കേരള പൊലിസ് കോൺസ്റ്റബിൾ റിക്രൂട്ട്മെന്റ്: അപേക്ഷ 31 വരെ
കേരള പൊലിസ് കോൺസ്റ്റബിൾ (ട്രെയിനി /ആംഡ് പൊലിസ് ബറ്റാലിയൻ) നിയമനത്തിനുള്ള പി.എസ്.സി നോട്ടിഫിക്കേഷൻ പ്രകാരം (കാറ്റഗറി നമ്പർ 584/2023) അപേക്ഷ നൽകാനുള്ള സമയം ജനുവരി 31ന് അവസാനിക്കും.
പ്ലസ് ടു യോഗ്യത ഉള്ളവർക്ക് അപേക്ഷിക്കാം. നിയമനത്തിന് വേണ്ട ശാരീരിക, കായിക ക്ഷമത വേണം. 168 സെന്റീമീറ്റർ ഉയരവും 81 സെന്റീമീറ്റർ നെഞ്ചളവും ഉണ്ടായിരിക്കണം. 31,100 രൂപ മുതൽ 66,800 രൂപ വരെയാണ് ശമ്പളം. പരീക്ഷയുടെയും ഫിസിക്കൽ ടെസ്റ്റിന്റെയും അടിസ്ഥാനത്തിലാണ് നിയമനം.
സംസ്ഥാനത്ത് ഉടനീളം ഒട്ടേറെ ഒഴിവുകൾ റിപ്പോർട്ട് ചെയ്തിട്ടുണ്ട്. കഴിഞ്ഞ തവണ 3909 നിയമനങ്ങളാണ് നടന്നത്. ഇത്തവണയും അത്രതന്നെ നിയമനങ്ങൾ ഉണ്ടാകുമെന്ന് സൂചനയുണ്ട്.
18 വയസ് മുതൽ 26 വയസ് വരെയാണ് പ്രായപരിധി. ഒ.ബി.സി വിഭാഗക്കാർക്ക് 29, എസ്.സി – എസ്.ടി വിഭാഗക്കാർക്ക് 31, എക്‌സ് സർവീസ്മെൻ 41 എന്നിങ്ങനെയാണ് പ്രായപരിധി.
