെബ്സൈറ്റായ WABetaInfo റിപ്പോർട്ട് ചെയ്തു.
സന്ദേശങ്ങളും ചിത്രങ്ങളും ഔദ്യോഗിക രേഖകളും ശബ്‌ദ സന്ദേശങ്ങളും കോളുകളും അങ്ങനെ ജീവിതവുമായി അടുത്തുനിൽക്കുന്ന ഒരുപാട് കാര്യങ്ങൾ മറ്റുള്ളവരിലേക്ക് കൈമാറാനുള്ള ഒരു ഒറ്റമൂലിയാണ് നമുക്ക് വാട്സാപ്പ്. മെറ്റയുടെ ഈ മെസഞ്ചർ ആപ്പ് നമ്മൾ മനുഷ്യർ തമ്മിലെ ബന്ധത്തെ വളർത്താൻ ചെയ്യുന്ന സേവനം ചില്ലറയല്ല. ഇപ്പോഴിതാ പുതുവർഷത്തിന് ദിവസങ്ങൾ മാത്രം ബാക്കിനിൽക്കെ വാട്സാപ്പ് ഉപഭോക്താക്കൾക്ക് ഒരു പ്രധാന മുന്നറിയിപ്പ് വന്നിരിക്കുകയാണ്.അടുത്തവർഷം ആദ്യം മുതൽ ചില ഫോണുകളിൽ വാട്സാപ്പ് ലഭ്യമാകാതെയാകും. പ്രധാനമായും ഐഫോണുകളിലാണ് ഇത്. ഐഫോൺ ഉപഭോക്താക്കൾക്ക് ഇതുസംബന്ധിച്ച് വാട്സാപ്പ് സന്ദേശങ്ങൾ അയച്ചുകഴിഞ്ഞു. ഐഫോണിന്റെ ഈ വേർഷനിൽ അടുത്ത വർഷം മുതൽ വാട്സാപ്പ് ലഭിക്കില്ല എന്ന്തന്നെയായിരുന്നു സന്ദേശം. ഐഒഎസ് 12 മുതലുള്ളവയിലാണ് ഇപ്പോൾ വാട്സാപ്പ് പ്രവർത്തിക്കുക. എന്നാൽ മേയ് അഞ്ച് മുതൽ ഐഒഎസ് 15.1 മുതലുള്ളവയിലേ വാട്സാപ്പ് പ്രവർത്തിക്കൂ. ചില ആപ്പിൾ ഫോണുകളിൽ ഐ.ഒ.എസ് 15.1ലേക്ക് അപ്‌ഗ്രേഡ് ചെയ്യാൻ കഴിയും. ഈ ഫോണുകളിൽ ആദ്യം സെറ്റിംഗ്‌സ് എടുക്കുക ശേഷം ജനറൽ എന്നതിൽ ക്ളിക്ക് ചെയ്ത് സോഫ്‌റ്റ്‌വെയർ അപ്ഡേറ്റ് ചോദിക്കുമ്പോൾ അത് നൽകുക. വരും വർഷത്തിൽ വാട്സാപ്പ് ലഭിക്കുന്നത് അവസാനിക്കുന്ന ഫോണുകൾ ഐഫോൺ 5എസ്, ഐഫോൺ 6, ഐ ഫോൺ 6 പ്ളസ് എന്നിവയാണ്.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
