മോഷ്ടിച്ച ഐ ഫോണ്‍ ഇനി ഉപയോഗിക്കാന്‍ പറ്റില്ല; ഐ.ഒ.എസ്-17.3 അപ്‌ഡേറ്റില്‍ പുത്തന്‍ ഫീച്ചര്‍
പുതിയ ഐ.ഒ.എസ്-17.3 അപ്ഡേറ്റ് അവതരിപ്പിച്ച് ആപ്പിൾ. കഴിഞ്ഞ സെപ്റ്റംബറിൽ വന്ന ഐ.ഒ.എസ്-17-ന്റെ മൂന്നാമത്തെ പ്രധാന അപ്ഡേറ്റാണിത്. സ്റ്റോളൻ ഡിവൈസ് പ്രൊട്ടക്ഷൻ എന്നൊരു സെക്യൂരിറ്റി ഫീച്ചറാണ് പുതിയ അപ്ഡേറ്റിലെ സൂപ്പർ താരം. ഫോൺ മോഷ്‌ടിക്കപ്പെടുകയോ നഷ്‌ടപ്പെടുകയോ ചെയ്‌താൽ ഏറെ ഉപകാരപ്രദമായ ഫീച്ചറാണിത്. ഇതുവരെ ഫോണിൻ്റെ പാസ്കോഡ് അറിഞ്ഞാൽ അതു കിട്ടിയ ആൾക്ക് ഫോൺ ഉപയോഗിക്കാനും പാസ്കോഡ് റീസെറ്റ് ചെയ്യാനുമൊക്കെ സാധിക്കുമായിരുന്നു. എന്നാൽ, സ്റ്റോളൻ ഡിവൈസ് പ്രൊട്ടക്ഷൻ എനേബിൾ ചെയ്‌താൽ ഇനിയത് നടക്കില്ല.
