പ്ലസ് ടു വിദ്യാര്‍ഥി തൂങ്ങിമരിച്ച നിലയില്‍
തിരുവനന്തപുരം: നെടുമങ്ങാട് പ്ലസ് ടു വിദ്യാർഥിയെ തൂങ്ങിമരിച്ച നിലയിൽ കണ്ടെത്തി. ആനാട് വെള്ളരിക്കോണം ധന്യ ഭവനിൽ വിനുവിൻ്റെ മകൻ ധനുഷ് (17) ആണ് മരിച്ചത്.
തിങ്കളാഴ്ച രാവിലെ ധനുഷിൻ്റെ അമ്മയാണ് മൃതദേഹം കണ്ടെത്തിയത്. ഉടൻതന്നെ നെടുമങ്ങാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആനാട് എസ്.എൻ.വി ഹൈസ്‌കൂളിലെ പ്ലസ് ടു കംപ്യൂട്ടർ സയൻസ് വിദ്യാർത്ഥിയാണ് ധനുഷ്. നെടുമങ്ങാട് പോലീസ് കേസെടുത്തു.
