പേരാവൂർ മർച്ചന്റ്‌സ് ചേംബർ വെൽഫയർ കോ-ഓപ്പറേറ്റീവ് സൊസൈറ്റി നാടിന് സമർപ്പിച്ചു
പേരാവൂർ: യുണൈറ്റഡ് മർച്ചന്റ്‌സ് ചേംബർ പേരാവൂർ യൂണിറ്റിന്റെ നേതൃത്വത്തിലുള്ള പേരാവൂർ മർച്ചന്റ്‌സ് ചേംബർ വെൽഫയർ കോ-ഓപ്പറേറ്റീവ് സൊസൈറ്റി ഡോ.വി.ശിവദാസൻ എം.പി.നാടിന് സമർപ്പിച്ചു. സൊസൈറ്റി പ്രസിഡന്റ് ഷിനോജ് നരിതൂക്കിൽ അധ്യക്ഷത വഹിച്ചു.സണ്ണി ജോസഫ് എം.എൽ.എ മുഖ്യാതിഥിയായി.
ആദ്യ വായ്പാ വിതരണം പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ.സുധാകരനും മെമ്പർമാർക്കുള്ള ക്ഷേമ പദ്ധതി ഉദ്ഘാടനം പേരാവൂർ ഗ്രാമപ്പഞ്ചായത്ത് പ്രസിഡന്റ് പി.പി.വേണുഗോപാലനും നിർവഹിച്ചു. സ്‌ട്രോങ്ങ് റൂം ഉദ്ഘാടനം അസി.രജിസ്ട്രാർ ടി.ജി.രാജേഷ്‌കുമാറും ആദ്യ നിക്ഷേപം യു.എം.സി ജില്ലാ പ്രസിഡന്റ് ടി.എഫ്.സെബാസ്റ്റ്യനിൽ നിന്ന് സ്വീകരിച്ച് യൂണിറ്റ് ഇൻസ്‌പെക്ടർ കെ.സമീറയും ഉദ്ഘാടനം ചെയ്തു.
ജില്ലാ പഞ്ചായത്തംഗം ജൂബിലി ചാക്കോ, വാർഡംഗം റജീന സിറാജ്, യു.എം.സി ജില്ലാ പ്രസിഡന്റ്ടി.എഫ്.സെബാസ്റ്റ്യൻ, പേരാവൂർ യൂണിറ്റ്പ്രസിഡന്റ് കെ.എം.ബഷീർ, കെ.എ.രജീഷ്, സിറാജ് പൂക്കോത്ത്, ഡോ.വി.രാമചന്ദ്രൻ, കെ.കെ.മോഹൻദാസ്, ഓണററി സെക്രട്ടറി ഒ.ജെ.ബെന്നി എന്നിവർ സംസാരിച്ചു.
