ക​ണ്ണൂ​ർ: ന​ഗ​ര​ത്തി​ൽ സ്വ​കാ​ര്യ ബാ​ങ്ക് ഉ​ദ്യോ​ഗ​സ്ഥ​നെ പ​ട്ടാ​പ്പ​ക​ൽ ഹ​ണി​ട്രാ​പ്പി​ൽ​പെ​ടു​ത്തി പ​ണ​വും കം​പ്യൂ​ട്ട​ർ അ​നു​ബ​ന്ധ സാ​മ​ഗ്രി​ക​ളും കൊ​ള്ള​യ​ടി​ച്ചു. തെ​ക്കീ​ബ​സാ​ർ മ​ക്കാ​നി​ക്ക​ടു​ത്ത വാ​ട​ക ക്വാ​ർ​ട്ടേ​ഴ്സി​ൽ ബാ​ങ്ക് അ​ക്കൗ​ണ്ട് ചേ​ർ​ക്കാ​നെ​ത്തി​യ ഉ​ദ്യോ​ഗ​സ്ഥ​ന്‍റെ അ​ര​ല​ക്ഷം രൂ​പ​യും അ​ക്കൗ​ണ്ട് ഓ​പ്പ​ണിം​ഗ് ടാ​ബ്, ബ​യോ​മെ​ട്രി​ക് സ്കാ​ന​ർ എ​ന്നി​വ​യാ​ണു ത​ട്ടി​യെ​ടു​ത്ത​ത്.

ക്വാ​ർ​ട്ടേ​ഴ്സി​ലെ താ​മ​സ​ക്കാ​രാ​യ ശ്യാം​സു​ന്ദ​ർ, ഇ​യാ​ളു​ടെ ഭാ​ര്യ​യെ​ന്നു പ​റ​യ​പ്പെ​ടു​ന്ന നി​ജി​ഷ എ​ന്ന യു​വ​തി, സ​ഹാ​യി​യാ​യ മ​റ്റൊ​രാ​ൾ എ​ന്നി​വ​ർ ചേ​ർ​ന്നാ​ണു ത​ട്ടി​പ്പ് ന​ട​ത്തി​യ​ത്. ഇ​സാ​ഫ് ബാ​ങ്കി​ന്‍റെ ക​ണ്ണൂ​ർ ശാ​ഖ​യി​ലെ ഡ​വ​ല​പ്പ്മെ​ന്‍റ് ഓ​ഫീ​സ​റാ​യ വ​ട​ക​ര മു​യി​പ്പോ​ത്ത് സ്വ​ദേ​ശി സി.​വി. ബെ​ഞ്ച​മി​ൻ കാ​സ്ട്രോ​യാ​ണ് (30) ഹ​ണി​ട്രാ​പ്പി​ന് ഇ​ര​യാ​യ​ത്.

ഇ​ന്ന​ലെ രാ​വി​ലെ 11 ഓ​ടെ​യാ​യി​രു​ന്നു സം​ഭ​വം. ഇ​സാ​ഫ് ബാ​ങ്കി​ൽ ഒ​രു അ​ക്കൗ​ണ്ട് തു​റ​ക്കാ​ൻ താ​ത്പ​ര്യ​മു​ണ്ടെ​ന്നും ബാ​ങ്കി​ൽ വ​രാ​ൻ ക​ഴി​യാ​ത്ത സാ​ഹ​ച​ര്യ​മാ​ണെ​ന്നും ഫോ​ണി​ൽ ഇ​വ​ർ ബെ​ഞ്ച​മി​നെ അ​റി​യി​ക്കു​ക​യാ​യി​രു​ന്നു. അ​ക്കൗ​ണ്ട് തു​റ​ക്കാ​ൻ ആ​വ​ശ്യ​മാ​യ ടാ​ബും സ്കാ​ന​റും എ​ടു​ത്ത് 11 ഓ​ടെ മ​ക്കാ​നി​ക്ക​ടു​ത്ത ക്വാ​ർ​ട്ടേ​ഴ്സി​ലെ​ത്തി​യ ബെ​ഞ്ച​മി​നെ വൈ​കു​ന്നേ​രം അ​ഞ്ചു​വ​രെ അ​വി​ടെ ത​ട​ങ്ക​ലി​ൽ ആ​ക്കി​യാ​ണ് ഇ​വ​ർ പ​ണം ഉ​ൾ​പ്പെ​ടെ അ​പ​ഹ​രി​ച്ച​ത്.

ഭീ​ഷ​ണി​പ്പെ​ടു​ത്തി യു​വ​തി​ക്കൊ​പ്പം നി​ർ​ത്തി ന​ഗ്ന​ഫോ​ട്ടോ എ​ടു​പ്പി​ച്ച് ബ്ലാ​ക്ക് മെ​യി​ൽ ചെ​യ്യു​ക​യാ​യി​രു​ന്നു. കൈ​യി​ലു​ണ്ടാ​യി​രു​ന്ന പ​ണ​ത്തി​നു പു​റ​മെ 20,000 രൂ​പ ഗൂ​ഗി​ൾ​പേ ചെ​യ്യി​പ്പി​ക്കു​ക​യും ചെ​യ്തു.

സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ന​ഗ്ന​ദൃ​ശ്യം പ്ര​ച​രി​പ്പി​ക്കാ​തി​രി​ക്കാ​ൻ കൂ​ടു​ത​ൽ പ​ണം ആ​വ​ശ്യ​പ്പെ​ട്ടെ​ങ്കി​ലും അ​ക്കൗ​ണ്ടി​ൽ വേ​റെ പ​ണ​മി​ല്ലെ​ന്ന് ഉ​റ​പ്പാ​ക്കി​യ​ശേ​ഷ​മാ​ണ് ഇ​യാ​ളെ വി​ട്ട​യ​ച്ച​ത്. ടൗ​ൺ പോ​ലീ​സ് സ്റ്റേ​ഷ​നി​ലെ​ത്തി യു​വാ​വ് പ​രാ​തി ന​ൽ​കി​യ​തി​നെത്തുട​ർ​ന്ന് രാ​ത്രി​യോ​ടെ​യാ​ണ് പോ​ലീ​സ് അ​ന്വേ​ഷ​ണം ആ​രം​ഭി​ച്ച​ത്.