ഇരിട്ടി മർച്ചന്റ് ബാങ്ക് തിരഞ്ഞെടുപ്പ് ഞായറാഴ്ച; വ്യാപാരികൾ ചേരിതിരിഞ്ഞ് മത്സരത്തിന്

ഇരിട്ടി : ഇരിട്ടി മർച്ചന്റ് വെൽഫെയർ കോ ഓപ്പറേറ്റീവ് സൊസൈറ്റി തിരഞ്ഞെടുപ്പിൽ വ്യാപാരികൾ ചേരിതിരിഞ്ഞ് മത്സരത്തിന്. ഇരിട്ടി മർച്ചന്റ് അസോസിയേഷൻ പ്രസിഡന്റ് നേതൃത്വംനൽകുന്ന പാനലിനെതിരേയാണ് ബാങ്കിന്റെ സ്ഥാപക പ്രസിഡന്റ് എൻ. കുഞ്ഞിമുസ ഹാജിയുടെ നേതൃത്വത്തിലുള്ള പാനൽ മത്സരരംഗത്തിറങ്ങിയത്.

ഞായറാഴ്ച കീഴൂർ വി.യു.പി. സ്കൂളിലാണ് തിരഞ്ഞെടുപ്പ്. വ്യാപാരി വ്യവസായി ഏകോപന സമിതി ജില്ലാ കമ്മിറ്റി ഇടപെട്ട് അനുരജ്ഞന ചർച്ചകൾ നടത്തിയിരുന്നെങ്കിലും ഇരുവിഭാഗവും വിട്ടുവീഴ്ചക്ക് തയ്യാറാകാത്തതിനെ തുടർന്നാണ് തിരഞ്ഞെടുപ്പിലേക്ക് നീങ്ങിയത്. മർച്ചന്റ്‌ അസോസിയേഷൻ വിഭാഗത്തിൽ അബ്ദുൾ നാസർ തിട്ടയിൽ, അൻവർ സാദത്ത്, ജോസഫ് വർഗീസ്, മുഹമ്മദലി, സുരേഷ് ബാബു അക്ഷയ (ജനറൽ വിഭാഗം) ജിജിമോൾ, മിനി ഷാജി, ലിസ്സി ഡോമനിക്ക് (വനിതാ സംവരണം), ചന്ദ്രമോഹൻ, ബിജു നിർമല (നിക്ഷേപ സംവരണം) എന്നിവരും എതിർ പാനലിൽ എൻ. കുഞ്ഞിമൂസ ഹാജി, തറാൽ ഈസ, എൻ.കെ. സജിൻ, ഹാഷിം കല്യാൺ, എ. റഫീക്ക് (ജനറൽ വിഭാഗം), അജിത ഷാജി, മോളി ബാബു, രാധ മോഹൻദാസ് (വനിതാ സംവരണം) പ്രതാപൻ, റഫീക്ക്, ഗ്രീഷ്മ (നിക്ഷേപ സംവരണം) എന്നിവരാണ് മത്സരരംഗത്തുള്ളത്. എതിരില്ലാതെ സംവരണവിഭാഗത്തിൽ തിരഞ്ഞെടുക്കപ്പെട്ട സി.പി. ദിലീപന്റെ പിൻതുണ ഇരുവിഭാഗവും അവകാശപ്പെടുന്നുണ്ട്.