ച​ക്ക​ര​ക്ക​ല്ല്: പ​ല​രും പ​രീ​ക്ഷി​ച്ചു വ​രു​ന്ന വി​യ​റ്റ്നാം മോ​ഡ​ൽ കു​രു​മു​ള​ക് കൃ​ഷി രീ​തി പ​രീ​ക്ഷി​ക്കാ​ൻ ഇ​റ​ങ്ങി​യി​രി​ക്കു​ക​യാ​ണ് മു​ണ്ടേ​രി പ​ഞ്ചാ​യ​ത്ത് 11ാം വാ​ർ​ഡ് കാ​ഞ്ഞി​രോ​ട് ത​ല​മു​ണ്ട​യി​ലെ ബൈ​ജു. 12 സെ​ന്റ് സ്ഥ​ല​ത്ത് വി​യ​റ്റ്നാം മോ​ഡ​ൽ കു​രു​മു​ള​ക് കൃ​ഷി രീ​തി ബൈ​ജു ചെ​യ്ത​ത്. 38 വ​ർ​ഷ​ത്തോ​ളം പ​ല രാ​ജ്യ​ങ്ങ​ളി​ലാ​യി പ്ര​വാ​സ​ജീ​വി​തം ന​യി​ച്ച ബൈ​ജു അ​ൽ​ജീ​രി​യ​യി​ൽ​നി​ന്ന് ഓ​യി​ൽ ആ​ൻ​ഡ് ഗ്യാ​സ് ക​ൺ​സ്ട്ര​ക്ഷ​ൻ മാ​നേ​ജ​രാ​യി വി​ര​മി​ച്ച് നാ​ട്ടി​ൽ വ​രു​മ്പോ​ൾ കൃ​ഷി എ​ന്ന മോ​ഹം മ​ന​സ്സി​ലു​ണ്ടാ​യി​രു​ന്നു. അ​ധ്യാ​പ​ക​നാ​യ അ​ച്ഛ​ൻ ന​ല്ലൊ​രു ക​ർ​ഷ​ക​നും​കൂ​ടി ആ​യി​രു​ന്നു. അ​ത് ക​ണ്ടാ​ണ് കൃ​ഷി​യോ​ടു​ള്ള താ​ൽ​പ​ര്യം ബൈ​ജു​വി​നും തോ​ന്നി​യ​ത്.

വീ​ടി​നോ​ടുചേ​ർ​ന്ന് കാ​ടു​മൂ​ടി​യ സ്ഥ​ലം വെ​ട്ടി​ത്തെ​ളി​ച്ചാ​ണ് കൃ​ഷി​യോ​ഗ്യ​മാ​ക്കി​യ​ത്. വി​യ​റ്റ്നാം മോ​ഡ​ൽ കൃ​ഷി​യെ​പ്പ​റ്റി യൂ​ട്യൂ​ബി​ൽ​നി​ന്ന് കൂ​ടു​ത​ൽ മ​ന​സ്സി​ലാ​ക്കി​യാ​ണ് കൃ​ഷി തു​ട​ങ്ങി​യ​ത്. നാ​ലി​ഞ്ച് വ്യാ​സ​മു​ള്ള ര​ണ്ട​ര മീ​റ്റ​ർ പി.​വി.​സി. പൈ​പ്പി​ന്റെ അ​ടി​ഭാ​ഗ​ത്ത് ക​മ്പി ക​യ​റ്റി മ​ണ്ണി​ൽ കു​ഴി​യെ​ടു​ത്ത് കോ​ൺ​ക്രീ​റ്റി​ൽ ഉ​റ​പ്പി​ക്കു​ക​യാ​ണ് ആ​ദ്യം ചെ​യ്ത​ത്.

തു​ട​ർ​ന്ന് കു​രു​മു​ള​ക് തൈ​ക​ൾ പൈ​പ്പി​ന്റെ ചു​വ​ട്ടി​ൽ വ​ള​പ്ര​യോ​ഗം ചെ​യ്ത് ന​ട്ടു. തൈ​ക​ൾ വ​ള​രു​ന്ന​തി​ന​നു​സ​രി​ച്ച് പൈ​പ്പ് നീ​ട്ടി​ക്കൊ​ടു​ക്കാ​നു​ള്ള സൗ​ക​ര്യ​വും ഉ​ണ്ട്. കു​രു​മു​ള​ക് കൃ​ഷി​യു​ടെ കൂ​ടെ വീ​ട്ടാ​വ​ശ്യ​ത്തി​നു​ള്ള പ​ച്ച​ക്ക​റി​ക​ളാ​യ പ​ച്ച​മു​ള​ക്, ത​ക്കാ​ളി, വെ​ണ്ട, വ​ഴു​ത​ന, പ​യ​ർ, കാ​ബേ​ജ്, കോ​ളി​ഫ്ല​വ​ർ, താ​ലോ​രി, കൈ​പ്പ, അ​ൽ​ജീ​രി​യ​ൻ സ്വീ​റ്റ് വാ​ട്ട​ർ മെ​ല​ൻ കൂ​ടാ​തെ ക​വു​ങ്ങ് വാ​ഴ തു​ട​ങ്ങി​യ​വ​യും ഇ​ട​വി​ള​യാ​യി കൃ​ഷി ചെ​യ്തി​ട്ടു​ണ്ട്. രാ​വി​ലെ എ​ട്ടു​ മ​ണി​യോ​ടെ കൃ​ഷി​ത്തോ​ട്ട​ത്തി​ലി​റ​ങ്ങി​യാ​ൽ വൈ​കീട്ടേ വി​ശ്ര​മ​മു​ള്ളു.

സ്വ​ന്ത​മാ​യി കൃ​ഷി ചെ​യ്ത് അ​തി​ൽ നി​ന്നു​ള്ള ഒ​രു ഫ​ലം കി​ട്ടു​മ്പോ​ഴു​ള്ള മാ​ന​സി​ക​മാ​യ സ​ന്തോ​ഷം പ​റ​ഞ്ഞ​റിയി​ക്കാ​ൻ ക​ഴി​യാ​ത്ത​താ​ണെ​ന്ന് ബൈ​ജു പ​റ​യു​ന്നു. ബാ​ങ്ക് ഉ​ദ്യോ​ഗ​സ്ഥ​യാ​യ ഭാ​ര്യ ഷൈ​ന​യു​ടെ പൂ​ർ​ണ പി​ന്തു​ണ​യും ബൈ​ജു​വി​നു​ണ്ട്. ര​ണ്ടുപെ​ൺ​മ​ക്ക​ളി​ൽ മൂ​ത്ത മ​ക​ൾ ഐ​ശ്വ​ര്യ ഭ​ർ​ത്താ​വ് വി​ഷ്ണു​വും യു.​കെ​യി​ലും ര​ണ്ടാ​മ​ത്തെ മ​ക​ൾ അ​പ്സ​ര നെ​ത​ർ​ല​ൻ​ഡ്സിൽ സി​വി​ൽ എ​ൻ​ജി​നി​യ​ർ മാ​സ്റ്റേ​ഴ്സ് വി​ദ്യാ​ർ​ഥി​യു​മാ​ണ്.

കാങ്കോൽ:പുലിയുടെ ആക്രമണത്തിൽ വളർത്തുനായക്ക് പരിക്ക്. ആലക്കാട് കടിങ്ങിനാംപൊയിലിലെ കെ വി ശ്രീധരന്റെ വളർത്തുനായയെയാണ് ഞായറാഴ്ച വൈകിട്ട്‌ നാലോടെ പുലി ആക്രമിച്ചത്. ശ്രീധരനും മകളുംകൂടി വീടിനോട് ചേർന്ന സ്ഥലത്ത് ആടിനെ മേയ്ച്ചുകൊണ്ട് നിൽക്കുമ്പോൾ വീട്ടിലെ വളർത്തുനായ അസാധാരണമായി കരയുന്ന ശബ്ദം കേൾക്കുകയായിരുന്നു. ചെന്നു നോക്കിയപ്പോഴാണ് പുലി ആടിനെ കടിച്ചു പിടിച്ചു നിൽക്കുന്നത്‌ കണ്ടത്. ശ്രീധരനും മകളും ഇതുകണ്ട് ഒച്ചവച്ചപ്പോൾ പുലി ഓടിപ്പോയി. വനംവകുപ്പ് ഉദ്യോഗസ്ഥരും വെറ്ററിനറി ഡോക്ടറും സ്ഥലത്തെത്തി. പ്രദേശത്ത് മൂന്ന് കാമറകൾ സ്ഥാപിച്ചിട്ടുണ്ട്. തിങ്കളാഴ്ച കൂടുവയ്‌ക്കും. കാങ്കോൽ ആലപ്പടമ്പ് പഞ്ചായത്തിലെ വിവിധ സ്ഥലങ്ങളിൽ കഴിഞ്ഞ ദിവസങ്ങളിലായി പുലിയെ കണ്ടതായി വിവരമുണ്ട്‌.

കണ്ണൂർ : സംസ്ഥാനത്തെ മുഴുവൻ തദ്ദേശ റോഡ് പുനരുദ്ധാരണം ചര്‍ച്ച ചെയ്യാന്‍ മുഖ്യമന്ത്രി പിണറായി വിജയന്റെ അധ്യക്ഷതയില്‍ യോഗം ചേര്‍ന്നു.പൊതുമാനദണ്ഡം അനുസരിച്ച്‌ എം.എല്‍.എമാര്‍ നിര്‍ദേശിക്കുന്ന പ്രവൃത്തികള്‍ സര്‍ക്കാരില്‍ സമര്‍പ്പിക്കാന്‍ മുഖ്യമന്ത്രി നിര്‍ദേശിച്ചു. ധനകാര്യ വകുപ്പ് ഇവ മുന്‍ഗണനാ ക്രമത്തില്‍ ക്രമീകരിച്ച്‌ തദ്ദേശ സ്വയംഭരണ വകുപ്പിന് കൈമാറും. ഇതനുസരിച്ച്‌ തദ്ദേശ സ്വയംഭരണ വകുപ്പ് ഭരണാനുമതി പുറപ്പെടുവിക്കണം. പ്രധാന റോഡുകള്‍, സ്‌കൂള്‍, കോളേജ്, ആശുപത്രി, ടൂറിസം മേഖലകള്‍ മുതലായവയെ ബന്ധിപ്പിക്കുന്ന തദ്ദേശ റോഡുകള്‍, ജല്‍ജീവന്‍ മിഷന്‍ പ്രവൃത്തികളുടെ ഭാഗമായി കുഴിക്കേണ്ടി വന്നതും പൂര്‍വസ്ഥിതിയിലാക്കാന്‍ സാധിക്കാത്തതുമായ റോഡുകള്‍ എന്നിവയ്ക്ക് മുന്‍ഗണന നല്‍കും. നേരത്തെ നടപ്പിലാക്കിയ മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയുടെ മാര്‍ഗ്ഗരേഖ കാലികമായ മാറ്റങ്ങളോടെ പ്രയോജനപ്പെടുത്തും.

ഗുണനിലവാര പരിശോധനയ്ക്കായി അതാത് ജില്ലാ പഞ്ചായത്ത് എക്സിക്യൂട്ടീവ് എഞ്ചിനീയറുടെ നേത്യത്വത്തില്‍ ജില്ലാതല സാങ്കേതിക സമിതി രൂപീകരിക്കും. പ്രവൃത്തികള്‍ സംബന്ധിച്ച വിശദാംശങ്ങള്‍ എംഎല്‍എമാര്‍ നവംബര്‍ 30-നകം സമര്‍പ്പിക്കണം. പൊതുജനങ്ങളുടെ പരാതി പരിഹാരം, മന്ത്രിമാരുടെ നേതൃത്വത്തില്‍ താലൂക്ക്തല അദാലത്ത് നടത്താൻ മന്ത്രിസഭായോഗ തീരുമാനം. തെരഞ്ഞെടുക്കുന്ന റോഡുകളുടെ പേര്, നീളം, വീതി എന്നിവ തദ്ദേശ സ്വയംഭരണ സ്ഥാപനങ്ങളുടെ ആസ്തി പട്ടികയില്‍ ഉള്‍പ്പെട്ടവയാകണമെന്ന് എം.എല്‍.എമാര്‍ ഉറപ്പാക്കണം.

ജില്ലാ പഞ്ചായത്ത്/ബ്ലോക്ക് പഞ്ചായത്ത്/ഗ്രാമ പഞ്ചായത്ത്/ നഗരസഭ/കോര്‍പ്പറേഷന്‍ അറ്റകുറ്റപ്പണികള്‍ക്കോ പുനരുദ്ധാരണത്തിനോ ഫണ്ട് അനുവദിച്ച റോഡുകള്‍ പട്ടികയില്‍ ഉള്‍പ്പെടുന്നില്ലെന്ന് ഉറപ്പാക്കാണം. അറ്റകുറ്റപ്പണികള്‍, ഭാഗിക പ്രവൃത്തികള്‍ എന്നിവ അടുത്തകാലത്ത് നടപ്പിലാക്കിയ റോഡുകള്‍ പരിഗണിക്കുന്ന പക്ഷം ബാധ്യത കാലയളവില്‍ (ഡിഫക്‌ട് ലയബിലിറ്റി പിരിയഡ്) ഉള്‍പ്പെട്ടിട്ടില്ലെന്ന് ഉറപ്പാക്കണം. നടപടിക്രമങ്ങള്‍ പൂര്‍ത്തീകരിച്ച്‌ ഡിസംബര്‍ 20-നകം തദ്ദേശസ്വയംഭരണ വകുപ്പ് ഭരണാനുമതി പുറപ്പെടുവിക്കണം. പദ്ധതിയില്‍ ഉള്‍പ്പെട്ട മുഴുവന്‍ റോഡുകളുടെയും പുനരുദ്ധാരണ പ്രവൃത്തികള്‍ 2025 ഏപ്രിലില്‍ പൂര്‍ത്തീകരിക്കണമെന്ന് മുഖ്യമന്ത്രി നിര്‍ദേശിച്ചു.

എം.എല്‍.എമാരില്‍ നിന്ന് ലഭിച്ച നിര്‍ദേശങ്ങള്‍ ക്രോഡീകരിക്കുന്നത് മുതല്‍ പുനരുദ്ധാരണ പ്രവൃത്തികള്‍ പൂര്‍ത്തികരിക്കുന്നതുവരെയുള്ള ഓരോ ഘട്ടവും സൂക്ഷ്മമായി മോണിറ്ററിംഗ് നടത്തുന്നതിന് പോര്‍ട്ടല്‍ സജ്ജമാക്കും. നിശ്ചയിക്കപ്പെട്ട തീയതികളില്‍ പോര്‍ട്ടലിലെ വിവരങ്ങളുടെ അടിസ്ഥാനത്തില്‍ പുരോഗതി അവലോകനം ചെയ്യും. പ്രവൃത്തികള്‍ക്ക് കുറഞ്ഞ ബാധ്യത കാലയളവ് രണ്ട് വര്‍ഷമായി നിജപ്പെടുത്തും.