20 കോടി ഒന്നാം സമ്മാനവുമായി ക്രിസ്മസ്-ന്യൂ ഇയർ ബമ്പർ; വില 400 രൂപ
20 കോടി ഒന്നാം സമ്മാനവുമായി എത്തുന്ന ക്രിസ്മസ്-ന്യൂ ഇയർ ബമ്പർ വിൽപ്പന ആരംഭിച്ചു. കഴിഞ്ഞ ദിവസം മുതൽ ബമ്പർ ടിക്കറ്റുകൾ ലോട്ടറി ഷോപ്പുകളിലും ഏജൻസികളിലും എത്തിക്കഴിഞ്ഞു. പത്ത് സീരീസുകളിലാണ് ബമ്പർ പുറത്തിറക്കിയത്. 400 രൂപയാണ് ഒരു ടിക്കറ്റിന്റെ വില.
2024 ജനുവരി 24ന് നറുക്കെടുപ്പ് നടക്കും. കഴിഞ്ഞ വർഷം 16 കോടി ആയിരുന്നു ബമ്പറിന്റെ ഒന്നാം സമ്മാനം. അതിന് മുൻപ് 12 കോടി ആയിരുന്നു.
ആറ് ലക്ഷത്തി തൊണ്ണൂറ്റൊന്നായിരത്തി മുന്നൂറ് സമ്മാനങ്ങളാണ് ഇത്തവണ ഉള്ളത്. ഈ വർഷത്തെ ക്രിസ്മസ് ബമ്പറിന്റെ ഒരു ഹൈലൈറ്റ് രണ്ടാം സമ്മാനമാണ്. ഒന്നാം സമ്മാനത്തെ പോലെ 20 കോടിയാണ് രണ്ടാം സമ്മാനവും. പക്ഷേ ഒരാൾക്ക് ഒരു കോടി വച്ച് ഇരുപത് പേർക്ക് എന്നതാണ് പ്രത്യേകത.
30 പേര്‍ക്ക് പത്ത് ലക്ഷം രൂപ വീതം നല്‍കുന്ന മൂന്നാം സമ്മാനം (ആകെ മൂന്നു കോടി – ഓരോ സീരീസുകളിലും മൂന്ന് സമ്മാനം). 20 പേര്‍ക്ക് 3 ലക്ഷം രൂപ വീതം നല്‍കുന്ന നാലാം സമ്മാനം (ആകെ അറുപത് ലക്ഷം – ഓരോ സീരീസുകളിലും രണ്ട് സമ്മാനം). 20 പേര്‍ക്ക് രണ്ട് ലക്ഷം രൂപ വീതം നല്‍കുന്ന അഞ്ചാം സമ്മാനം. കൂടാതെ മറ്റനവധി സമ്മാനങ്ങളും ഭാഗ്യശാലികളെ കാത്തിരിക്കുന്നുണ്ട്.
