നവംബര്‍ 18,19 തീയതികളിൽ സംസ്ഥാനത്ത് എട്ട് ട്രെയിനുകള്‍ പൂര്‍ണമായി റദ്ദാക്കി
നവംബര്‍ 18, 19 തീയതികളില്‍ കേരളത്തില്‍ എട്ട് ട്രെയിനുകള്‍ പൂര്‍ണമായി റദ്ദാക്കിയെന്ന് ദക്ഷിണ റെയില്‍വേ അറിയിച്ചു. ഇരിങ്ങാലക്കുട-പുതുക്കാട് സെക്ഷനില്‍ പാലം പണി നടക്കുന്നതിനാലാണ് ഈ ദിവസങ്ങളില്‍ ട്രെയിനുകള്‍ റദ്ദാക്കിയത്. യാത്രക്കാര്‍ നേരിടുന്ന അസൗകര്യത്തില്‍ ഖേദിക്കുന്നതായും റെയില്‍വേ അറിയിച്ചു.
മംഗലാപുരം – തിരുവനന്തപുരം മാവേലി എക്‌സ്പ്രസ് (16603), എറണാകുളം – ഷൊറണൂര്‍ മെമു എക്‌സ്പ്രസ് (06018), എറണാകുളം – ഗുരുവായൂര്‍ എക്‌സ്പ്രസ് (06448) ട്രെയിനുകൾ ശനിയാഴ്ച പൂര്‍ണമായി റദ്ദാക്കി.
തിരുവനന്തപുരം – മംഗലാപുരം മാവേലി എക്‌സ്പ്രസ് (16604), ഷൊറണൂര്‍ – എറണാകുളം മെമു എക്‌സ്പ്രസ് (06017), ഗുരുവായൂര്‍ – എറണാകുളം എക്‌സ്പ്രസ് (06449), എറണാകുളം – കോട്ടയം (06453), കോട്ടയം – എറണാകുളം (06434) ട്രെയിനുകൾ ഞായറാഴ്ച പൂര്‍ണമായി റദ്ദാക്കി.
