കണ്ണൂർ സർവകലാശാല വാർത്തകൾ
കണ്ണൂർ സർവകലാശാല വാർത്തകൾ അറിയാം.
* ബി.എ കന്നഡ അസൈൻമെന്റ്: രണ്ടാം സെമസ്റ്റർ പ്രൈവറ്റ് രജിസ്ട്രേഷൻ ബി.എ കന്നഡ ഇന്റേണൽ ഇവാല്വേഷൻ അസൈൻമെന്റ് (ഏപ്രിൽ 2023) ആറിന് വൈകിട്ട് നാലിനകം സ്കൂൾ ഓഫ് ലൈഫ് ലോങ് ലേണിങ്ങിൽ സമർപ്പിക്കണം. ചോദ്യങ്ങളും മാർഗ നിർദേശങ്ങളും വെബ്സൈറ്റിൽ നിന്ന് ഡൗൺലോഡ് ചെയ്യാം. അസൈൻമെന്റ് സമർപ്പിക്കുന്നവർ രണ്ടാം സെമസ്റ്റർ ബി.എ കന്നഡ (പ്രൈവറ്റ് രജിസ്ട്രേഷൻ) ഏപ്രിൽ 2023 സെഷൻ പരീക്ഷകൾക്ക് രജിസ്റ്റർ ചെയ്തിരിക്കണം.
* കോളേജ് മാറ്റം : സർവകലാശാലയോട് അഫിലിയേറ്റ് ചെയ്ത കോളേജുകളിൽ 2023-24 അക്കാദമിക വർഷത്തെ ബിരുദ പ്രോഗ്രാമുകളുടെ രണ്ടാം സെമസ്റ്ററിലേക്ക് കോളേജ് മാറ്റത്തിനായി വിദ്യാർഥികൾക്ക് ജനുവരി 23 വരെ അപേക്ഷിക്കാം. അപേക്ഷകളിൽ കോളേജ് തല നടപടികൾ പൂർത്തിയാക്കി ഓൺലൈൻ മുഖേന സമർപ്പിക്കാൻ പ്രിൻസിപ്പൽമാർക്ക് ജനുവരി 24 വരെയും സർവകലാശാല ഓൺലൈൻ പോർട്ടലിൽ സമയം നീട്ടി.
* പുനർമൂല്യ നിർണയ ഫലം : രണ്ടാം സെമസ്റ്റർ ബി.കോം/ ബി.ബി.എ /ബി.എ (പ്രൈവറ്റ് രജിസ്ട്രേഷൻ) റഗുലർ/ സപ്ലിമെന്ററി/ഇംപ്രൂവ്മെന്റ് -ഏപ്രിൽ 2022 പരീക്ഷകളുടെ പുനർമൂല്യ നിർണയ ഫലം വെബ്സൈറ്റിൽ. പുനർമൂല്യ നിർണയത്തിൽ മാർക്കിൽ മാറ്റം വന്ന വിദ്യാർഥികൾ, ബന്ധപ്പെട്ട ടാബുലേഷൻ സെക്ഷനിൽ, റിസൾട്ട് മെമ്മോയുടെ ഡൗൺലോഡ് ചെയ്ത പകർപ്പിന് ഒപ്പം അപേക്ഷിക്കണം.
* ഹാൾടിക്കറ്റ് : സ്കൂൾ ഓഫ് ലീഗൽ സ്റ്റഡീസ്, മഞ്ചേശ്വരം കാമ്പസിലെ ഒന്നാം സെമസ്റ്റർ എൽഎൽബി, നവംബർ 2023 പരീക്ഷകൾ 23-ന് തുടങ്ങും. ഹാൾ ടിക്കറ്റുകൾ വെബ്സൈറ്റിൽ.
* പ്രായോഗിക പരീക്ഷകൾ : ഏഴാം സെമസ്റ്റർ ഇൻറഗ്രേറ്റഡ് എംഎസ്‌സി കംപ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇൻറലിജൻസ് ആൻഡ് മെഷീൻ ലേണിങ് (റഗുലർ), ഒക്ടോബർ 2023-ന്റെ പ്രായോഗിക പരീക്ഷകൾ ഫെബ്രുവരി ഒന്നിനും അഞ്ചിനും കാഞ്ഞങ്ങാട് നെഹ്റു ആർട്സ് ആൻഡ് സയൻസ് കോളേജിൽ നടത്തും. ടൈം ടേബിൾ വെബ്സൈറ്റിൽ. രജിസ്റ്റർ ചെയ്തവർ കോളേജുമായി ബന്ധപ്പെടണം.
* ഹാർഡ്‌വെയർ ടെക്നീഷ്യൻ : ഐ.ടി ഡയറക്ടറേറ്റിൽ കരാർ അടിസ്ഥാനത്തിൽ ഹാർഡ്‌വെയർ ടെക്നീഷ്യൻ തസ്തികയിൽ ഒരൊഴിവിലേക്ക് നിയമനം നടത്തും. വാക്‌ ഇൻ ഇൻ്റർവ്യൂ 24-ന് 11 മണിക്ക് സർവകലാശാല ആസ്ഥാനത്ത് നടക്കും. കൂടുതൽ വിവരങ്ങൾ വെബ്സൈറ്റിൽ.
