ഇ​രി​ട്ടി: പ​ഴ​ശ്ശി പ​ദ്ധ​തി​യു​ടെ ഐ.​ബി ഓ​ഫി​സ് കാ​ടുമൂ​ടി ന​ശി​ക്കു​ന്നു.പ​ദ്ധ​തി​യു​ടെ പ്ര​താ​പ​കാ​ല​ത്ത് ഒ​ട്ടേ​റെ വി.​ഐ.​പി​ക​ളും വി.​വി.​ഐ.​പി​ക​ളും ഉ​ണ്ടും ഉ​റ​ങ്ങി​യും ക​ഴി​ഞ്ഞ ബം​ഗ്ലാ​വ് കെ​ട്ടി​ട​മാ​ണ് കാ​ട്ടി​നു​ള്ളി​ൽ ന​ശി​ക്കു​ന്ന​ത്.ഐ.​ബി കെ​ട്ടി​ടം കാ​ലപ്പ​ഴ​ക്ക​ത്താ​ൽ ഉ​പ​യോ​ശൂ​ന്യ​മാ​യി.

ഐ.​ബി​യോ​ട് അ​നു​ബ​ന്ധി​ച്ചു​ള്ള പൂ​ന്തോ​ട്ടം വ​ർ​ഷ​ങ്ങ​ൾ​ക്ക് മു​മ്പ് ത​ന്നെ ന​ശി​ച്ചി​രു​ന്നു. 2012 ലെ ​വെ​ള്ള​പൊ​ക്ക​ത്തി​ൽ പ​ദ്ധ​തി​യു​ടെ ഇ​രു​ക​ര​ക​ളി​ലും ഉ​ണ്ടാ​യി​രു​ന്ന പൂ​ന്തോ​ട്ടം പ​ദ്ധ​തി​യി​ൽ നി​ന്നും വെ​ള്ളം ക​വി​ഞ്ഞൊ​ഴു​കി ന​ശി​ച്ചി​രു​ന്നു.

പ​ദ്ധ​തി​യോ​ട് ചേ​ർ​ന്ന് ഉ​ല്ലാ​സ കേ​ന്ദ്രം സ്ഥാ​പി​ക്കു​ന്ന​തി​ന് ഡാം ​സു​ര​ക്ഷാ അ​തോ​റി​റ്റി​യു​ടെ അ​നു​മ​തി ഇ​ല്ലാ​ത്ത​തി​നാ​ൽ പൂ​ന്തോ​ട്ടം ന​വീ​ക​രി​ക്കാ​ൻ ക​ഴി​ഞ്ഞി​ല്ല. ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ലി​ന്റെ നി​യ​ന്ത്ര​ണ​ത്തി​ലാ​യി​രു​ന്ന ഉ​ധ്യാ​ന​കേ​ന്ദ്രം ഇ​തോ​ടെ കാ​ട്ടി​നു​ള്ളി​ലാ​യി.

ഐ.​ബി പ​രി​സ​ര​ത്തോ​ട് ചേ​ർ​ന്നു​ള്ള പൂ​ന്തോ​ട്ടം ഡാം ​പ​രി​സ​ര​ത്തു​നി​ന്നും ഏ​റെ മാ​റി​യാ​ണ് ഉ​ണ്ടാ​യി​രു​ന്ന​തെ​ങ്കി​ലും അ​വ സം​ര​ക്ഷി​ക്കാ​നും ഡി.​ടി.​പി.​സി ത​യാ​റാ​യി​ല്ല. പൂ​ന്തോ​ട്ടം ഇ​ല്ലാ​താ​യ​തോ​ടെ ആ​ളും അ​ന​ക്ക​വും ഇ​ല്ലാ​താ​യി. ഐ.​ബി​യു​ടെ ചു​മ​ത​ല​യു​ണ്ടാ​യി​രു​ന്ന ജീ​വ​ന​ക്കാ​ര​ൻ വി​ര​മി​ച്ച​തോ​ടെ പു​തി​യ നി​യ​മ​ന​വും ഉ​ണ്ടാ​യി​ല്ല. റോ​ഡും ത​ട​യ​പ്പെ​ട്ട​തോ​ടെ കെ​ട്ടി​ടം പൂ​ർ​ണ​മാ​യും അ​വ​ഗ​ണി​ക്ക​പ്പെ​ട്ടു.