കുന്നത്തൂര്‍പാടി തിരുവപ്പന ഉത്സവം ഡിസംബർ 18 മുതല്‍
പയ്യാവൂര്‍ : കുന്നത്തൂര്‍പാടി ദേവസ്ഥാനത്ത് തിരുവപ്പന മഹോത്സവം ഡിസംബർ 18 മുതല്‍ ജനുവരി 16 വരെ നടക്കും. എല്ലാ ദിവസവും വൈകുന്നേരം നാലിന് പൈങ്കുറ്റി ഊട്ടും വെള്ളാട്ടം. രാത്രി ഒൻപതിന് തിരുവപ്പന.
തിരുവപ്പനക്ക് ശേഷം മുത്തപ്പൻ ആവശ്യപ്പെടുന്ന ദിവസങ്ങളില്‍ മൂലം പെറ്റ ഭഗവതി തുടര്‍ന്ന് വെള്ളാട്ടം. ഉത്സവ ദിനങ്ങളില്‍ ഭക്തജനങ്ങള്‍ക്ക് ഇരുപത്തിനാല് മണിക്കൂറും ദര്‍ശനത്തിനും വഴിപാട് നടത്തുന്നതിനും സൗകര്യമുണ്ട്. കൂടാതെ താഴെ മടപ്പുരക്ക് സമീപത്തെ ഊട്ടുപുരയില്‍ ഉച്ചക്ക് 12 മുതലും വൈകുന്നേരം ഏഴ് മുതലും അന്നദാനവും ഉണ്ടായിരിക്കുമെന്ന് ഭാരവാഹികള്‍ അറിയിച്ചു.
