പേരാവൂർ കൊട്ടംചുരം മഖാം ഉറൂസിന് കൊടിയേറ്റി
പേരാവൂർ: ജനുവരി 26 മുതൽ 30 വരെ കൊട്ടംചുരം വലിയുള്ളാഹി നഗറിൽ നടക്കുന്ന മഖാം ഉറൂസിന് കൊടിയേറ്റി. മഹല്ല് പ്രസിഡന്റ് യു.വി.റഹീം പതാകയുയർത്തി. മഖാം സിയാറത്തിന് പേരാവൂർ മഹല്ല് ഖത്തീബ് മൂസ മൗലവി നേതൃത്വം നൽകി.വൈകിട്ട് നടക്കുന്ന ഉദ്ഘാടന സമ്മേളനം ചെവിടിക്കുന്ന് മഹല്ല് ഖത്തീബ് അബ്ദുൾ അസീസ് ഫൈസി ഉദ്ഘാടനം ചെയ്യും.രാത്രി സിദ്ധിഖ് മഹ്മൂദി വിളയിലിന്റെ മതപ്രഭാഷണം.
ശനിയാഴ്ച രാത്രി സലീം വാഫിയുടെ പ്രഭാഷണം,ഞായറാഴ്ച രാത്രി സുബൈർ തൊട്ടീക്കലിന്റെ കഥാപ്രസംഗം,തിങ്കളാഴ്ച രാത്രി ഖലീൽ ഹുദവിയുടെ പ്രഭാഷണം.ചൊവ്വാഴ്ച ഉച്ചക്ക് രണ്ടിന് പേരാവൂർ മഹല്ല് ഖത്തീബും പി.എം.സി സംസ്ഥാന റിസോഴ്‌സ് പേഴ്‌സണുമായ മൂസ മൗലവിയുടെ പ്രഭാഷണം,തുടർന്ന് നടക്കുന്ന ദിഖർ ദുആ മജ്‌ലിസിന് സ്വഫ്‌വാൻ തങ്ങൾ ഏഴിമല നേതൃത്വം നൽകും.വൈകിട്ട് നാലിന് അന്നദാനം.
