Connect with us

THALASSERRY

വൃദ്ധയെ കെട്ടിയിട്ട് കൊള്ള: മൂന്ന് മോഷ്ടാക്കൾക്ക് 27 വർഷം തടവ്

Published

on

Share our post

തലശ്ശേരി:തനിച്ചു താമസിക്കുന്ന വൃദ്ധയെ കെട്ടിയിട്ട് വീട് കൊള്ളയടിച്ച മൂന്ന് കവർച്ചക്കാർക്ക് തടവും പിഴയും. ജോസ്ഗിരി ആലക്കോട്ടെ ജോയി മകൻ സന്ദീപ്, തമിഴ് നാട് സേലം കടപ്പയൂരിലെ സഭാപതി, സേലം മേലൂരിലെ സെൽവരാജ്, എന്നിവരെയാണ് വിവിധ വകുപ്പുകളിൽ 27 വർഷത്തെ കഠിന തടവിനും പതിനായിരം രൂപ വീതം പിടയടക്കാനും തലശ്ശേരി പ്രിൻസിപ്പൽ സെഷൻസ് ജഡ്ജ് കെ.ടി.നിസാർ അഹമ്മദ് ശിക്ഷിച്ചത്.ചെറുപുഴ തിമിരി ബോംബെ മുക്കിലെ പനിയാരിക്കൽ ബ്രിജിത്ത (70) യാണ് പ്രതികളുടെ അതിക്രമത്തിനിരയായത്.

2014 ജൂലായ് 13 ന് രാത്രി ഏഴരയോടെയാണ് സംഭവം. വീടിനകത്തായിരുന്ന ബ്രിജിത്ത നായകൾ കുരയ്ക്കുന്നത് കേട്ട് വീട്ടിന്റെ മുകൾനിലയിൽ കയറി നോക്കുന്നതിനിടയിൽ പ്രതികളുടെ പിടിയിൽ പെടുകയായിരുന്നു. കൊല്ലുമെന്ന് ഭീഷണിപ്പെടുത്തി വൃദ്ധയെ കൈകാൽ കെട്ടി ആഭരണങ്ങൾ ബലമായി അഴിച്ചെടുത്തു. വീട്ടിനകത്ത് കയറി അലമാര തുറന്ന് അതിനുള്ളിൽ സൂക്ഷിച്ച ആഭരണങ്ങളും പണവും എടുത്തു ആകെ 30 പവൻ ആഭരണങ്ങളും 60,000 രൂപയുമടക്കംനഷ്ടപ്പെട്ടിരുന്നു.

പ്രതികൾ സ്ഥലം വിട്ടതിന് ശേഷം ഏതാണ്ട് പുലർച്ചെയോടെയാണ് ബ്രിജിത്തക്ക് രക്ഷപ്പെടാനായത്. ബഹളം കൂട്ടിയതിനെ തുടർന്ന് എത്തിയ പരിസരവാസികളാണ് പൊലീസിൽ വിവരം നൽകിയത്. ആകെയുള്ള അഞ്ച് പ്രതികളിൽ സാജ് പി.ജെയിംസ്, സിദ്ധ രാജ് എന്നിവരെ കുറ്റക്കാരല്ലെന്ന് കണ്ട് കോടതി വെറുതെ വിട്ടിരുന്നു. ആലക്കോട് സി.ഐയായിരുന്ന പി.കെ.സുധാകരനാണ് കേസന്വേഷിച്ച് കുറ്റപത്രം നൽകിയിരുന്നത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ കെ.അജിത്കുമാർ ഹാജരായി.


Share our post

THALASSERRY

നിരീക്ഷണ കാമറകളെത്തി; തലശ്ശേരി കടല്‍ത്തീരത്തെ മാലിന്യം തള്ളല്‍ നിലച്ചു

Published

on

Share our post

തലശ്ശേരി : നിരീക്ഷണ കാമറകള്‍ വന്നതോടെ തലശ്ശേരി കടല്‍ത്തീരത്തെ മാലിന്യം തള്ളലിന് അറുതിയായി. മാർച്ച്‌ 27നാണ് കടല്‍ത്തീരത്ത് അത്യാധുനിക നിരീക്ഷണ കാമറകള്‍ സ്ഥാപിച്ചത്. ഒരു ഓട്ടോമാറ്റിക് നമ്ബർ പ്ലേറ്റ് റീഡിങ്ങ് കാമറ ഉള്‍പ്പെടെ അഞ്ച് കാമറകളാണ് തലശ്ശേരി കടല്‍പ്പാലം മുതല്‍ മത്സ്യമാർക്കറ്റ് വരെയുള്ള പരിധിയില്‍ സ്ഥാപിച്ചത്. മാലിന്യം തളളുന്നവരെ കണ്ടെത്തി പിഴ ഉള്‍പ്പെടെ കർശന നടപടികള്‍ ചുമത്തുന്നതിന് നഗരസഭയാണ് കാമറകള്‍ സ്ഥാപിച്ചത്.കടല്‍പാലം പരിസരത്തെ പൊലീസ് എയ്ഡ് പോസ്റ്റിലാണ് കാമറയിലെ നിരീക്ഷണം നടക്കുന്നത്. വാഹനങ്ങളില്‍ കൊണ്ടുവന്നാണ് കാലങ്ങളായി കടല്‍ത്തീരത്ത് ആളുകള്‍ മാലിന്യം തളളിയിരുന്നത്. അറവുമാലിന്യങ്ങളും ആഴുകിയ പഴവർഗങ്ങളും ഹോട്ടല്‍ മാലിന്യങ്ങളുമടക്കം ഇവിടെ നിക്ഷേപിക്കുന്നത് പതിവായിരുന്നു. ഇക്കാരണത്താല്‍ കടല്‍ത്തീരത്ത് നായ ശല്യവും വ്യാപകമാണ്.കടല്‍ക്കരയില്‍ മാലിന്യം തള്ളുന്നത് പതിവായതോടെയാണ് നിരീക്ഷണ കാമറകള്‍ സ്ഥാപിക്കാൻ നഗരസഭ അധികൃതർ മുന്നോട്ടുവന്നത്. വ്യാപാരികളുടെ സഹകരണത്തോടെയാണ് കാമറകള്‍ സ്ഥാപിച്ചത്. കാമറയില്‍ കുടുങ്ങി പിടിവീഴുമെന്ന് തോന്നിയതോടെ മാലിന്യം തളളുന്നവർ പിറകോട്ടു വലിഞ്ഞു. തമിഴ് നാട്ടില്‍ നിന്നടക്കം മത്സ്യം കയറ്റിയെത്തുന്ന ലോറിയുള്‍പ്പെടെയുള്ള വാഹനങ്ങളില്‍ നിന്നുള്ള മലിന ജലം കടപ്പുറം റോഡില്‍ ഒഴുക്കിവിടുന്നതിനും നിരീക്ഷണ കാമറകള്‍ വന്നതോടെ പരിഹാരമായി. മത്സ്യം കയറ്റിപ്പോകുന്ന വാഹനങ്ങളില്‍ നിന്നുള്ള മലിനജലം പുറത്തേക്കൊഴുക്കുന്നതും ഇവിടെ പതിവായിരുന്നു. മലിനജലം കുത്തിയൊഴുകിയ റോഡുകള്‍ കഴിഞ്ഞ ദിവസം മുതല്‍ ക്ലീനാണ്. പൊലീസിന്റെ സഹായത്തോടെയാണ് കടല്‍തീരത്ത് മാലിന്യം തള്ളുന്നവർക്കെതിരെ നഗരസഭ നടപടി കർശനമാക്കിയത്. ഇക്കാര്യത്തില്‍ ഒരു വിട്ടുവീഴ്ചയും വേണ്ടെന്ന് നിയമസഭ സ്പീക്കർ എ.എൻ. ഷംസീർ പൊലീസിനും നിർദേശം നല്‍കിയിട്ടുണ്ട്.


Share our post
Continue Reading

THALASSERRY

പോക്സോ കേസിൽ മുങ്ങിയ പ്രതി പിടിയിൽ

Published

on

Share our post

ത​ല​ശ്ശേ​രി: പോ​ക്സോ കേ​സി​ലെ പ്ര​തി​യെ ത​മി​ഴ്നാ​ട്ടി​ലെ തി​രു​പ്പൂ​ർ ജി​ല്ല​യി​ലെ ധാ​രാ​പു​രം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നി​ന്ന് പി​ടി​കൂ​ടി. 2016 ൽ ​ത​ല​ശ്ശേ​രി സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ലെ പ്ര​തി ത​ല​ശ്ശേ​രി ഗോ​പാ​ല​പേ​ട്ട​യി​ലെ സ​ത്താ​റി​നെ​യാ​ണ് ത​ല​ശ്ശേ​രി പൊ​ലീ​സ് സ്റ്റേ​ഷ​നി​ലെ എ​ൽ.​പി വാ​റ​ന്റ് അ​ന്വേ​ഷി​ക്കു​ന്ന സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി. ​റി​ജി​ൽ, സി.​കെ. നി​ധി​ൻ എ​ന്നി​വ​രു​ടെ സ​മ​ർ​ഥ​മാ​യ അ​ന്വേ​ഷ​ണ​ത്തി​ലൂ​ടെ പി​ടി​കൂ​ടി​യ​ത്. കേ​സ് ര​ജി​സ്റ്റ​ർ ചെ​യ്ത​തി​ന് ശേ​ഷം പ്ര​തി​യെ പി​ടി​കൂ​ടാ​നാ​കാ​തെ അ​ബ്സ്കോ​ണ്ടി​ങ് ചാ​ർ​ജ് കൊ​ടു​ത്ത​തി​ന് ശേ​ഷം ഒ​മ്പ​ത് വ​ർ​ഷ​ത്തി​ല​ധി​ക​മാ​യി മു​ങ്ങി ന​ട​ക്കു​ക​യാ​യി​രു​ന്നു പ്ര​തി.പ്ര​തി​യു​ടെ ഒ​രു ഫോ​ട്ടോ പോ​ലും ല​ഭി​ച്ചി​രു​ന്നി​ല്ല. എ​ങ്ങ​നെ​യെ​ങ്കി​ലും പ്ര​തി​യെ ക​ണ്ടെ​ത്ത​ണ​മെ​ന്ന ഉ​റ​ച്ച തീ​രു​മാ​ന​ത്തി​ൽ നി​ര​ന്ത​ര​മാ​യ പ​രി​ശ്ര​മ​ത്തി​ന്റെ ഫ​ല​മാ​യി നൂ​റു​ക​ണ​ക്കി​ന് സ​ത്താ​റു​മാ​രെ ഐ.​സി.​ജെ.​എ​സി​ൽ പ​രി​ശോ​ധി​ച്ച​തി​ൽ​നി​ന്നാ​ണ് ഇ​തേ പേ​രി​ലു​ള്ള ഒ​രാ​ൾ കോ​യ​മ്പ​ത്തൂ​ർ ജ​യി​ലി​ൽ ത​ട​വു​കാ​ര​നാ​യി​രു​ന്ന വി​വ​രം ല​ഭി​ച്ച​ത്.കോ​യ​മ്പ​ത്തൂ​ർ ജ​യി​ലി​ൽ അ​ന്വേ​ഷി​ച്ച​തി​ൽ ത​മി​ഴ്നാ​ട്ടി​ലെ പൊ​ള്ളാ​ച്ചി സി​വി​ൽ സ​പ്ലൈ സി.​ഐ.​ഡി സ്റ്റേ​ഷ​നി​ലെ കേ​സി​ലാ​ണ് ഇ​യാ​ൾ ജ​യി​ലി​ൽ കി​ട​ന്ന​തെ​ന്ന് മ​ന​സ്സി​ലാ​യി. ജ​യി​ലി​ൽ നി​ന്നും പ്ര​തി​യു​ടെ ലോ​ക്ക​ൽ അ​ഡ്ര​സ് ശേ​ഖ​രി​ച്ച് അ​ന്വേ​ഷി​ച്ച​തി​ൽ പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ട്ടോ നാ​ട്ടി​ലെ വി​ശ്വ​സ്ഥ​രെ കാ​ണി​ച്ച് അ​ന്വേ​ഷ​ണം ന​ട​ത്തി​യ​പ്പോ​ൾ പ്ര​തി​യാ​യ സ​ത്താ​റാ​ണെ​ന്ന് വ്യ​ക്ത​മാ​യി. പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ൺ ന​മ്പ​റി​ന്റെ ലൊ​ക്കേ​ഷ​ൻ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​യാ​ൾ പി​ടി​യി​ലാ​യ​ത്. സി​വി​ൽ പൊ​ലീ​സ് ഓ​ഫി​സ​റാ​യ രോ​ഹി​ത്തും സം​ഘ​ത്തി​ലു​ണ്ടാ​യി​രു​ന്നു.


Share our post
Continue Reading

THALASSERRY

തലശ്ശേരിയിൽ കണ്ണവം സ്വദേശിയായ പൊലീസുകാരൻ ട്രെയിൻ തട്ടി മരിച്ചു

Published

on

Share our post

തലശ്ശേരി: പൊലീസുകാരൻ ട്രെയിൻ തട്ടി മരിച്ചു. പാനൂർ പൊലീസ് സ്റ്റേഷൻ സി.പി.ഒ കണ്ണവം സ്വദേശി മുഹമ്മദാണ് മരിച്ചത്. തലശ്ശേരി റെയിൽവേ സ്റ്റേഷന് സമീപം വന്ദേഭാരത് തട്ടിയാണ് മരണം. പൊലീസ് സ്ഥലത്തെത്തി മൃതദേഹം ആസ്പത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.


Share our post
Continue Reading

Trending

error: Content is protected !!