കൊ​ട്ടി​യൂ​ർ: അ​ല​ങ്കാ​രച്ചെ​ടി​യാ​യും നാ​ണ്യ​വി​ള​യാ​യും ന​ടാ​വു​ന്ന കു​രു​മു​ള​ക് ചെ​ടി കൗ​തു​ക​മാ​വു​ക​യാ​ണ്. ചു​ങ്ക​ക്കു​ന്ന് സ്വ​ദേ​ശി​യാ​യ കാ​ര​ക്കാ​ട്ട് ത​ങ്ക​ച്ച​ന്റെ ന​ഴ്സ​റി​യി​ലാ​ണ് ‘കൊ​ട്ടി​യൂ​ര്‍ പെ​പ്പ​ര്‍’ എ​ന്ന് പേ​രി​ട്ടി​രി​ക്കു​ന്ന കു​രു​മു​ള​ക് ചെ​ടി​ക​ളു​ള്ള​ത്. കു​റ്റി​​ച്ചെ​ടി​പോ​ലെ നി​ല്‍ക്കു​ന്ന​തി​നാ​ല്‍ വീ​ടു​ക​ളി​ല്‍ അ​ല​ങ്കാ​ര ചെ​ടി​യാ​യും ന​ടാ​ന്‍ ഇ​വ സാ​ധി​ക്കും. ക​ഷ്ടി​ച്ച് മൂ​ന്ന​ര അ​ടി മാ​ത്ര​മാ​ണ് കൊ​ട്ടി​യൂ​ർ പെ​പ്പ​റി​ന്റെ ഉ​യ​രം. ചെ​ടി നി​റ​യെ പ​ച്ച കു​രു​മു​ള​കു​ക​ള്‍ കാ​യ്ച്ചുനി​ല്‍ക്കു​ന്ന​ത് കാ​ണാ​ന്‍ത​ന്നെ അ​തി​മ​നോ​ഹ​ര​മാ​ണ്.

പ​ട​ർന്നുനി​ല്‍ക്കു​ന്ന​തി​നാ​ല്‍ നാ​ല് സൈ​ഡി​ലും ഇ​വ​ക്ക് താ​ങ്ങ് ന​ല്‍ക​ണം. കു​രു​മു​ള​കി​ന്റെ ഭാ​രംമൂ​ലം ചെ​ടി ഒ​ടി​യാ​തെ ഇ​രി​ക്കാ​നും ഇ​ത് സ​ഹാ​യി​ക്കു​ന്നു. ഉ​യ​രം കു​റ​വാ​യ​തി​നാ​ല്‍ കു​രു​മു​ള​ക് പ​റി​ച്ചെ​ടു​ക്കാ​നും എ​ളു​പ്പ​ം. 2013 മു​ത​ല്‍ ന​ല്ല​വി​ള​വ് ല​ഭി​ക്കു​ന്ന​തും കാ​ലാ​വ​സ്ഥ​ക്ക​നു​യോ​ജ്യ​മാ​യ ഇ​നം കു​രു​മു​ള​ക് വി​ക​സി​പ്പി​ക്കാ​നു​ള​ള ശ്ര​മ​ത്തി​ലാ​യി​രു​ന്നു​വെ​ന്നും 2019ലാ​ണ് കൊ​ട്ടി​യൂ​ര്‍ പെ​പ്പ​ര്‍ എ​ന്ന മി​ക​ച്ച വി​ള​വ് ല​ഭി​ക്കു​ന്ന ഇ​നം കു​രു​മു​ള​ക് ല​ഭി​ക്കു​ന്ന​തെ​ന്നും ത​ങ്ക​ച്ച​ന്‍ പ​റ​ഞ്ഞു. തൈ ​ന​ടു​മ്പോ​ള്‍ ചാ​ണ​കപ്പൊ​ടി​യും എ​ല്ലു​പൊ​ടി​യും ഇ​ട്ടു കൊ​ടു​ക്ക​ണം. തൈ ​വ​ള​രു​മ്പോ​ള്‍ ചു​വ​ട്ടി​ല്‍ ച​പ്പ് ഇ​ട്ടു​കൊ​ടു​ക്ക​ണം. പ​ച്ചച്ചാ​ണ​കം ക​ല​ക്കി ഒ​ഴി​ക്കു​ക​യും വേ​ണം. ഇ​ട​ക്കി​ടെ ന​ന​ച്ചു കൊ​ടു​ക്ക​ണം.

12 മാ​സ​വും കാ​യ്ക്കു​ന്ന ചെ​ടി​യാ​ണി​ത്. ഒ​രു ത​വ​ണ വി​ള​വെ​ടു​ക്കു​മ്പോ​ള്‍ ത​ന്നെ ഒ​രു കി​ലോ​യി​ല​ധി​കം കു​രു​മു​ള​ക് ല​ഭി​ക്കും. നീ​ള​മുള്ള തി​രി​യാ​ണ് കൊ​ട്ടി​യൂ​ര്‍ പെ​പ്പ​റി​ന്. നി​റ​യെ കു​രു​മു​ള​ക് മ​ണി​ക​ള്‍ ഓ​രോ തി​രി​യി​ലും ഉ​ണ്ടാ​കും. മു​ള​കി​ന് ന​ല്ല തൂ​ക്ക​വു​മു​ണ്ട്. കു​രു​മു​ള​ക് പ​റി​ച്ചെ​ടു​ക്കാ​നും മെ​തി​ക്കാ​നും വ​ള​രെ എ​ളു​പ്പ​മാ​ണെ​ന്നും ത​ങ്ക​ച്ച​ന്‍ പ​റ​യു​ന്നു.