എ.ഐ ക്യാമറക്ക് മുന്നിലെ അഭ്യാസപ്രകടനം; മൂന്നുപേരുടെ ലൈസൻസ് സസ്പെൻഡ് ചെയ്തു

കണ്ണൂർ : എ.ഐ. ക്യാമറ പ്രവർത്തിക്കുന്നുണ്ടോയെന്ന് അറിയാൻ മോട്ടോർസൈക്കിളിന് മുകളിൽ അഭ്യാസപ്രകടനം നടത്തിയ വടകര സ്വദേശികളായ രണ്ട് മോട്ടോർസൈക്കിൾ യാത്രക്കാരുടെ ലൈസൻസ് സസ്പെൻഡ് ചെയ്തു. ചാലാട് സ്വദേശിയായ മറ്റൊരാൾ മൂന്നുപേരെയും കൊണ്ട് മുൻഭാഗത്തെ രജിസ്ട്രേഷൻ നമ്പർ ഒരുകൈകൊണ്ട് മറച്ചുപിടിച്ച് മോട്ടോർസൈക്കിൾ ഓടിച്ചതായി കണ്ടെത്തി. അദ്ദേഹത്തിൻ്റെ ലൈസൻസ് സസ്പെൻഡ് ചെയ്യാനും കൂടാതെ എടപ്പാളിലുള്ള ഐ.ഡി.ടി.ആറിൽ പരിശീലനത്തിനും അയച്ചു. ഇത്തരം അഭ്യാസപ്രകടനങ്ങളിൽ നിന്ന് യുവാക്കൾ വിട്ടുനിൽക്കണമെന്ന് എൻഫോഴ്സ്‌മെന്റ് ആർ.ടി.ഒ. സി. മുജീബ് അറിയിച്ചു.