PERAVOOR

‘തെറ്റുവഴി’യിൽ തെറ്റുവരുത്തരുത്

Published

1 year ago

November 9, 2023

NH newsdesk

Share our post

പേരാവൂർ : തെറ്റുവഴി-മണത്തണ റോഡ് മുഴുവനായും പുനർ നിർമിക്കണമെന്ന് ആവശ്യമുയർന്നിട്ടും നടപടിയില്ല. നിടുംപൊയിൽ ഭാഗത്തു നിന്ന്‌ വരുന്ന വാഹനങ്ങങ്ങൾക്ക് പേരാവൂർ ടൗൺ ഒഴിവാക്കി കൊട്ടിയൂരിലേക്ക് എളുപ്പത്തിലെത്താവുന്ന വഴിയാണിത്.

തെറ്റുവഴിയിൽ നിന്ന് മണത്തണ ടൗണിലേക്ക് ആകെ അഞ്ച് കിലോമീറ്റർ ദൂരമാണുള്ളത്. ഇതിൽ തെറ്റുവഴിയിൽ നിന്ന് തൊണ്ടിയിൽ ടൗണിലെ പള്ളിക്ക് മുൻവശം വരെ രണ്ടര കിലോമീറ്റർ റോഡാണ് നവീകരിക്കുന്നത്. ബാക്കി രണ്ടര കിലോമീറ്ററിന്റെ കാര്യത്തിൽ ഇനിയും വ്യക്തതയായിട്ടില്ല.

പേരാവൂർ ഭാഗത്തു നിന്നുള്ള ബസുകൾ ഏറ്റവുമധികം സർവീസ് നടത്തുന്ന ഭാഗം ഒഴിവാക്കിയാണ് നിലവിൽ റോഡ് നവീകരണം. പേരാവൂർ-കൊളക്കാട്, പേരാവൂർ-മണത്തണ-കൊട്ടിയൂർ റൂട്ടിൽ നിരവധി ബസുകൾ സർവീസ് നടത്തുന്നുണ്ട്. റോഡ്‌ തകർന്നിട്ട്‌ നിരവധി വർഷങ്ങളായി. നാട്ടുകാരും യാത്രക്കാരും നിരന്തരമായി ആവശ്യപ്പെട്ടതിനാലാണ് നവീകരിക്കാൻ തീരുമാനമായത്. എന്നാൽ, റോഡ് പകുതിമാത്രം നവീകരിച്ചാൽ ഗുണം ലഭിക്കില്ലെന്നാണ് നാട്ടുകാർ പറയുന്നത്.

തെറ്റുവഴിയിൽ നിന്ന് തൊണ്ടിയിലേക്ക് വരുന്ന ഭാഗത്തെ വലിയവളവ് നിവർത്താതെയാണ് റോഡ് നവീകരിക്കുന്നത്. ഇവിടെയും നൂറുമീറ്റർ അകലെയുമായി രണ്ട് കലുങ്കുകളുടെ നിർമാണം പാതിവഴിയിലാണ്. റോഡിനിരുവശത്തും ഓവുചാലുകളും നിർമിക്കുന്നുണ്ട്. മൂന്നരക്കോടി ചെലവിട്ടാണ് ഇത്രയുംഭാഗം നവീകരിച്ച് മെക്കാഡം ടാറിങ്‌ നടത്തുന്നത്.

മേലെ തൊണ്ടി മുതൽ മണത്തണ വരെയുള്ള രണ്ടര കിലോമീറ്റർ നവീകരിച്ച് മെക്കാഡം ടാറിങ്‌ നടത്തണമെങ്കിൽ ഏകദേശം ഇതേ തുക തന്നെ വേണ്ടിവരുമെന്നാണ് പൊതുമരാമത്ത് വിഭാഗം പറയുന്നത്. ജനപ്രതിനിധികളുടെ അഭ്യർഥനയെത്തുടർന്ന് പ്രാഥമിക എസ്റ്റിമേറ്റ് ഇതിനകം തയ്യാറാക്കിയിട്ടുണ്ട്. തെറ്റുവഴി-മണത്തണ റോഡ് പകുതി ഭാഗം ഒഴിവാക്കി നവീകരിക്കുന്നത് ഫണ്ടിന്റെ ലഭ്യതക്കുറവ് മൂലമെന്നാണ് അറിയുന്നത്.

Share our post

KANICHAR

സി.പി. എം പേരാവൂർ ഏരിയാ സമ്മേളനത്തിന് കോളയാട്ട് ചെങ്കൊടി ഉയർന്നു

Published

12 hours ago

November 22, 2024

newshunt admin

Share our post

എം.വിശ്വനാഥൻ

കോളയാട്: സി.പി.എം പേരാവൂർ ഏരിയാ സമ്മേളനത്തിന് പൊതുസമ്മേളന വേദിയായ കോളയാട്ടെ സീതാറാം യെച്ചൂരി നഗറിൽ
സംഘാടകസമിതി ചെയർമാൻ കെ. ടി. ജോസഫ് പതാകയുയർത്തി. വിവിധ സ്മൃതികുടീരങ്ങളിൽനിന്ന് പുറപ്പെട്ട കൊടിമര, പതാക, ദീപശിഖാ ജാഥകൾ താഴെ കോളയാടിൽ സംഗമിച്ച് അത്‌ലറ്റുകൾ, റെഡ് വളണ്ടിയർമാർ എന്നിവരുടെ അകമ്പടിയോടെ പൊതുസമ്മേളന നഗരിയിലെത്തിച്ചു. 22 അനുബന്ധ ദീപശിഖകളും താഴെ കോളയാട് സംഗമിച്ചു. ഏരിയ സെക്രട്ടറി എം.രാജൻ അധ്യക്ഷനായി.

കൊടിമര ജാഥ ജില്ലാ സെക്രട്ടറിയേറ്റംഗം പി .ഹരീന്ദ്രൻ ഉദ്ഘാടനം ചെയ്തു. ജാഥാ ലീഡർ പി .വി. പ്രഭാകരൻ ഏറ്റുവാങ്ങി. പതാകജാഥ സംസ്ഥാന കമ്മറ്റിയംഗം ഡോ. വി ശിവദാസൻ ഉദ്ഘാടനം ചെയ്തു. ജാഥാ ലീഡർ കെ.സുധാകരൻ ഏറ്റുവാങ്ങി. ദീപശിഖാ ജാഥകൾ ജില്ലാ കമ്മറ്റിയംഗം വി. ജി .പദ്മനാഭൻ ഉദ്ഘാടനം ചെയ്തു. ജിജി ജോയ് ഏറ്റുവാങ്ങി. ശനിയാഴ്ച പ്രതിനിധി സമ്മേളനം സംസ്ഥാന കമ്മിറ്റിയംഗം എൻ.ചന്ദ്രനും ഞായറാഴ്ച പൊതുസമ്മേളനം സംസ്ഥാന സെക്രട്ടറിയേറ്റംഗം പി.കെ.ബിജുവും ഉദ്ഘാടനം ചെയ്യും.

Share our post

PERAVOOR

കാനറ ബാങ്ക് പേരാവൂർ മാരത്തൺ ആറാം എഡിഷൻ ഡിസംബർ 21ന്

Published

18 hours ago

November 22, 2024

NH newsdesk

Share our post

കണ്ണൂർ: പേരാവൂർ സ്‌പോർട്‌സ് ഫൗണ്ടേഷൻ വിവിധ സംഘടനകളുടെ സഹകരണത്തോടെ സംഘടിപ്പിക്കുന്ന കാനറ ബാങ്ക് പേരാവൂർ മാരത്തൺ (10.5 K.M) ആറാം എഡിഷൻ ഡിസംബർ 21ന് രാവിലെ ആറിന് പേരാവൂർ ജിമ്മി ജോർജ് സ്റ്റേഡിയത്തിൽ നിന്നാരംഭിക്കും.

പേരാവൂർ ബ്ലോക്ക്, ഗ്രാമ പഞ്ചായത്തുകൾ, പോലീസ്, ഫയർ ആൻഡ് റെസ്‌ക്യൂ ടീം, വിവിധ സർക്കാർ സ്ഥാപനങ്ങൾ, സ്‌പോർട്‌സ് ക്ലബ്ബുകൾ, കോളേജുകൾ, സ്‌കൂളുകൾ, സാമൂഹിക/ സാംസ്‌കാരിക സംഘടനകൾ എന്നിവ എല്ലാ വർഷവും ഈ പരിപാടിയുടെ നടത്തിപ്പിനായി സംഘാടകരുമായി കൈകോർക്കുന്നു. സേ നോ ടു ഡ്രഗ്‌സ് ബോധവത്കരണം നടത്തുകയും ആരോഗ്യകരമായ ജീവിതശൈലി പ്രോത്സാഹിപ്പിക്കുകയും ചെയ്യുക എന്നതാണ് പേരാവൂർ മാരത്തണിന്റെ ലക്ഷ്യം. ഒളിമ്പ്യൻ അഞ്ജു ബോബി ജോർജ് ഇവന്റ് അമ്പാസിഡറും അജിത്ത് മാർക്കോസ് റേസ് ഡിറക്ടറുമാണ്. കാനറ ബാങ്കാണ് പേരാവൂർ മാരത്തണിന്റെ ടൈറ്റിൽ സ്‌പോൺസർ. ബേബി മെമ്മോറിയൽ ഹോസ്പിറ്റൽ കണ്ണൂർ മെഡിക്കൽ പാർട്ണറാണ്.

5000-ലധികം ഓട്ടക്കാരും റൂട്ടിലും വേദിയിലും ഏകദേശം മൂന്ന് മടങ്ങിൽ കൂടുതൽ ജനക്കൂട്ടത്തെയും സംഘാടകർ പ്രതീക്ഷിക്കുന്നു. വിവിധ വിഭാഗങ്ങൾക്കായി 10.5 K യിൽ പ്രൈസ് മണിയും കുടുംബങ്ങൾക്കും സ്ത്രീകൾക്കും കുട്ടികൾക്കുമായി 3.5 K ഫൺ റണ്ണും ക്രമീകരിച്ചിട്ടുണ്ട്. ഓപ്പൺ കാറ്റഗറിയിൽ 10000, 5000, 3000 എന്ന ക്രമത്തിൽ ആദ്യത്തെ മൂന്ന് സ്ഥാനങ്ങൾക്കും അതിനുശേഷം ഫിനിഷ് ചെയ്യുന്ന ആദ്യത്തെ ഏഴ് ഓട്ടക്കാർക്ക്ആയിരം രൂപ വീതവും ലഭിക്കും. ഇതേ ക്രമത്തിൽ വനിതാ വിഭാഗത്തിനും സമ്മാനങ്ങൾ ഉണ്ട്. 18 വയസ്സിൽ താഴെയുള്ള ആൺകുട്ടികൾക്കും പെൺകുട്ടികൾക്കും പ്രത്യേക ക്യാഷ് പ്രൈസും ഉണ്ട്. ഓട്ടത്തിനൊടുവിൽ എല്ലാവർക്കും ഫിനിഷർ മെഡലും ലഭിക്കും.

ഓപ്പൺ കാറ്റഗറിയിൽ രജിസ്‌ട്രേഷൻ ഫീസ് 600 രൂപയും ഫൺ റൺ കാറ്റഗറിക്ക് രജിസ്‌ട്രേഷൻ ഫീസ് 400 രൂപയുമാണ് . 18 വയസ്സിൽ താഴെയുള്ള കുട്ടികൾക്ക് 250 രൂപയാണ് രജിസ്‌ട്രേഷൻ ഫീസ്. ഓൺലൈൻ രജിസ്‌ട്രേഷൻ www.peravoormarathon.com വെബ്‌സൈറ്റിൽ ലഭ്യമാണ്. വാർത്താ സമ്മേളനത്തിൽ ഇവന്റ് അമ്പാസിഡർ അഞ്ജു ബോബി ജോർജ്, പി.എസ്.എഫ് പ്രസിഡന്റ് സ്റ്റാൻലി ജോർജ്, കാനറ ബാങ്ക് കണ്ണൂർ ഡിവിഷണൽ മാനേജർ ഗംഗാധരയ്യ, ബേബി മെമ്മോറിയൽ ആസ്പത്രി പി. ആർ.ഒ മധുസൂദനൻ, പി. എസ്. എഫ്. ജനറൽ സെക്രട്ടറി എം. സി. കുട്ടിച്ചൻ, ജോ. സെക്രട്ടറി അനൂപ് നാരായണൻ തുടങ്ങിയവർ സംബന്ധിച്ചു.

Share our post

PERAVOOR

പേരാവൂർ മിഡ്‌നൈറ്റ് മാരത്തൺ ശനിയാഴ്ച; ഒരുക്കങ്ങൾ പൂർത്തിയായി

Published

2 days ago

November 21, 2024

NH newsdesk

Share our post

പേരാവൂർ: യുണൈറ്റഡ് മർച്ചന്റ്‌സ് ചേമ്പർ പേരാവൂർ യൂണിറ്റ് സംഘടിപ്പിക്കുന്ന രണ്ടാമത് എഡിഷൻ നരിതൂക്കിൽ ഗോൾഡ് ആൻഡ് ഡയമണ്ട്‌സ് പേരാവൂർ മിഡ്‌നൈറ്റ് മാരത്തൺ നവംബർ 23 ശനിയാഴ്ച രാത്രി 11 മണിക്ക് പേരാവൂർ പഴയ ബസ് സ്റ്റാൻഡിൽ നിന്ന് ആരംഭിക്കും. മാരത്തണിന്റെ ഒരുക്കങ്ങൾ പൂർത്തിയായതായി സംഘാടകർ അറിയിച്ചു.

പേരാവൂർ പഴയ ബസ് സ്റ്റാൻഡിൽ നിന്നാരംഭിച്ച് ചെവിടിക്കുന്ന്, തൊണ്ടിയിൽ, തെറ്റുവഴിയിലൂടെ ഓടി പഴയ ബസ് സ്റ്റാൻഡിൽ സമാപിക്കും വിധം ഏഴ് കിലോമീറ്റർ ആണ് മാരത്തൺ റൂട്ട്. നാലു പേരടങ്ങുന്ന ടീമുകളായാണ് മത്സരം. സിംഗിളായും പങ്കെടുക്കാം.

ഒന്നു മുതൽ മൂന്ന് വരെ സ്ഥാനങ്ങളിലെത്തുന്ന പുരുഷ വനിതാ ടീമുകൾക്ക് 15,000, 10,000, 5000 രൂപ വീതം ക്യാഷ് പ്രൈസും ഓട്ടം പൂർത്തിയാക്കുന്നവർക്ക് മെഡലും സർട്ടിഫിക്കറ്റും ലഭിക്കും. 50 വയസ്സിന് മുകളിലുള്ള നാല് വനിതാ മത്സരാർത്ഥികൾക്കും 60 വയസ്സിന് മുകളിലുള്ള നാല് പുരുഷ മത്സരാർത്ഥികൾക്കും പ്രോത്സാഹന സമ്മാനം ലഭിക്കും. നാല് മുതൽ പത്ത് വരെ സ്ഥാനങ്ങളിൽ എത്തുന്ന ടീം അംഗങ്ങൾക്കും പ്രോത്സാഹന സമ്മാനങ്ങൾ ലഭിക്കും. അർജുന അവാർഡ് ജേതാവ് ഒളിമ്പ്യൻ ടിന്റു ലൂക്കയാണ് മിഡ്‌നൈറ്റ് മാരത്തണിന്റെ ഇവന്റ് അംബാസിഡർ.

ആരോഗ്യ സംരക്ഷണത്തിന്റെ സുപ്രധാന ഘടകമായ വ്യായാമത്തിലെ ഓട്ടത്തിന് പ്രാധാന്യം നൽകുന്നതിനും മാലിന്യമുക്ത കേരളം എന്ന ആശയം പ്രചരിപ്പിക്കുന്നതിനുമാണ് മിഡ്‌നൈറ്റ് മാരത്തൺ സംഘടിപ്പിക്കന്നത്. 23ന് രാത്രി 10ന് ഉദ്ഘാടന സമ്മേളനം. 10.30ന് സുമ്പാ ഡാൻസ്, 11 മണിക്ക് ഇവന്റ് അംബാസിഡർ ഒളിമ്പ്യൻ ടിന്റു ലൂക്കയും പേരാവൂർ ഡി. വൈ.എസ്.പി. കെ.വി. പ്രമോദനും ഫ്‌ളാഗ് ഓഫ് ചെയ്യും.

പത്രസമ്മേളനത്തിൽ ചെയർമാൻ സൈമൺ മേച്ചേരി, യൂണിറ്റ് പ്രസിഡന്റ് ഷിനോജ് നരിതൂക്കിൽ, ജനറൽ സെക്രട്ടറി വി. കെ. രാധാകൃഷ്ണൻ, ട്രഷറർ നാസർ ബറാക്ക, യൂണിറ്റ് രക്ഷാധികാരി കെ.എം. ബഷീർ എന്നിവർ പങ്കെടുത്തു.

Share our post