വിദ്യാഭ്യാസ വകുപ്പിൽ ഗ്രാജ്വേറ്റ് ട്രെയിൻഡ് ടീച്ചർ: 380 ഒഴിവുകൾ

അന്തമാൻ ആൻഡ് നികോബാറിലെ വിദ്യാഭ്യാസ വകുപ്പിൽ ഗ്രാജ്വേറ്റ് ട്രെയിൻഡ് ടീച്ചർ തസ്‌തികയിലേക്ക് ഇപ്പോൾ അപേക്ഷിക്കാം. വിവിധ വിഷയങ്ങളിലായി ആകെ 380 ഒഴിവുകളാണ് ഉള്ളത്. ജനറൽ 205 ഒഴിവുകൾ ഉണ്ട്. 44,900 രൂപ മുതൽ 1,42,400 രൂപ വരെയാണ് ശമ്പളം.

ഹിന്ദി അധ്യാപകർ 40 ഒഴിവുകൾ. ഇംഗ്ലീഷ് അധ്യാപകർ 45 ഒഴിവുകൾ. ബംഗാളി അധ്യാപകർ മൂന്ന് ഒഴിവുകൾ. സംസ്കൃതം അധ്യാപകർ ഒഴിവുകൾ. സോഷ്യൽ സയൻസ് (ബംഗാളി മീഡിയം) അധ്യാപകർ ആറ് ഒഴിവുകൾ.

സോഷ്യൽ സയൻസ് (ഹിന്ദി/ഇംഗ്ലീഷ് മീഡിയം) അധ്യാപകർ 93 ഒഴിവുകൾ. മാത്തമാറ്റിക്സ് (ബംഗാളി) അധ്യാപകർ ആറ് ഒഴിവുകൾ. മാത്തമാറ്റിക്സ് (ഹിന്ദി / ഇംഗ്ലീഷ്) അധ്യാപകർ 61 ഒഴിവുകൾ. ലൈഫ് സയൻസ് (ബംഗാളി) അധ്യാപകർ ഏഴ് ഒഴിവുകൾ.

ലൈഫ് സയൻസ് (ഹിന്ദി / ഇംഗ്ലീഷ്) അധ്യാപകർ 45 ഒഴിവുകൾ. ഫിസിക്കൽ സയൻസ് (ബംഗാളി) അധ്യാപകർ ഒൻപത് ഒഴിവുകൾ. ഫിസിക്കൽ സയൻസ് (ഹിന്ദി / ഇംഗ്ലീഷ്) അധ്യാപകർ 59 ഒഴിവുകൾ.

ഭിന്നശേഷിക്കാർക്ക് 15 ഒഴിവുകളിൽ നിയമനം ലഭിക്കും. ബന്ധപ്പെട്ട വിഷയത്തിൽ 50 ശതമാനം മാർക്കിൽ കുറയാതെ ബി.എ, ബി.എഡ് / ബി.എസ്‌.സി ബി.എഡ് അല്ലെങ്കിൽ 50 ശതമാനം മാർക്കോടെ ബിരുദം അല്ലെങ്കിൽ 45 ശതമാനം മാർക്കോടെ ബിരുദവും ബി.എഡും അല്ലെങ്കിൽ 55 ശതമാനം മാർക്കോടെ പോസ്റ്റ് ഗ്രാജ്വേറ്റ് ബിരുദം / ത്രിവത്സര ഇന്റഗ്രേറ്റഡ് ബി.എഡ്, എം.എഡ്. ഉയർന്ന പ്രായപരിധി 30 വയസ്.

അപേക്ഷ edurec.andaman.gov.in ൽ നിന്ന് ഡൗൺലോഡ് ചെയ്യാം. ഓൺലൈനായി ഡിസംബർ 30 വരെ അപേക്ഷ സമർപ്പിക്കാം.