എൽ.പി, യു.പി അധ്യാപക നിയമനം: പി.എസ്.സി അപേക്ഷ 31 വരെ
സംസ്ഥാനത്തെ സർക്കാർ സ്കൂ‌ളുകളിൽ എൽ.പി, യു.പി അധ്യാപക നിയമനത്തിനുള്ള (കാറ്റഗറി നമ്പർ: 707/2023, 709/2023) പി.എസ്.സി അപേക്ഷ ജനുവരി 31 വരെ ഓൺലൈനായി നൽകാം.
പി. എസ്. സി ഔദ്യോഗിക വെബ്സൈറ്റ് വഴി അപേക്ഷ നൽകുക. വിദ്യാഭ്യാസ വകുപ്പിൽ എൽ. പി സ്കൂൾ ടീച്ചർ (മലയാളം മീഡിയം), യു. പി സ്കൂൾ ടീച്ചർ (മലയാളം മീഡിയം) തസ്തികകളിൽ അയ്യായിരത്തോളം ഒഴിവുകളാണ് ഉള്ളത്.
രണ്ട് തസ്തികയിലും 18 മുതൽ 40 വയസ് വരെ പ്രായമുള്ളവർക്ക് അപേക്ഷിക്കാം. സംവരണ വിഭാഗക്കാർക്ക് നിയമ അനുസൃതമായ ഇളവുണ്ട്. 35,600 രൂപ മുതൽ 75,400 രൂപ വരെയാണ് ശമ്പളം.
യോഗ്യത സംബന്ധിച്ച കൂടുതൽ വിവരങ്ങൾക്കും വിജ്ഞാപനത്തിനും keralapsc.gov.in സന്ദർശിക്കുക.
