താലൂക്കാസ്പത്രി കെട്ടിട നിർമാണം; പ്രതിപക്ഷ നേതാവിന് കോൺഗ്രസ് പേരാവൂർ ബ്ലോക്ക് കമ്മിറ്റി നിവേദനം നല്കി
പേരാവൂർ: താലൂക്കാസ്പത്രി ബഹുനില കെട്ടിട നിർമാണം ഉടനാരംഭിക്കാൻ നടപടിയാവശ്യപ്പെട്ട് കോൺഗ്രസ് പേരാവൂർ ബ്ലോക്ക് കമ്മിറ്റി പ്രതിപക്ഷ നേതാവ് വി.ഡി.സതീശന് നിവേദനം നല്കി. ആസ്പത്രിയിലെ ഒഴിവുള്ള തസ്തികകളിൽ ഡോക്ടർമാരേയും ജീവനക്കാരേയും അടിയന്തരമായി നിയമിക്കുവാനും കോൺഗ്രസ് ബ്ലോക്ക് പ്രസിഡന്റ് ജൂബിലി ചാക്കോ നിവേദനത്തിൽ ആവശ്യപ്പെട്ടു.ആസ്പത്രിയുടെ വിവിധ വിഷയങ്ങൾ ചൂണ്ടിക്കാട്ടി പൊതുജനങ്ങളിൽ നിന്ന് ഒപ്പ് ശേഖരിച്ച ഭീമഹർജിയും പ്രതിപക്ഷ നേതാവിന് കൈമാറി.
സണ്ണി ജോസഫ് എം.എൽ.എ, ഡി.സി.സി ജനറൽ സെക്രട്ടറി ബൈജു വർഗീസ്, കോൺഗ്രസ് പേരാവൂർ ബ്ലോക്ക് സെക്രട്ടറി കെ.എം.ഗിരീഷ് കുമാർ എന്നിവരും നിവേദക സംഘത്തിലുണ്ടായിരുന്നു.
