ഇരിട്ടിയിലെ ജ്വല്ലറിയിൽ നിന്ന് സ്വർണമാല മോഷ്ടിച്ച സംഘത്തിലെ ഒരാൾ അറസ്റ്റിൽ
ഇരിട്ടി: തലശേരി റോഡിലെ വിവ ജ്വല്ലറിയിൽ നിന്ന് സ്വർണമാല മോഷ്ടിച്ചു കടന്നു കളഞ്ഞ രണ്ടംഗ സംഘത്തിലെ ഒരാളെ പോലീസ് അറസ്റ്റ് ചെയ്തു.ഇരിട്ടി സി.ഐ ബിനോയിയും സംഘവും ചേർന്ന് കൃഷ്ണഗിരിയിൽ നിന്നാണ് ഒരാളെ പിടികൂടിയത്.
കൂട്ടുപ്രതിയും ഉടൻ പിടിയിലാവും.കഴിഞ്ഞ ബുധനാഴ്ച വൈകിട്ട് നാലരയോടെയാണ് സംഭവം.വെള്ളി മോതിരം വാങ്ങാനെത്തിയ ഇരുവരും 600 രൂപയുടെ മോതിരം വാങ്ങി പണം നല്കിയ ശേഷം ഉടമയുടെ കണ്ണ് വെട്ടിച്ച് സ്വർണമാല മോഷ്ടിച്ച് കടന്നു കളയുകയായിരുന്നു.
