ല​ഹ​രി​ക്ക​ടി​പ്പെ​ട്ട്​ അ​മ്മ​യെ​പ്പോ​ലും തി​രി​ച്ച​റി​യാ​താ​യ എ​ട്ടാം ക്ലാ​സു​കാ​ര​ൻ, ആ​രോ​ടും പ​റ​യാ​നാ​കാ​തെ​യും എ​ന്തു​ചെ​യ്യ​ണ​മെ​ന്ന​റി​യാ​തെ​യും നീ​റി​ക്ക​ഴി​യു​ന്ന അ​മ്മ. ഇ​വ​ർ​ക്കി​ട​യി​ലേ​ക്കാ​ണ്​ ആ​ശ്വാ​സ​മാ​യി പി​ങ്ക്​ ബീ​റ്റ്​ ഓ​ഫി​സ​ർ​മാ​ർ എ​ത്തി​യ​ത്.

ല​ഹ​രി വി​മോ​ച​ന കേ​ന്ദ്ര​ത്തി​ലെ​ത്തി​ച്ച്​ കൗ​ൺ​സ​ലി​ങ്ങും ചി​കി​ത്സ​യും ന​ൽ​കി​യ​തോ​ടെ അ​മ്മ​ക്ക്​ ആ ​മ​ക​നെ തി​രി​ച്ചു​കി​ട്ടി. പ​ഴ​യ ജീ​വി​ത​ത്തി​ലേ​ക്ക്​ മ​ട​ങ്ങി​യെ​ത്തി​യ​പ്പോ​ൾ അ​മ്മ​യും മ​ക​നും മാ​ത്ര​മ​ല്ല ഈ ​വ​നി​ത പൊ​ലീ​സ്​ ഉ​ദ്യോ​ഗ​സ്ഥ​രും ഏ​റെ സ​ന്തോ​ഷ​ത്തി​ലാ​ണ്.

ജ​ന​മൈ​ത്രി സ്ത്രീ​സു​ര​ക്ഷ പ​ദ്ധ​തി​യു​ടെ ഭാ​ഗ​മാ​യി നി​യോ​ഗി​ക്ക​പ്പെ​ട്ട പി​ങ്ക്​ ബീ​റ്റ്​ ഓ​ഫി​സ​ർ​മാ​രാ​യ മേ​ലു​കാ​വ്​ സ്​​റ്റേ​ഷ​നി​ലെ എ.​എ​സ്.​ഐ. ഉ​ഷ, ചി​ങ്ങ​വ​നം സ്​​റ്റേ​ഷ​നി​ലെ എ​സ്.​സി.​പി.​ഒ ഷൈ​ല​മ്മാ​ൾ, കോ​ട്ട​യം വ​നി​ത ​സ്​​റ്റേ​ഷ​നി​ലെ എ​സ്.​സി.​പി.​ഒ മി​നി​മോ​ൾ, വ​നി​ത സെ​ല്ലി​ലെ സി.​പി.​ഒ അ​മ്പി​ളി എ​ന്നി​വ​രാ​ണി​വ​ർ. സ്ത്രീ​ക​ൾ​ക്കും കു​ട്ടി​ക​ൾ​ക്കും​ ആ​ത്മ​വി​ശ്വാ​സം പ​ക​ർ​ന്നും മാ​ന​സി​ക പി​ന്തു​ണ ന​ൽ​കി​യും ബു​ള്ള​റ്റി​ൽ ര​ണ്ടു​വ​ർ​ഷ​ത്തി​ലേ​റെ​യാ​യി വീ​ടു​ക​ളി​ൽ ഇ​വ​രെ​ത്തു​ന്നു​ണ്ട്. പൊ​ലീ​സ്​ സ്​​റ്റേ​ഷ​നി​ലെ​ത്താ​ത്ത പ​രാ​തി​ക​ൾ കേ​ട്ട്​ പ​രി​ഹാ​രം ക​ണ്ടെ​ത്തു​ക​യും ആ​വ​ശ്യ​മെ​ങ്കി​ൽ കേ​സെ​ടു​പ്പി​ക്കു​ക​യു​മാ​ണ്​ ഇ​വ​ർ ചെ​യ്യു​ന്ന​ത്.

ല​ഹ​രി​ക്ക​ടി​പ്പെ​ട്ട നി​ര​വ​ധി കു​ട്ടി​ക​ളെ ഇ​വ​ർ​ക്കു തി​രി​ച്ചു​പി​ടി​ക്കാ​നാ​യി. ഉ​പ​ദേ​ശ​ങ്ങ​ൾ​ക്ക​പ്പു​റം, അ​വ​ർ​ക്കൊ​പ്പ​വും ആ​ളു​​ണ്ടെ​ന്ന്​ തോ​ന്നി​പ്പി​ക്കു​ക​യാ​ണ്​ ത​ങ്ങ​ൾ ചെ​യ്യു​ന്ന​തെ​ന്ന്​ ഓ​ഫി​സ​ർ​മാ​ർ പ​റ​യു​ന്നു. യൂ​നി​ഫോ​മി​ലാ​ണെ​ങ്കി​ലും സ്ത്രീ​ക​ളാ​യ​തി​നാ​ൽ മ​ടി​യി​ല്ലാ​തെ പ​രാ​തി പ​റ​യാ​നും അ​തു മ​ന​സ്സി​ലാ​ക്കാ​നും ഇ​രു​കൂ​ട്ട​ർ​ക്കും ക​ഴി​യും. മി​ക്ക​വാ​റും വി​ഷ​യ​ങ്ങ​ളി​ൽ ബോ​ധ​വ​ത്​​ക​ര​ണം കൊ​ണ്ടും താ​ക്കീ​തു​കൊ​ണ്ടും പ്ര​ശ്​​നം തീ​രും. അ​ല്ലാ​ത്തി​ട​ങ്ങ​ളി​ലാ​ണ്​ കേ​​സെ​ടു​ക്കേ​ണ്ടി വ​രു​ന്ന​ത്. ദി​വ​സം 12 വീ​ടു​ക​ൾ സ​ന്ദ​ർ​ശി​ക്കും. അ​യ​ൽ​ക്കാ​ർ, പ​ഞ്ചാ​യ​ത്ത് അം​ഗ​ങ്ങ​ൾ, സ​ന്ന​ദ്ധ പ്ര​വ​ർ​ത്ത​ക​ർ എ​ന്നി​വ​രു​മാ​യി സം​സാ​രി​ച്ചും വീ​ടു​ക​ളി​ലെ വി​വ​ര​ങ്ങ​ൾ ശേ​ഖ​രി​ക്കും. സ്കൂ​ളു​ക​ളി​ൽ ല​ഹ​രി​വി​രു​ദ്ധ ക്ലാ​സു​ക​ളെ​ടു​ക്കു​ക​യും കു​ട്ടി​ക​ൾ​ക്ക്​ കൗ​ൺ​സ​ലി​ങ്​ ന​ൽ​കു​ക​യും ചെ​യ്യു​ന്നു​ണ്ട്. പി​ങ്ക്​ ബീ​റ്റ്​ ഓ​ഫി​സ​ർ​മാ​ർ​ക്ക്​ കി​ട്ടു​ന്ന പ​രാ​തി​ക​ൾ വ​നി​ത പൊ​ലീ​സ് സ്​​റ്റേ​ഷ​നി​ലേ​ക്കും വ​നി​ത സെ​ല്ലി​ലേ​ക്കും കൈ​മാ​റും. നാ​ല്​ ഓ​ഫി​സ​ർ​മാ​രാ​ണ്​ ജി​ല്ല​യി​ലു​ള്ള​ത്.

ഇ​വ​ർ​ക്കാ​യി ര​ണ്ട്​ ബു​ള്ള​റ്റും അ​നു​വ​ദി​ച്ചി​ട്ടു​ണ്ട്. നാ​ർ​കോ​ട്ടി​ക്​ ഡി​വൈ.​എ​സ്.​പി സി. ​ജോ​ണി​നു കീ​ഴി​ലാ​ണ്​ പ്ര​വ​ർ​ത്ത​നം. അ​ഡീ​ഷ​ന​ൽ എ​സ്.​പി ബി. ​സു​ഗ​ത​ൻ പ​ദ്ധ​തി​യു​ടെ നോ​ഡ​ൽ ഓ​ഫി​സ​റും നാ​ർ​കോ​ട്ടി​ക്​ സെ​ല്ലി​ലെ ജ​ന​മൈ​ത്രി എ​സ്.​ഐ മാ​ത്യു പോ​ൾ അ​സി. നോ​ഡ​ൽ ഓ​ഫി​സ​റു​മാ​ണ്. പി​ങ്ക്​ ബീ​റ്റ്​ ഓ​ഫി​സ​ർ​മാ​രു​​ടെ വീ​ട്​ സ​ന്ദ​ർ​ശ​ന​ത്തി​​ന്‍റെ ഭാ​ഗ​മാ​യി മൂ​ന്ന് ഗാ​ർ​ഹി​ക പീ​ഡ​ന​ക്കേ​സും ര​ണ്ട് പോ​ക്സോ കേ​സും ഒ​രു സൈ​ബ​ർ കേ​സും എ​ടു​ക്കാ​നാ​യി. സ്ത്രീ​ക​ൾ​ക്കും കു​ട്ടി​ക​ൾ​ക്കും അ​വ​രു​ടെ പ്ര​ശ്ന​ങ്ങ​ൾ പ​റ​യാ​നും മാ​ന​സി​ക പി​ന്തു​ണ ന​ൽ​കാ​നും പി​ങ്ക് ബീ​റ്റ് ഓ​ഫി​സ​ർ​ക്ക്​ ക​ഴി​യു​ന്നു​​ണ്ടെ​ന്ന്​ അ​സി. നോ​ഡ​ൽ ഓ​ഫി​സ​ർ മാ​ത്യു പോ​ൾ പ​റ​ഞ്ഞു.