ബസ്സുകൾക്കിടയിൽപെട്ട് ലോട്ടറി വിൽപ്പനക്കാരൻ മരിച്ചു
പയ്യന്നൂർ: ബസ്സുകൾക്കിടയിൽപെട്ട് ലോട്ടറി വിൽപ്പനക്കാരൻ മരിച്ചു. പയ്യന്നൂർ കേളോത്തെ കെ.വി.രാഘവൻ (67) ആണ് മരിച്ചത്. പയ്യന്നൂർ പഴയ ബസ് സ്റ്റാൻറിൽ ഇന്ന് രാവിലെയാണ് അപകടം.
പയ്യന്നുരിൽ നിന്ന് കക്കറ ഭാഗത്തേക്ക് പോകേണ്ട ശ്രീനിധി ബസ് ട്രാക്കിൽ വെക്കാനായി പിന്നോട്ടെടുക്കുമ്പോൾ രണ്ട് ബസുകൾക്കിടയിൽപ്പെടുകയായിരുന്നു. ഉടൻ തന്നെ പയ്യന്നൂരിലെ സഹകരണ ആശുപത്രിയിലും പിന്നീട് പരിയാരം മെഡിക്കൽ കോളേജിലേക്കും കൊണ്ടുപോയെങ്കിലും ജീവൻ രക്ഷിക്കാനായില്ല.
പയ്യന്നൂരിലെ ആദ്യ കാല ടാക്‌സി ഡ്രൈവറായിരുന്നു. ഭാര്യ: ശകുന്തള, മക്കൾ: പുരുഷോത്തമൻ, ലതിക, സജിന.
